ព្រះអម្ចាស់សម្តែងរូបកាយដ៏អស្ចារ្យ

ព្រះបន្ទូលរបស់ព្រះជាម្ចាស់ (៩ ព្រឹក) សរ ១៩,៩ក

ព្រះអម្ចាស់មានព្រះ‌បន្ទូលមកកាន់លោកម៉ូសេថា៖ «យើងនឹងមករកអ្នក ដោយស្ថិតនៅក្នុងផ្ទាំងពពកយ៉ាងក្រាស់ ដើម្បីឱ្យប្រជាជនឮយើងនិយាយជាមួយអ្នក ហើយទុកចិត្តលើអ្នកជារៀងរហូត»។

បន្ទរ៖ ក្នុងចំណោមបុរសទាំងអស់ មានតែព្រះអង្គទេដែលរូបសម្បត្តិល្អជាងគេ
—ព្រះអង្គមានសំនួន‌វោហារដ៏ពូកែ

ពាក្យអធិដ្ឋាន

ព្រះបន្ទូលរបស់ព្រះជាម្ចាស់ (១២ ថ្ងៃត្រង់) សរ ៣៣,៩.១១ក

កាលលោកម៉ូសេចូលផុតទៅក្នុងពន្លា នោះដុំពពកក៏ចុះមកស្ថិតនៅត្រង់មាត់ទ្វារពន្លា ហើយព្រះ‌អម្ចាស់មានព្រះ‌បន្ទូលមកកាន់លោកម៉ូសេ។ ព្រះ‌អម្ចាស់មានព្រះ‌បន្ទូលមកកាន់លោកម៉ូសេទល់មុខគ្នា ហាក់ដូចជាមនុស្សម្នាក់សន្ទនាជាមួយមិត្តសម្លាញ់របស់ខ្លួន។

បន្ទរ៖ អ្នកណាសម្លឹងឆ្ពោះទៅព្រះអង្គ អ្នកនោះនឹងបានពោរ‌ពេញទៅដោយអំណរ
—ហើយនឹងមិនខកចិត្តសោះឡើយ

ពាក្យអធិដ្ឋាន

ព្រះបន្ទូលរបស់ព្រះជាម្ចាស់ (៣ រសៀល) ២ករ ៣,១៨

យើងទាំងអស់គ្នាដែលគ្មានស្បៃនៅបាំងមុខ យើងបញ្ចេញសិរី‌រុងរឿងរបស់ព្រះ‌អម្ចាស់ដែលចាំងមកលើយើង ហើយយើងនឹងផ្លាស់ប្រែឱ្យបានដូចព្រះអង្គ គឺមានសិរី‌រុងរឿងកាន់តែភ្លឺឡើងៗ។ នេះហើយជាស្នាព្រះ‌ហស្ដរបស់ព្រះ‌វិញ្ញាណនៃព្រះ‌អម្ចាស់។

បន្ទរ៖ ព្រះអង្គជាប្រភពនៃជីវិត
—យើងខ្ញុំមើលឃើញពន្លឺ ដោយសារពន្លឺរបស់ព្រះអង្គ។