ទី២ ព្រះជាម្ចាស់ណែនាំព្រះសហគមន៍តាមមាគា៌នៃការសង្រ្គោះ

ភាគទី១ ពិធីលើកតម្កើងព្រះបន្ទូល

ភាគទី២ ពិធីអរព្រះគុណដ៏វិសុទ្ធ

ពាក្យជូនពរចុងបញ្ចប់នៃអភិបូជា

ពិធីប្រារព្ធតាមរដូវផ្សេងៗ
១- រដូវអបអរសាទរព្រះគ្រីស្តយាងមក
២- ព្រះអម្ចាស់យេស៊ូប្រសូត
៣-ចូលឆ្នាំថ្មី
៤- បុណ្យព្រះយេស៊ូសម្តែងព្រះអង្គ
៥- ព្រះអម្ចាស់សោយទុក្ខលំបាក
៦- រដូវបុណ្យចម្លង
៧- បុណ្យព្រះអម្ចាស់យាងឡើងស្ថានបរមសុខ
៨- ព្រះវិញ្ញាណដ៏វិសុទ្ធ
៩- រដូវធម្មតាទី ១
១០- រដូវធម្មតាទី ២
១១- រដូវធម្មតាទី ៣
១២- រដូវធម្មតាទី ៤
១៣- រដូវធម្មតាទី ៥
១៤- រដូវធម្មតាទី ៦
បុណ្យគោរពសន្តបុគ្គល
១៥- បុណ្យគោរពព្រះនាងព្រហ្មចារិនីម៉ារី
១៦- សន្តសិលា និងសន្តប៉ូលជាគ្រីស្តទូត
១៧- ក្រុមគ្រីស្តទូត
១៨- សន្តបុគ្គលទាំងឡាយ
ពាក្យជូនពរផ្សេងៗ
១៩- បុណ្យឆ្លងព្រះវិហារ
២០- បុណ្យមរណបុគ្គល

