ចម្រៀងលេខ១៦២-២៨៤

បន្ទរ	កោតសរសើរ	កោតសរសើរ	កោតសរសើរ	ម៉ារីយ៉ា។
១	យើងខ្ញុំក្រាបអង្វរ	ប្រណម្យឱនកាយ	ក្រាបថ្វាយបង្គំ
	ពេញបុណ្យរុងរឿង	ប្រសើរថ្លៃថ្លា	នៃព្រះនាងម៉ារីយ៉ា	។
២	មាតាល្អប្រសើរ	ខ្ពង់ខ្ពស់អស្ចារ្យ	នៅនាឋានដី
	សូមជួយអង្វរ	បុត្រាសម្លាញ់	ឱ្យកូនជាអ្នកបាប	។

១៦៣- ក្សត្រីបវរលើលោកា

១	ក្សត្រីបវរលើលោកា	មាតាថ្លៃថ្លាយើងរាល់គ្នា
	ព្រះនាងទ្រង់ជួយការពារ	អ្នកដែលរត់មករកព្រះនាង	(ពីរដង)។
២	មាតាចិត្តធម៌ល្អឥតខ្ចោះ	តែងសន្តោសដល់កូនទាំងឡាយ
	សូមឱ្យកូនបានសប្បាយ	ឃ្លាតចាកឆ្ងាយពីក្តីទុក្ខទោស	(ពីរដង)។
៣	មាតាពុំដែលជំពាក់បាប	ជាទីគាប់ព្រះហប្ញទ័យព្រះម្ចាស់
	កូនសូមជ្រកក្រោមបាទា	សូមការពារដោយក្តីអាសូរ	(ពីរដង)។

១៦៤- ក្សត្រីវរមាតា

១

សម្តេចក្សត្រីវរមាតាម៉ារីយ៉ា មាតាព្រះគ្រីស្ត មាតានៃយើងខ្ញុំផង សូមទ្រង់មេត្តា
ឱ្យយើងកូនចៅនៃនាង រត់មកជួបជុំក្រាបបង្គំព្រះបាទនាង ឱ ! ម៉ារីយ៉ា។

២

សម្តេចក្សត្រីព្រហ្មចារិនីដ៏ថ្លៃថ្លា ពេញធម៌មេត្តាពេញព្រះអំណោយទានផង
សូមទ្រង់មេត្តា ឱ្យយើងកូនចៅនៃនាង ស្រឡាញ់មាតាហើយស្រឡាញ់ព្រះអង្គផង
ឱ ! ម៉ារីយ៉ា ។

១៦៥- ក្សត្រីវិមានសុខ

១	សូមសម្តេចក្សត្រី	ទ្រង់អរសប្បាយឡើង	អាលេលូយ៉ា	។
	ដ្បិតព្រះយេស៊ូគ្រីស្ត	ជាបុត្រារបស់ព្រះនាង	អាលេលូយ៉ា	។
២	ព្រះអម្ចាស់មានព្រះជន្មដ៏រុងរឿង	តាមបន្ទូលសន្យា	អាលេលូយ៉ា	។
	សូមព្រះនាងជួយអង្វរព្រះអម្ចាស់	ឱ្យយើងខ្ញុំផង	អាលេលូយ៉ា	។
៣	ឱ ! ព្រះនាងម៉ារី	សូមសប្បាយរីករាយឡើង	អាលេលូយ៉ា	។
	ដ្បិតព្រះបុត្រាព្រះនាង	មានព្រះជន្មដ៏រុងរឿង	អាលេលូយ៉ា	។

