ឋានៈព្រះគ្រីស្ត
The Nature of Christ

គោលបំណង៖

សំនួរត្រិះរិះ៖

• អ្វីដែលឆាប់រលាយសាបសូន្យ និងអ្វីដែលមានភាពអមតៈយើងចង់បានមួយណា?
• តើពួកយើងថាព្រះយេស៊ូមានសភាពជាព្រះ ឬជាមនុស្ស?

កាលនុប្បវត្តិនៃគ្រីស្តសាសនា

• អំឡុងឆ្នាំ ៤ មុនគ្រីស្តសករាជ៖ ព្រះយេស៊ូប្រសូត
• អំឡុងឆ្នាំ ៣០ ក្រោយគ្រីស្តសករាជ៖ ព្រះយេស៊ូត្រូវគេឆ្កាង
• ឆ្នាំ ៤៩៖ សន្និបាតក្រុងយេរ៉ូសាឡឹម
• ឆ្នាំ ៧០៖ វិហារក្រុងយេរ៉ូសាឡឹមត្រូវបានបំផ្លាញ
• ឆ្នាំ ៦៤ ក្រោយគ្រីស្តសករាជ៖ អគ្គីភ័យនៅក្រុងរ៉ូម (ការចាប់ផ្តើមធ្វើទុក្ខបុកម្នេញចំពោះគ្រីស្តបរិស័ទដោយព្រះបាទណេរ៉ូ)
• អំឡុងពីឆ្នាំ ៧០ ដល់១០០៖ ព្រះគម្ពីរដំណឹងល្អត្រូវបានសរសេរឡើង
• អំឡុងឆ្នាំ ៩៥៖ សៀវភៅវិវរណៈត្រូវបានតាក់តែងឡើង
• ឆ្នាំ ១៥០៖ ចាស្ទីន ម៉ាធៀ បកស្រាយអំពី ពិធីបុណ្យដ៏វិសុទ្ធ
• ឆ្នាំ ២១៥ ដល់២៩០៖ ដំណើរវិវត្តនៃផ្នត់គំនិតពីរ សាលានៅអាឡិចហ្សង់ និងសាលានៅអន់ទីយ៉ូក
• ឆ្នាំ ៣០៣៖ ការធ្វើទុក្ខបុកម្នេញដោយក្រុមឌីយ៉ូក្លេស
• ឆ្នាំ៣១១៖ ព្រះបាទហ្គាលីនុសចេញក្រឹត្យអោយយោគយល់គ្រីស្តសាសនា
• ឆ្នាំ ៣១២៖ ការតយុទ្ធនៅ ស្ពានមៀលវីយ៉ូ (ព្រះបាទកុងស្តង់តាំងបានកែប្រែចិត្តគំនិតទៅជាគ្រីស្តបរិស័ទ)
• ឆ្នាំ ៣២៥៖ សន្និបាតក្រុងនីសេ/ឆ្នាំ ៣៨១ ៖ សន្និបាតក្រុងកុងស្តង់តាំង
• ឆ្នាំ ៣៩៥៖ គ្រីស្តសាសនាក្លាយជាសាសនាស្របច្បាប់របស់អាណាចក្ររ៉ូម
• ឆ្នាំ ៤៣១៖ សន្និបាតក្រុងអេភេសូ/ឆ្នាំ ៤៥១៖ សន្និបាតក្រុងកាលសេដូន

ដំណាក់កាលដំបូងនៃការវិវត្តនៃគ្រីស្តសាសនា

• សម័យព្រះគ្រីស្ត
• សម័យក្រុមគ្រីស្តទូត
• សម័យកាលបុព្វបុរសនៃជំនឿ

ទស្សនៈវិជ្ជាក្រិចសម័យបុរាណ

លោកប្លាតូ	លោកអារីស្តូត
• សេចក្តីពិត ត្រូវឥតខ្ចោះ និងមិនប្រែប្រួល	• សេចក្តីពិត គឺជាអ្វីដែលបានកើតឡើង
• អ្វីដែលនៅក្នុងគំនិត ដែលមិនប្រែប្រួល និងនៅស្ថិតស្ថេរ	• អ្វីដែលមានវត្តមានជាក់ស្តែង និងវិវត្តទៅកាន់សក្តានុពលរបស់វា

សំណួរ៖

• តើនរណាដែលល្អឥតខ្ចោះបាន?
• តើនរណាដែលឥតប្រែប្រួលបាន?
• តើនរណាដែលមានជីវិតអស់កល្បជានិច្ច?