ទី២ ព្រះជាម្ចាស់ណែនាំព្រះសហគមន៍តាមមាគា៌នៃការសង្រ្គោះ

ប.	សូមព្រះអម្ចាស់គង់នៅជាមួយបងប្អូន។
គ្រ.	ហើយគង់នៅជាមួយវិញ្ញាណរបស់លោកផង។
ប.	សូមលើកចិត្តថ្វាយព្រះអង្គ។
គ្រ.	យើងលើកចិត្តថ្វាយព្រះអង្គហើយ។
ប.	សូមអរព្រះគុណព្រះជាអម្ចាស់នៃយើងខ្ញុំ។
គ្រ.	ពិតជាការគួរណាស់ ហើយប្រពៃផង។
ប.	បពិត្រព្រះអម្ចាស់ជាព្រះបិតាដ៏វិសុទ្ធ ! ព្រះអង្គជាព្រះបង្កើតពិភពលោក និងជាប្រភពនៃជីវិតទាំងអស់ ពិតជាការគួរណាស់ហើយប្រពៃផង ពិតជាត្រឹមត្រូវ និងជាការសង្រ្គោះមែន ដែលយើងខ្ញុំសូមអរព្រះគុណព្រះអង្គគ្រប់ពេលវេលា និងគ្រប់ទិសទី។ ព្រះអង្គមិនដែលបោះបង់អ្វីៗ ដែលកើតពីព្រះប្រាជ្ញាញាណរបស់ព្រះអង្គឡើយ ដ្បិតព្រះអង្គជាព្រះឧបការគុណ ដែលគង់នៅកណ្តាលចំណោមយើងខ្ញុំ។ កាលពីជំនាន់ដើម ព្រះអង្គដឹកដៃជនជាតិអ៊ីស្រាអែល ជាប្រជារាស្រ្តរបស់ព្រះអង្គឱ្យឆ្លងកាត់វាលរហោស្ថាន សព្វថ្ងៃ ព្រះអង្គនៅតែរួមដំណើរជាមួយព្រះសហគមន៍ក្នុងលោកនេះ ដោយឫទ្ធានុភាពនៃព្រះវិញ្ញាណដ៏វិសុទ្ធ។ ព្រះបិតាណែនាំព្រះសហគមន៍ តាមរយៈព្រះគ្រីស្តជាព្រះអម្ចាស់យើងខ្ញុំ ឱ្យឆ្លងកាត់សម័យកាលទាំងឡាយ ទៅកាន់អំណរសប្បាយអស់កល្បជានិច្ចក្នុងព្រះរាជ្យព្រះអង្គ។ អាស្រ័យហេតុនេះហើយ បានជាយើងខ្ញុំសូមចូលរួមជាមួយអស់ទេវទូត និងសន្តបុគ្គលទាំងឡាយ ដើម្បីលើកតម្កេីងសិរីរុងរឿងរបស់ព្រះអង្គ ដោយប្រកាសឥតឈប់ឈរថា ៖
គ្រ.	ព្រះដ៏វិសុទ្ធ ! ព្រះដ៏វិសុទ្ធ ! ព្រះដ៏វិសុទ្ធ ! ព្រះអង្គជាព្រះអម្ចាស់ នៃពិភពទាំងមូល មេឃនិងដី ពោរពេញដោយសិរីរុងរឿងរបស់ព្រះអង្គ។ ជយោ ! ព្រះអង្គឯស្ថានដ៏ខ្ពង់ខ្ពស់បំផុត សូមលើកតម្កេីងព្រះអង្គ ដែលយាងមកក្នុងព្រះនាមព្រះអម្ចាស់។ ជយោ ! ព្រះអង្គឯស្ថានដ៏ខ្ពង់ខ្ពស់បំផុត។
ប.	ឱ ព្រះជាម្ចាស់អើយ ! ព្រះអង្គពិតជាព្រះដ៏វិសុទ្ធ ព្រះអង្គស្រឡាញ់មនុស្សលោក ទ្រង់រួមដំណើរជាមួយយើងខ្ញុំជារៀងរាល់ថ្ងៃ។ ព្រះបុត្រាប្រកបដោយព្រះពរគ្រប់បែបយ៉ាង ព្រះអង្គគង់នៅកណ្តាលចំណោមយើងខ្ញុំ នៅពេលយើងខ្ញុំជួបជុំគ្នាក្នុងសេចក្តីស្រឡាញ់របស់ព្រះអង្គ។ ព្រះអង្គបកស្រាយព្រះគម្ពីរ និងកាច់នំបុ័ងប្រទានឱ្យយើងខ្ញុំ ដូចព្រះអង្គបានប្រព្រឹត្តចំពោះក្រុមសាវ័កកាលពីដើម។ ឱ ព្រះបិតាប្រកបដោយធម៌មេត្តាករុណា ! សូមព្រះអង្គចាត់ព្រះវិញ្ញាណរបស់ព្រះអង្គ មកញុាំងនំបុ័ង និងស្រាតង្វាយនេះឱ្យបានវិសុទ្ធ ទៅជាព្រះកាយ † និងព្រះលោហិត ព្រះអម្ចាស់យេស៊ូគ្រីស្តសម្រាប់យើងខ្ញុំ។ នៅយប់ មុនព្រះយេស៊ូសោយទុក្ខលំបាក ព្រះអង្គធ្វើពិធីជប់លៀងចុងក្រោយបង្អស់ ព្រះអង្គយកនំបុ័ងមកកាន់ លើកតម្កេីងព្រះបិតា ហើយកាច់ប្រទានឱ្យក្រុមសាវ័ក ទាំងមានព្រះបន្ទូលថា ៖
ប.	សូមអ្នករាល់គ្នាយកពិសាចុះ នេះជារូបកាយរបស់ខ្ញុំ ដែលត្រូវបូជាសម្រាប់អ្នករាល់គ្នា។ នៅពេលចុងក្រោយនៃពិធីជប់លៀង ព្រះអង្គធ្វើតាមរបៀបដដែល ព្រះអង្គលើកពែងស្រាឡើង អរព្រះគុណព្រះបិតា ហើយប្រទានឱ្យក្រុមសាវ័ក ទាំងមានព្រះបន្ទូលថា៖ សូមអ្នករាល់គ្នាយកពែងនេះ ហើយពិសាចុះ នេះជាលោហិតរបស់ខ្ញុំ ដែលចងសម្ពន្ធមេត្រីថ្មី និងគង់វង្សអស់កល្បជានិច្ច ហើយដែលត្រូវបង្ហូរ ដើម្បីលើកលែងទោសអ្នករាល់គ្នា និងមនុស្សច្រើនឥតគណនាឱ្យរួចពីបាប។ សូមអ្នករាល់គ្នាធ្វើដូច្នេះ ដើម្បីនឹករឭកដល់ខ្ញុំ។
ប.	នេះជាគម្រោងការដ៏អស្ចារ្យនៃជំនឿ !
គ្រ.	ឱ ព្រះអម្ចាស់អើយ ! យើងខ្ញុំជឿថា ព្រះអង្គសោយទិវង្គត និងមានព្រះជន្មរស់ឡើងវិញ ហើយយើងខ្ញុំសូមប្រកាសរហូតដល់ពេលព្រះអង្គយាងមក។
ឬ
គ្រ.	ឱ ព្រះអម្ចាស់អើយ ! រៀងរាល់ពេល យើងខ្ញុំពិសានំបុ័ង និងពិសាពីពែងនេះ យើងខ្ញុំបញ្ជាក់ថា ព្រះអង្គសោយទិវង្គត ហើយយើងខ្ញុំសូមប្រកាសរហូតដល់ពេលព្រះអង្គយាងមក។
ឬ
គ្រ.	ឱ ព្រះសង្រ្គោះនៃមនុស្សលោកអើយ ! ព្រះអង្គសោយទិវង្គតលើឈើឆ្កាង និងមានព្រះជន្មរស់ឡើងវិញ ដើម្បីរំដោះយើងខ្ញុំ សូមសង្រ្គោះយើងខ្ញុំ។
ប.	បពិត្រព្រះបិតាដ៏វិសុទ្ធ ! យើងខ្ញុំសូមនឹករឭកដល់ព្រះគ្រីស្តជាព្រះបុត្រាព្រះអង្គ និងជាព្រះសង្រ្គោះយើងខ្ញុំ។ ក្រោយពេលព្រះបុត្រាឆ្លងកាត់ទុក្ខលំបាក និងសោយទិវង្គតនៅលើឈើឆ្កាង ព្រះបិតាបានប្រោសព្រះបុត្រាឱ្យមានព្រះជន្មរស់ឡើងវិញ ប្រកបដោយសិរីរុងរឿង និងគង់ខាងស្តាំព្រះអង្គ។ យើងខ្ញុំសូមប្រកាសពីកិច្ចការនៃព្រះហឫទ័យស្រឡាញ់របស់ព្រះអង្គ រហូតដល់ពេលព្រះគ្រីស្តយាងមកវិញ ហើយយើងខ្ញុំក៏សូមថ្វាយព្រះអង្គ នូវនំបុ័ងដែលផ្តល់ជីវិត និងពែងនៃព្រះពរ។ សូមព្រះអង្គទតមើលតង្វាយរបស់ព្រះសហគមន៍ព្រះអង្គ ដោយអនុគ្រោះ យើងខ្ញុំសូមបង្ហាញពីសក្ការបូជានៃបុណ្យចម្លងរបស់ព្រះគ្រីស្ត