១៦៦- ចម្រៀងកោតសរសេីរព្រះនាងម៉ារី

ឱ ! ព្រះនាងម៉ារី ជាព្រះមាតាព្រះគ្រីស្តជាអម្ចាស់ និងជាព្រះមាតាយើងខ្ញុំអើយ !
យើងខ្ញុំសូមគោរពលើកតម្កេីង ព្រះនាងដ៏ឧត្តមប្រសើរ លើសអស់ទេវទូត
និងសន្តបុគ្គលទាំងឡាយ។
សូមព្រះនាងសព្វព្រះហឫទ័យទទួលយើងខ្ញុំ ជាកូនចៅនៃព្រះនាង ។
ហើយសូមដឹកនាំយើងខ្ញុំ ឆ្ពោះទៅព្រះយេស៊ូ ជាបុត្រាព្រះនាង
និងជាអម្ចាស់យើងខ្ញុំ ដើម្បីឱ្យយើងខ្ញុំបាន ទទួលអំណរសប្បាយ
ឯស្ថានបរមសុខជាមួយព្រះនាង និងព្រះយេស៊ូ អស់កល្បជាអង្វែងតរៀងទៅ អាម៉ែន! អាម៉ែន!។

១៦៧- ច្រៀងអាលេលូយ៉ា

បន្ទរ	ច្រៀងអាលេលូយ៉ា!	ច្រៀងអាលេ	អាលេលូយ៉ា!
១	ព្រះជាម្ចាស់បានប្រទានពរ	ដល់នាងលើសស្ត្រីនានា
	ព្រះអង្គក៏ប្រទានពរ	ដល់បុត្រារបស់នាងដែរ!	។
២	ព្រះនាងមានសុភមង្គល	ដ្បិតព្រះនាងជឿព្រះបន្ទូល
	ព្រះជាម្ចាស់ប្រាប់ព្រះនាង	ពិតជាបានសម្រេចមិនខាន	។
៣	ចូរព្រះនាងអរសប្បាយឡើង	ព្រះជាម្ចាស់គាប់ព្រះហឫទ័យ
	នឹងព្រះនាងពិតមែនណា!	ព្រះអង្គគង់ជាមួយព្រះនាង	។
៤	ព្រះនាងដែលជាអ្នកបម្រើ	របស់ព្រះជាម្ចាស់ខ្ពង់ខ្ពស់
	ព្រះនាងសូមឱ្យសម្រេច	តាមព្រះហឫទ័យរបស់ព្រះអង្គ	។

១៦៨- តារាសមុទ្រ

បន្ទរ	ចូរអបអរ ចូរសរសើរ	ចូរច្រៀងថ្វាយមាតាព្រះ
	ចូរអបអរ ចូរសរសើរ	ចូរច្រៀងថ្វាយម៉ារីយ៉ា	។
១	សូមក្រាបសំពះព្រះនាង	ជាមាតាថ្លៃនៃព្រះ
	តារាសមុទ្ទលោកា	ជាទ្វារនៃស្ថានបរមសុខ	។
២	សូមផ្តាច់ចំណងអ្នកបាប	បំភ្លឺដល់អ្នកងងឹត
	អាសូរកម្ចាត់គ្រោះថ្នាក់	ផ្តល់នូវសុភមង្គល	។
៣	សិរីរុងរឿងមានដល់	ព្រះបិតាព្រះបុត្រា
	និងព្រះវិញ្ញាណដ៏វិសុទ្ធ	អស់កល្បដរាបទៅមុខ	។