អត្ថបទព្រះគម្ពីរ៖

• មថ ៥,៤៨ (ព្រះបិតាគ្រប់លក្ខណ៍)
• សរ ៣,១៤ (ព្រះដែលមានព្រះជន្មគង់នៅ)
• វវ ២២,១៣ (ជាដើម និងចុងបញ្ចប់)
• មថ ១,២០ខ/លក ១,៣៥/យហ ១,១-៥

សំនួរអំពីសភាពព្រះយេស៊ូ៖

• តើព្រះយេស៊ូមានសភាពជាព្រះជាម្ចាស់ ឬជាមនុស្សធម្មតាដូចយើង?
• តើព្រះយេស៊ូជាកូននាងម៉ារីបង្កើត ឬបុត្រាព្រះជាម្ចាស់?
• ប្រហែលព្រះជាម្ចាស់ខ្ចីពោះនាងម៉ារីបង្កើតព្រះយេស៊ូ?
• ប្រហែលព្រះយេស៊ូជាកូននាងម៉ារី តែព្រះជាម្ចាស់ទទួលធ្វើកូនចិញ្ចឹម?
• ប្រហែលជាមនុស្សធម្មតាដូចយើង តែមិនមែនសភាពជាព្រះនោះទេ?
• ប្រហែលជាព្រះជាម្ចាស់ តែមិនមានសភាពជាមនុស្សនោះទេ?
• ប្រហែលពាក់កណ្តាលមានសភាពជាព្រះ និងពាក់កណ្តាលមានសភាពជាមនុស្សមនុស្ស?
• ប្រហែលពេញលក្ខណៈមានសភាពជាព្រះ និងពេញលក្ខណៈមានសភាពជាមនុស្ស?

សន្និបាតផ្សេងៗក្នុងព្រះសហគមន៍៖

• ក្រុងយេរ៉ូសាឡឹម (អ្នកជឿមិនមែនជាតិយូដា កក ១៥)
• ក្រុងនីសេ ទី១ (៣២៥)
  – តាក់តែងនូវធម៌ប្រកាសជំនឿក្រុងនីសេ
  – បដិសេធអ្វីដែលជាផ្នត់គំនិតអារីយូសនិយម
  – ទទួលស្គាល់ព្រះយេស៊ូមានសភាពជាព្រះជាម្ចាស់ពេញលក្ខណៈ
• កុ្រងកុងស្តង់តាំង ទី១ (៣៨១)
  – ទទួលយកជាកំហិតនូវធម៌ប្រកាសជំនឿក្រុងនីសេ
  – ទទួលស្គាល់ព្រះយេស៊ូមានសភាពជាព្រះជាម្ចាស់ពេញលក្ខណៈ
  – ព្រះត្រៃឯក (សភាពជាព្រះជាម្ចាស់តែមួយ តែមានអង្គផ្សេងគ្នា)