ដែលយើងខ្ញុំបានទទួលបន្តពីជំនាន់មុនៗ។ ដោយឫទ្ធានុភាពរបស់ព្រះវិញ្ញាណនៃសេចក្តីស្រឡាញ់ សូមរាប់បញ្ចូលយើងខ្ញុំទៅក្នុងចំណោមសរីរាង្គរបស់ព្រះបុត្រាព្រះអង្គ ចាប់ពីឥឡូវនេះ រហូតដល់ថ្ងៃយើងខ្ញុំទទួលជីវិតអស់កល្បជានិច្ច គឺនៅក្នុងព្រះកាយ និងព្រះលោហិតព្រះអង្គ ដែលយើងខ្ញុំរួបរួមគ្នាជាធ្លុងតែមួយ។ បពិត្រព្រះអម្ចាស់ ! ព្រះអង្គបានត្រាស់ហៅយើងខ្ញុំឱ្យរួមតុជាមួយព្រះអង្គ សូមព្រះអង្គពង្រឹងឯកភាពឱ្យយើងខ្ញុំរួមជាធ្លុងតែមួយ រួមជាមួយសម្តេចប៉ាបយើងខ្ញុំ (នាម…) ជាមួយលោក(នាម…)ជាអភិបាលព្រះសហគមន៍យើងខ្ញុំ និងជាមួយក្រុមអភិបាលទាំងឡាយ ជាមួយលោកបូជាចារ្យ និងលោកឧបដ្ឋាក ព្រមទាំងប្រជារាស្រ្តទាំងអស់របស់ព្រះអង្គ។ នៅពេលយើងខ្ញុំធ្វើដំណើរតាមមាគ៌ារបស់ព្រះអង្គ ទាំងមានជំនឿ និងសេចក្តីសង្ឃឹម យើងខ្ញុំអាចនាំអំណរសប្បាយ និងការទុកចិត្តគ្នាចូលក្នុងពិភពលោកបាន។ សូមព្រះអង្គនឹកដល់អស់បងប្អូនយើងខ្ញុំ (ឈ្មោះ…និងឈ្មោះ…) ដែលសម្រាន្តលក់ក្នុងសេចក្តីសុខសាន្តរបស់ព្រះគ្រីស្ត ព្រមទាំងអស់មរណបុគ្គល មានតែព្រះអង្គទេ ដែលស្គាល់ជំនឿរបស់អ្នកទាំងនោះ។ សូមព្រះអង្គទទួលបុគ្គលទាំងនោះ ឱ្យគេមានអំណរសប្បាយក្នុងពន្លឺ នៃព្រះភក្រ្តព្រះអង្គ ហើយនៅពេលគេរស់ឡើងវិញ សូមប្រទានឱ្យគេមានជីវិតពេញបរិបូណ៌។ ពេលយើងខ្ញុំបញ្ចប់ដំណើរនៅនាលោកនេះ សូមព្រះអង្គប្រោសឱ្យយើងខ្ញុំបានទទួលលំនៅស្ថានដ៏ស្ថិតស្ថេរ និងរស់នៅជាមួយព្រះអង្គអស់កល្បជានិច្ច។ យើងខ្ញុំទាំងអស់គ្នា សូមកោតសរសើរ និងលើកតម្កេីងព្រះអង្គ រួមជាមួយព្រះនាងព្រហ្មចារិនីម៉ារី ដែលពោរពេញដោយសុភមង្គល ជាមាតាព្រះជាម្ចាស់ ជាមួយអស់គ្រីស្តទូត និងមរណសាក្សី _{(ជាមួយសន្ត… ដែលយើងខ្ញុំគោរពក្នុងថ្ងៃនោះ ឬជាឧបការី)} ព្រមទាំងសន្តបុគ្គលទាំងឡាយ តាមរយៈព្រះយេស៊ូគ្រីស្តជាព្រះបុត្រាព្រះអង្គ។ ឱ ព្រះជាម្ចាស់ជាព្រះបិតាដ៏មានឫទ្ធានុភាពសព្វប្រការ ! គឺដោយព្រះគ្រីស្ត ជាមួយព្រះគ្រីស្ត និងក្នុងអង្គព្រះគ្រីស្ត រួមជាមួយព្រះវិញ្ញាណដ៏វិសុទ្ធផង បានជាយើងខ្ញុំ សូមលើកតម្កេីងសិរីរុងរឿងរបស់ព្រះអង្គ អស់កល្បជាអង្វែងតរៀងទៅ។
គ្រ.	អាម៉ែន។

ពិធីទទួលព្រះកាយ និងព្រះលោហិត >>

530 Views

Post Views: 529