១៦៩- ទំនុកតម្កេីងរបស់នាងម៉ារី
^{(បទព្រហ្មគីតិ)}

១	ខ្ញុំសូមលើកតម្កេីង	ព្រះនៃយើងជាអម្ចាស់
	ចិត្តខ្ញុំសប្បាយណាស់	ព្រះអម្ចាស់សង្គ្រោះខ្ញុំ	។
២	ទ្រង់មានព្រះហឫទ័យ	មេត្តាក្រៃអាសូរខ្ញុំ
	ជាអ្នកបម្រើទន់-	ទាបពេកពន់នៃព្រះអង្គ	។
	អំណឹះតទៅមុខ	មនុស្សគ្រប់ស្រុកស្រែករំពង
	ថាខ្ញុំមានសុភ-	មង្គលរុងរឿងពេកក្រៃ	។
៣	ព្រះអង្គបានប្រព្រឹត្ត	អស្ចារ្យពិតហួសវិស័យ
	មិនឱ្យខ្ញុំក្សិណក្ស័យ	ជាស្នាដៃព្រះវិសុទ្ធ	។
៤	ទ្រង់មានព្រះហឫទ័យ	ប្រោសប្រណីខ្ពស់បំផុត
	ដល់អស់អ្នកដែលស្លុត	កោតខ្លាចផុតព្រះម្ចាស់ថ្លៃ	។
៥	ទ្រង់បានសម្តែងប្ញទ្ធិ	ដោយកម្ចាត់ជនអប្រីយ៍
	ព្រមទាំងមនុស្សឆ្មើងឆ្មៃ	ដោយស្នាដៃព្រះទ្រង់ប្ញទ្ធិ	។
៦	ទ្រង់បានទម្លាក់អ្នក	អំណាចជាក់មិនឱ្យស្ថិត
	នៅតំណែងពិសិដ្ឋ	ហើយលើកពិតអ្នករាបសា	។
៧	ទ្រង់បានប្រោសប្រទាន	ឱ្យអ្នកឃ្លានឆ្អែតហូរហៀរ
	ឯអ្នកមានមហា	ទ្រង់ដេញទៅដៃទទេ	។
៨	ទ្រង់មានព្រះហឫទ័យ	ប្រោសប្រណីឥតមានរេ
	ដល់ជនជាតិអ៊ីស្រាអែល	ជាពួកដែលបម្រើព្រះអង្គ	។
៩	ពីលោកអប្រាហាំ	រហូតទាំងអស់ពូជពង្ស
	ទ្រង់ពិតជួយស្រោចស្រង់	ជួយតម្រង់ណែនាំផ្លូវ	។
	ស្របតាមព្រះសន្យា	នឹងដូនតាពីមុនកូវ
	រហូតដល់ឥឡូវ	នេះតទៅទ្រង់មិនភ្លេច	។

១៧០- ទំនុកតម្កេីងរបស់ព្រះនាងម៉ារី ១

១	វិញ្ញាណខ្ញុំសូមលើកតម្កេីង	ព្រះដ៏រុងរឿងម្ចាស់លោកា
	ចិត្តខ្ញុំត្រេកអរឥតឧបមា	នឹងការសង្គ្រោះនៃម្ចាស់ថ្លៃ	។
២	ព្រះជាអម្ចាស់ថ្លៃឧត្តម	ទតមើលមកខ្ញុំរាល់យប់ថ្ងៃ
	ជាអ្នកបម្រើដ៏ក្រក្រី	ទ្រង់ប្រោសប្រណីជួយសង្គ្រោះ	។
៣	អំណឹះតទៅគ្រប់សម័យ	មនុស្សក្នុងលោកីយ៍នេះទាំងអស់
	តែងពោលសរសើរខ្ញុំដោយស្មោះ	ថាមានកេរ្តិ៍ឈ្មោះភ័ព្វវាសនា	។
៤	ព្រះម្ចាស់មានប្ញទ្ធិលើសលែងស្តេច	ទ្រង់បានសម្រេចការអស្ចារ្យ
	សង្គ្រោះរូបខ្ញុំដោយមេត្តា	ព្រះអង្គពិតជាព្រះវិសុទ្ធ	។
៥	មេត្តាករុណានៃព្រះអង្គ	ល្អល្អះត្រចង់ប្រសើរផុត
	ប្រោសប្រណីអស់អ្នកក្រខ្សត់	មានចិត្តអំណត់ចេះកោតខ្លាច	។
៦	ព្រះម្ចាស់កម្ចាត់ជនឆ្មើងឆ្មៃ	ដកសិទ្ធពីដៃអ្នកកោងកាច
	លើកជនសុភាពដោយអង់អាច	ឱ្យកាន់អំណាចមានសីលធម៌	។
៧	ព្រះជាអម្ចាស់បានប្រទាន	ដល់អ្នកស្រេកឃ្លានដែលទ័លក្រ
	ទ្រង់ដេញអ្នកមានមិនកាន់ធម៌	ឱ្យចាកចេញចរដៃទទេ	។
៨	ព្រះម្ចាស់លើកស្ទួយជួយរំដោះ	កូនចៅទាំងអស់ឥតទំនេរ
	ព្រោះទ្រង់នឹងចាំឥតភ្លេចទេ	ហប្ញទ័យរិះរេជួយសង្គ្រោះ	។
៩	តាមព្រះបន្ទូលដ៏ប្រពៃ	ថានឹងប្រណីបុព្វបុរស
	លោកអប្រាហាំព្រមទាំងអស់	ពូជពង្សរបស់លោករៀងទៅ	។