ផ្នត់គំនិតអំពីសភាពព្រះគ្រីស្តតាមអារីយូស៖

• ផ្នត់គំនិតតាមបែបអារីយូសនិយម៖ ព្រះយេស៊ូមិនមានសភាពជាព្រះជាម្ចាស់នោះទេ ព្រះជាម្ចាស់បង្កើត ព្រះយេស៊ូ មានតែព្រះជាម្ចាស់មួយគត់ដែលគង់អស់កល្បជានិច្ច
• ព្រះយេស៊ូមានសភាពទាបជាងព្រះជាម្ចាស់ ខ្ពស់ជាងមនុស្ស
• សភាពស្រដៀង តែមិនដូចព្រះជាម្ចាស់នោះទេ
• បដិសេធនូវជំនឿលើព្រះត្រៃឯក
• ប្រកាន់ភ្ជាប់នូវគោលជំហរ ព្រះឯកអង្គ
• បដិសេធនូវសភាពពេញលក្ខណៈជាព្រះជាម្ចាស់របស់ព្រះយេស៊ូ
• បដិសេធនូវសភាពពេញលក្ខណៈជាមនុស្សរបស់ព្រះយេស៊ូផងដែរ
• សភាពជាមនុស្សរបស់ព្រះយេស៊ូគឺគ្រាន់តែខ្ចីរូបរាងមនុស្សមកពាក់ពីខាងក្រៅប៉ុណ្ណោះ

ផ្នត់គំនិតអំពីសភាពព្រះយេស៊ូតាមអាថាណាស្យុស៖

• សន្តអាថាណេស្យុស ពីអាឡិចហ្សង់
• ព្រះយេស៊ូរួមក្នុងសភាពពេញលេញរបស់ព្រះជាម្ចាស់
• ភាពជាព្រះជាម្ចាស់របស់ព្រះយេស៊ូមិនមែនស្រដៀងព្រះជាម្ចាស់តែដូចទៅនឹងព្រះជាម្ចាស់ផ្ទាល់
• បុគ្គលព្រះគ្រីស្តគឺនៅជាប់នឹងបេសកកម្មសង្គ្រោះរបស់ព្រះអង្គ។ ប្រសិនបើគ្រីស្តបរិស័ទត្រូវបានសង្គ្រោះដោយសារព្រះគ្រីស្ត មានតែព្រះគ្រីស្តជាព្រះជាម្ចាស់
• ដោយសារមានតែព្រះជាម្ចាស់ដែលអាចសង្គ្រោះ

សន្និបាតផ្សេងៗក្នុងព្រះសហគមន៍៖

• ក្រុងអេភេសូ​​ (៤៣១)
  – សភាពទាំងពីររបស់ព្រះគ្រីស្ត
  -បដិសេធអ្វីដែលជាផ្នត់គំនិតនេស្តូរីយុសនិយម
  – ទទួលស្គាល់នូវធម្មជាតិទាំងពីររបស់ព្រះគ្រីស្តក្នុងអង្គតែមួយ
  – តើវាមានបែបបទយ៉ាងម៉េច​? អត់បានពន្យល់
• ក្រុងកាលសេដូន (៤៥១)
  – សភាពទាំងពីររបស់ព្រះគ្រីស្ត
  – បដិសេធអ្វីដែលជាផ្នត់គំនិតនេស្តូរីយុសនិយម
  – ទទួលស្គាល់នូវធម្មជាតិទាំងពីររបស់ព្រះគ្រីស្តក្នុងអង្គតែមួយ
  – ព្រះគ្រីស្តគឺមានតែមួយអង្គ មិនមែនពីរអង្គ
  – ព្រះអង្គមានសភាពពេញលក្ខណៈជាព្រះជាម្ចាស់ផង និងសភាពពេញលក្ខណៈជាមនុស្សផង
  – ព្រះយេស៊ូជាបុគ្គលមួយអង្គដែលមានសភាពពីរមិនអាចបំបែកបាន ហើយក៏មិនអាចច្រឡំគ្នាបាន។ សភាពទាំងពីរនេះបន្តបំពេញដំណើរការក្នុងអង្គព្រះគ្រីស្តតែមួយដោយមិនលោកឡំគ្នាតាមធម្មជាតិរបស់ខ្លួន ហើយដែលសភាពទាំងពីរនេះបង្គ្រប់ន័យអោយគ្នាទៅវិញទៅមកក្នុងអង្គព្រះគ្រីស្តតែមួយនេះ។