១៧១- ទំនុកតម្កេីងរបស់ព្រះនាងម៉ារី ២

បន្ទរ	ព្រះជាអម្ចាស់បានសម្រេចការអស្ចារ្យ	ចំពោះរូបខ្ញុំ ព្រះនាមព្រះអង្គ
	ពិតជាព្រះដ៏វិសុទ្ធ។
១	វិញ្ញាណខ្ញុំសូមលើកតម្កេីង	ព្រះដ៏រុងរឿងម្ចាស់លោកា
	ចិត្តខ្ញុំត្រេកអរឥតឧបមា	នឹងការសង្គ្រោះនៃម្ចាស់ថ្លៃ
	ព្រះជាអម្ចាស់ថ្លៃឧត្តម	ទតមើលមកខ្ញុំរាល់យប់ថ្ងៃ
	ជាអ្នកបម្រើដ៏ក្រក្រី	ទ្រង់ប្រោសប្រណីជួយសង្គ្រោះ	។
២	អំណឹះតទៅគ្រប់សម័យ	មនុស្សក្នុងលោកីយ៍នេះទាំងអស់
	តែងពោលសរសើរខ្ញុំដោយស្មោះ	ថាមានកេរ្តិ៍ឈ្មោះភ័ព្វវាសនា
	ព្រះម្ចាស់មានប្ញទ្ធិលើសលែងស្តេច	ទ្រង់បានសម្រេចការអស្ចារ្យ
	សង្គ្រោះរូបខ្ញុំដោយមេត្តា	ព្រះអង្គពិតជាព្រះវិសុទ្ធ	។
៣	មេត្តាករុណានៃព្រះអង្គ	ល្អល្អះត្រចង់ប្រសើរផុត
	ប្រោសប្រណីអស់អ្នកក្រខ្សត់	មានចិត្តអំណត់ចេះកោតខ្លាច
	ព្រះម្ចាស់កម្ចាត់ជនឆ្មើងឆ្មៃ	ដកសិទ្ធពីដៃអ្នកកោងកាច
	លើកជនសុភាពដោយអង់អាច	ឱ្យកាន់អំណាចមានសីលធម៌	។
៤	ព្រះជាអម្ចាស់បានប្រទាន	ដល់អ្នកស្រេកឃ្លានដែលទ័លក្រ
	ទ្រង់ដេញអ្នកមានមិនកាន់ធម៌	ឱ្យចាកចេញចរដៃទទេ
	ព្រះម្ចាស់លើកស្ទួយជួយរំដោះ	កូនចៅទាំងអស់ឥតទំនេរ
	ព្រោះទ្រង់នឹងចាំឥតភ្លេចទេ	ហប្ញទ័យរិះរេជួយសង្គ្រោះ	។
៥	តាមព្រះបន្ទូលដ៏ប្រពៃ	ថានឹងប្រណីបុព្វបុរស
	លោកអប្រាហាំព្រមទាំងអស់	ពូជពង្សរបស់លោករៀងទៅ
	សូមកោតសរសើរព្រះបិតា	ព្រះបុត្រា និងព្រះវិញ្ញាណ
	ដែលគង់ស្ថិតស្ថេរឥតសៅហ្មង	យូរលង់កន្លងតរៀងទៅ	។

១៧២-នាដែនលោកីយ៍

១	នាដែនលោកីយ៍ដីវេទនា	ព្រោះអេវ៉ាចង់ស្មើព្រះម្ចាស់
	បានមេត្តាករុណាជាទីពឹង	អាសូរទ្រទ្រង់ជួយដោះសារ	។
បន្ទរ	យើងខ្ញុំបង្គំស្តេចក្សត្រី	ប្រសើរថ្លៃថ្លាគ្មានប្រដូច
	ឱនក្រាបពួកទេវទូត	សូមជួយអង្វរឱ្យយើងខ្ញុំ	។
២	នាកាលទឹកធំលិចកំពូលភ្នំ	ព្រោះទុក្ខនាជនដែនលោកា
	សំពៅមួយធំឥតគណនា	រំដោះនាំឱ្យរួចទុក្ខភ័យ	។
៣	ក្សត្រីប្រសូតរាជបុត្រា	ទ្រង់ព្រះប្ញទ្ធាពេញបារមី
	យាងចុះប្រោសលោះលានាឋានដី	ឱ្យសម្ទាយរស់រៀងទៅ	។

១៧៣- នេះជាថ្ងៃដែលព្រះជាម្ចាស់បានបង្កេីតមក
_{“បុណព្រះជាម្ចាស់លើកនាងម៉ារីឡើងស្ថានបរមសុខ”ទំនុកថ្មី}

បន្ទរ	នេះជាថ្ងៃដែលព្រះ	ជាម្ចាស់បានបង្កើតមក	ថ្ងៃដ៏សែនសប្បាយរីករាយ
	អាលេលូយ៉ា !	អាលេលូយ៉ា !	អាលេលូយ៉ា !
១	ចូរយើងកោតសរសើរព្រះជាម្ចាស់	ដ្បិតថ្ងៃនេះព្រះអង្គសព្វព្រះហប្ញទ័យ
	លើកព្រះនាងម៉ារីឡើងស្ថានបរមសុខ	ទាំងកាយទាំងវិញ្ញាណ
	ចូរយើងច្រៀងបទថ្មីថ្វាយ	ព្រះជាម្ចាស់អស់កល្បជានិច្ច	។
២	ចូរយើងអរព្រះគុណព្រះជាម្ចាស់	ចូរយើងច្រៀងបទថ្មីថ្វាយព្រះអម្ចាស់
	ដ្បិតព្រះអង្គប្រោសព្រះនាងម៉ារី	មានកិត្តិយសខ្ពង់ខ្ពស់
	ជាមាតាព្រះបុត្រាព្រះអង្គ	អាលេលូយ៉ា	។
៣	ចូរយើងលើកតម្កេីងជោគជ័យ	ចំពោះព្រះបិតាព្រះបុត្រា
	និងព្រះវិញ្ញាណដ៏វិសុទ្ធ	ដែលទ្រង់គង់នៅ
	តាំងពីដើមរៀងមកហើយជាដរាប	តរៀងទៅ	។

១៧៤- បពិត្រព្រះនាងម៉ារី

១	បពិត្រព្រះនាងម៉ារី	ជាទីគាប់ព្រះហឫទ័យព្រះជាម្ចាស់
	សូមព្រះនាងមានអំណរសប្បាយ	ព្រះអង្គគង់នៅជាមួយនាង	។
២	ទ្រង់បានប្រទានពរ	ដល់នាងលើសស្ត្រីទាំងឡាយ
	ហើយទ្រង់ក៏ប្រទានពរ	ដល់បុត្រព្រះនាងដែរ
៣	ឱ ! សន្តីម៉ារី ជាមាតាព្រះអម្ចាស់	សូមជួយអង្វរព្រះអង្គឱ្យយើងខ្ញុំ
	ជាអ្នកបាបនៅពេលឥឡូវនេះ	ហើយនៅពេលស្លាប់ផង(២ដង)	។ អាម៉ែន។