ផ្នត់គំនិតអំពីព្រះគ្រីស្តតាមណេស្តូរីយូស៖

• លោកប្រកាន់ខ្ជាប់ថានាងម៉ារីមិនមែនជាមាតាព្រះជាម្ចាស់ តែជាមាតារបស់ព្រះគ្រីស្ត
• ហើយព្រះគ្រីស្តគ្រាន់តែជាមនុស្សធម្មតា
• ដែលព្រះជាម្ចាស់ទទួលធ្វើដូចកូនចិញ្ចឹម
• តាមរយៈការប្រទាននូវព្រះវិញ្ញាណដ៏វិសុទ្ធអោយមកគង់ក្នុងអង្គព្រះគ្រីស្តដើម្បីអោយទៅជាបុត្រាព្រះជាម្ចាស់
• សភាពពីរផ្សេងគ្នាក្នុងអង្គព្រះគ្រីស្តតែមួយ
• ជាកូនប្រុសរបស់នាងម៉ារី
• និងជាកូនប្រុសចិញ្ចឹមរបស់ព្រះជាម្ចាស់នៅក្នុងកាលណាមួយ
• ព្រះវិញ្ញាណមកគង់សន្ធិតនៅពេលចាប់កំណើត ឬពេលជ្រមុជទឹក ឬពេលទទួលព្រះជន្មថ្មីដ៏រុងរឿង
• សភាពទាំងនេះរបស់ព្រះគ្រីស្តបន្តនៅដាច់ពីគ្នា
• សភាពជាមនុស្សពេញលក្ខណៈ តែមិនមែនសភាពជាព្រះជាម្ចាស់ពេញលក្ខណៈ

ផ្នត់គំនិតពីរ៖

• ផ្នត់គំនិតតាមសាលានៅអាឡិចហ្សង់
  – ព្រះបន្ទូល និងសាច់ឈាម (Logos-Sarx)
• ផ្នត់គំនិតតាមសាលានៅអង់ទីយ៉ូក
  – ព្រះបន្ទូល និងមនុស្ស (Logos-Anthropos)

+ ផ្នត់គំនិតតាមសាលានៅអាឡិចហ្សង់៖

• ចំណុចចាប់ផ្តើម៖ វត្តមានដែលអស់កល្បជានិច្ច ជាព្រះបន្ទូលព្រះជាម្ចាស់
• ហើយបានចាប់យកកំណើតជាមនុស្សក្នុងកាលណាមួយ
• ចំណុចខ្លាំង៖ ទទួលស្គាល់នូវសភាពពេញលេញរបស់ព្រះគ្រីស្តជាព្រះជាម្ចាស់ ព្រះគ្រីស្តជាព្រះបន្ទូលដែលទទួលសាច់ឈាមជាមនុស្ស បុគ្គលតែមួយ មានសភាពពីររួមគ្នា
• ចំណុចខ្សោយ៖ សភាពជាមនុស្សពេញលក្ខណៈរបស់់ព្រះគ្រីស្តមិនត្រូវបានអោយតម្លៃ នាំទៅរកទំនោរផ្នត់គំនិតថា សភាពជាមនុស្សរបស់ទ្រង់គឺគ្រាន់ជាការបំភាន់ភ្នែក។

+ ផ្នត់គំនិតតាមសាលានៅអន់ទីយ៉ូក៖

• ចំណុចចាប់ផ្តើម៖ ទទួលស្គាល់នូវសភាពជាមនុស្សដ៏ពេញលក្ខណៈរបស់ព្រះគ្រីស្ត
• ព្រះវិញ្ញាណមកគង់សណ្ឋិតនៅក្នុងកាលណាមួយ (អាចពេលចាប់កំណើត ឬជ្រមុជទឹក ឬពេលទទួលព្រះជន្មថ្មីដ៏រុងរឿង)
• ចំណុចខ្លាំង៖ សង្កត់ធ្ងន់លើសភាពជាមនុស្សពេញលេញរបស់ព្រះគ្រីស្ត
• ចំណុចខ្សោយ៖ នាំអោយមានបុគ្គលពីរអង្គក្នុងអង្គព្រះគ្រីស្តតែមួយ (ម្នាក់ជាបុត្រាចិញ្ចឹមរបស់ព្រះជាម្ចាស់ និងម្នាក់ទៀតជាកូនប្រុសបង្កើតធម្មតាម្នាក់របស់នាងម៉ារី)។