១៧៥- ព្រះនាងជាកិត្តិយសរបស់យេីងខ្ញុំ

បន្ទរ	ព្រះនាងជាកិត្តិយស		និងជាសិរីរុងរឿង
	របស់យើងខ្ញុំហើយ		ឱ!ព្រះនាងម៉ារីអើយ!
១	ព្រះនាងជាសិរីរុងរឿង	របស់ក្រុងយេរូសាឡឹម	ឱ!ព្រះនាងម៉ារីអើយ!
២	ព្រះនាងពិតជាកិត្តិយស	របស់យើងខ្ញុំគ្រប់ៗគ្នា	ឱ!ព្រះនាងម៉ារីអើយ!
៣	សូមព្រះម្ចាស់ទ្រង់ប្រទានពរ	ដល់ព្រះនាងជារៀងរហូត	ឱ!ព្រះនាងម៉ារីអើយ!

១៧៦- ព្រះនាងម៉ារីជាមាតា

បន្ទរ	ច្រៀងលើកតម្កើង	ច្រៀងកោតសរសើរ	ថ្វាយព្រះជាម្ចាស់
	ច្រៀងចម្រៀងថ្មី	ថ្វាយព្រះជាម្ចាស់	ជាព្រះបិតា
	អាលេលូយ៉ា	អាលេលូយ៉ា	។
១	ថ្ងៃនេះយើងអបអរ	ព្រះអង្គប្រទានពរ	ដល់ព្រះនាងម៉ារី
	មាតានៃព្រះយេស៊ូ	ថ្ងៃនេះយើងរួមគ្នា	លើកតម្កើងព្រះនាមព្រះអង្គ	។
២	ថ្ងៃនេះយើងអបអរ	ព្រះអង្គប្រទានពរ	ដល់ព្រះនាងម៉ារី
	ជាមាតាយើងខ្ញុំដែរ	ថ្ងៃនេះយើងរួមគ្នា	កោតសរសើរព្រះនាមព្រះអង្គ	។
៣	ថ្ងៃនេះយើងអបអរ	ព្រះអង្គប្រទានពរ	ដល់ព្រះនាងម៉ារី
	មានសុភមង្គលមែន	ថ្ងៃនេះយើងរួមគ្នា	អរព្រះគុណព្រះជាម្ចាស់	។
៤	ថ្ងៃនេះយើងអបអរ	ព្រះអង្គប្រទានពរ	ដល់ព្រះនាងម៉ារី
	លើសអស់ស្ត្រីទាំងឡាយ	ថ្ងៃនេះយើងរួមគ្នា	អរព្រះគុណព្រះជាម្ចាស់	។