សភាពទាំងពីររបស់ព្រះគ្រីស្តសំខាន់សម្រាប់ខ្ញុំ៖

• យើងត្រូវការព្រះគ្រីសក្នុងសភាពទាំងពីរ (មានសភាពជាព្រះជាម្ចាស់ពេញលក្ខណៈផង និងសភាពជាមនុស្សពេញលក្ខណៈផង)
• ព្រះគ្រីស្តតាមប្រវត្តិសាស្ត្រ (បញ្ចៀសនូវការគិតថារឿងរ៉ាវព្រះគ្រីស្តគឺគ្រាន់តែជារឿងព្រេង ឬរឿងនិទាន)
• ព្រះគ្រីស្តនៃជំនឿ (បញ្ចៀសនូវការគិតថារឿងរ៉ាវព្រះគ្រីស្តគឺគ្រាន់តែជារឿងប្រវត្តិសាស្រ្តមួយ ឬរឿងប្រវត្តិរបស់អ្នកបដិវត្តផ្នត់គំនិតម្នាក់ប៉ុណ្ណោះ)
• ប្រកាន់នូវជំនឿមួយដែលមិនមែនជាជំនឿអរូបិយ ឬមិនសមហេតុផល
• យើងមានប្រវត្តិសាស្ត្រត្រឹមត្រូវ មិនមែនរឿងប្រឌិត
• យើងមានប្រវត្តិសាស្ត្រត្រឹមត្រូវ មិនមែនរឿងប្រឌិត
• ទន្ទឹមគ្នានេះដែរព្រះគ្រីស្តតាមប្រវត្តិសាស្ត្រជួយយើងអោយចេះអោយតម្លៃលើសភាពជាមនុស្សរបស់យើង ដែលគ្រាមួយទ្រង់បានមកយោងកំណើតក្នុងសភាពនោះ មានបទពិសោធន៍ជាមនុស្សដូចយើង។
• សភាពជាមនុស្សរបស់មិនមែនជាអ្វីដែលយើងគួរខ្ពើមរអើម និងព្យាយាមបំបាត់វា
• ហើយសភាពជាព្រះជាម្ចាស់ដែលនៅតែជាការអស្ចារ្យ និងអាថ៌កំបាំងមួយដែលយើងមិនអាចស្គាល់បានឥតខ្ចោះ
• និងទទួលស្គាល់ភាពខ្វះខាតក្នុងសភាពជាមនុស្សរបស់យើង និងបន្តបើកចិត្តដើម្បីទទួលរៀនខ្លឹមសារថ្មីៗដែលមិនចេះរីងស្ងួតនេះ។

សង្ខេប៖

• ផ្នត់គំនិតអំពីឋានៈ ក៏ដូចជាធម្មជាតិ និងសភាពរបស់ព្រះគ្រីស្តត្រូវបានយកមកពិភាក្សានៅសម័យកាលបុព្វបុរសនៃជំនឿរបស់យើង
• ២ ទៅ៣ជំនាន់ក្រោយព្រះយេស៊ូបានសុគត និងមានព្រះជន្មថ្មីដ៏រុងរឿង
• ព្រះយេស៊ូមានសភាពស្មើទៅនឹងព្រះជាម្ចាស់់ក្នុងអង្គព្រះត្រៃឯក
• ព្រះយេស៊ូមានសភាពជាមនុស្សពេញលក្ខណៈ និងជាព្រះជាម្ចាស់ពេញលក្ខណៈក្នុងអង្គតែមួយ
• មិនមែនអង្គពីផ្សេងគ្នា
• មិនមែនពាក់កណ្តាលមនុស្ស និងពាក់កណ្តាលព្រះជាម្ចាស់នោះទេ
• ព្រះនាងម៉ារីគឺជាអ្នកពរពោះព្រះជាម្ចាស់ផង និងជាអ្នកពរពោះព្រះគ្រីស្តផង
• ព្រះគ្រីស្តតាមជំនឿជួយយើងអោយជៀសផុតពីការគិតថាព្រះអង្គគ្រាន់តែជាអ្នកបដិវត្តផ្នត់គំនិតម្នាក់ក្នុងប្រវត្តិសាស្ត្រមនុស្សលោក
• ព្រះគ្រីស្តតាមប្រវត្តិសាស្ត្រជួយយើងអោយដឹងថាជីវិតព្រះគ្រីស្តមិនមែនជារឿងព្រេងនិទាន ឬប្រឌិតអាទិទេពអ្វីនោះទេ
• សភាពជាព្រះជាម្ចាស់របស់ព្រះអង្គដាស់តឿនអំពីភាពខ្វះខាតជាមនុស្សរបស់យើង (អោយចេះបន្ទាបខ្លួន)
• សភាពជាមនុស្សរបស់ព្រះអង្គដាស់តឿនអំពីការស្រឡាញ់និងអោយតម្លៃដល់សភាពជាមនុស្សរបស់យើងម្នាក់ៗ
• សភាពជាមនុស្សរបស់យើងមិនមែនជាអ្វីដែលយើងគួរស្អប់ខ្ពើម (ព្រះជាម្ចាស់បង្កើតយើងអោយមានលក្ខណៈស្រដៀងព្រះអង្គ)

អធិដ្ឋានបញ្ចប់សន្ត ហ្វ្រង់ស៊ីស្កូ សាវីយ៉េ៖

បពិត្រព្រះជាម្ចាស់
កូនស្រឡាញ់ទ្រង់ មិនមែនដោយសារកូនចង់បានបុណ្យអានិសង្សអ្វីពីព្រះអង្គ ឬដោយសារកូនខ្លាចធ្លាក់ទៅក្នុងភ្លើងនរកអវចីអ្វីនោះឡើយ។ ប៉ុន្តែដោយសារព្រះគ្រីស្តដែលទ្រង់បានក្រសោបអោបកូនដោយសុខចិត្តបូជាព្រះជន្មផ្ទាល់លើឈើឆ្កាងនោះវិញទេតើ។ ទ្រង់ត្រូវបានចាក់ទំលុះដោយដែកគោល និងលំពែង ដោយត្រូវគេមាក់ងាយ ទទួលរងភាពអាម៉ាស់គ្រប់យ៉ាង ញើសហូរធ្លាក់ជាមួយទុក្ខព្រួយ រហូតដល់ត្រូវអស់សង្ខារក៏ព្រោះតែសម្រាប់រូបកូនដែលជាអ្នកបាប។ ហេតុនេះហើយ តើមិនអោយកូនស្រឡាញ់ទ្រង់ម្តេចបាន ឱ ព្រះគ្រីស្តអើយ? មិនមែនព្រោះតែស្ថានបរមសុខទើបកូនត្រូវស្រឡាញ់ទ្រង់នោះឡើយ។

សំនួរត្រិះរិះ៖

• តើអ្នកបានរៀនអ្វីអំពីការប្រជុំទីមួយនេះ?
• តើព្រះគ្រីស្តជាមនុស្សពេញលក្ខណៈជួយអ្វីដល់ជំនឿរបស់ខ្ញុំ?
• តើព្រះគ្រីស្តជាព្រះជាម្ចាស់ពេញលក្ខណៈជួយអ្វីដល់ជំនឿរបស់ខ្ញុំ?

---