១៧៧- ព្រះនាងមិនជំពាក់បាប
_{(លំនាំបទ តារាសមុទ្រ)}

បន្ទរ	ច្រៀងអបអរ	ច្រៀងសរសើរ	យើងច្រៀងថ្វាយ	ព្រះជាម្ចាស់
	ច្រៀងអបអរ	ច្រៀងសរសើរ	យើងច្រៀងថ្វាយ	ព្រះមាតា។
១	សូមលើកតម្កើងព្រះម្ចាស់		ព្រះអង្គសព្វព្រះហឫទ័យ
	ប្រោសប្រទានពរព្រះនាង		ឱ្យលើសស្ត្រីទាំងឡាយ	។
២	សូមលើកតម្កើងព្រះម្ចាស់		ព្រះអង្គសព្វព្រះហឫទ័យ
	ប្រទានពរដល់ព្រះនាង		និងដល់បុត្រព្រះនាងដែរ	។
៣	សូមកោតសរសើរព្រះម្ចាស់		ព្រះអង្គសព្វព្រះហឫទ័យ
	ប្រោសឱ្យព្រះនាងម៉ារី		ជាមាតាព្រះអម្ចាស់	។
៤	សូមកោតសរសើរព្រះម្ចាស់		ព្រះអង្គសព្វព្រះហឫទ័យ
	ប្រោសឱ្យព្រះនាងម៉ារី		មិនឱ្យជំពាក់បាបឡើយ	។
៥	សូមអរព្រះគុណព្រះម្ចាស់		ដ្បិតព្រះអង្គសព្វហឫទ័យ
	ប្រោសឱ្យព្រះនាងម៉ារី		មានកិត្តិយសដ៏ខ្ពង់ខ្ពស់	។
៦	សូមថ្វាយសិរីរុងរឿង		ព្រះបិតាព្រះបុត្រា
	និងព្រះវិញ្ញាណដ៏វិសុទ្ធ		អស់កល្បអង្វែងរៀងទៅ	។

១៧៨- មាតាជាទីពំនឹង

១	បពិត្រព្រះនាងម៉ារី		ស្អាតបរិសុទ្ធឧត្តម
	រំដោះសង្រ្គោះបាប		អស់អ្នកដែលមានទុក្ខព្រួយ
	សូមជួយអង្វរព្រះអង្គ		អាសូរកម្ចាត់គ្រោះថ្នាក់
	សូមស្ដាប់ពាក្យអង្វរកូន		ថ្វាយនៅពេលនេះ	។
បន្ទរ	សូមប្រទានពរ	កម្លាំងកាយចិត្ត	ឱ្យយើងខ្ញុំនៅលើផែនដីនេះ
	ឆ្លងផុតទុក្ខសោក		ព្យុះភ្លៀងបក់បោកពេលនេះ	។
	ឱព្រះមាតា	កូនទូលអង្វរ	សូមជួយគាំពារផ្តល់ចិត្តជឿជាក់
	ជាទីពំនឹង		ស្វែងរកមាគ៌ារុងរឿង	។
២	រួមគំនិតទាំងចិត្តកាយ		បន្លឺចម្រៀងសរសើរ
	ថ្វាយសម្ដេចក្សត្រី		នូវជំនឿពិតមុតមាំ
	កូនប្រគល់ទាំងជីវិត		ទាំងដួងចិត្តទាំងវិញ្ញាណ
	រាល់គ្រប់គ្រាដំណើរ		សូមថែរក្សាកូន	។

១៧៩- មាតាព្រះសង្គ្រោះ

១	ឱ ! មាតានៃព្រះសង្គ្រោះ	ប្រៀបដូចជាទ្វារនៃស្ថានបរមសុខ
	ជាតារានៃជលសា	សូមជួយសង្គ្រោះរាស្ត្រដ៏ទន់ខ្សោយ	។
២	ដែលចង់ត្រឡប់មករកព្រះជាម្ចាស់វិញ	មាតាបានប្រសូតព្រះបុត្រា
	ដែលជាម្ចាស់ផែនដី	សត្វលោកទាំងឡាយកោតសរសើរ	។
៣	មាតាដែលនៅព្រហ្មចារីជាដរាប	សូមព្រះមាតាទទួលគារវកិច្ចពីយើងខ្ញុំ
	ហើយអាណិតអាសូរយើងខ្ញុំជាអ្នកបាប	ហ៊ឺ ហ៊ឺ ហ៊ឺ ហ៊ឺ	។

១៨០- យេីងខ្ញុំសូមជ្រកកោនក្រោមម្លប់ព្រះនាង

ឱព្រះនាងម៉ារីជាមាតាព្រះគ្រីស្តជាអម្ចាស់អើយ យើងខ្ញុំសូមជ្រកកោន
ក្រោមម្លប់បារមីព្រះនាង សូមព្រះនាងកុំលះបង់ពាក្យអង្វរ
ដែលយើងខ្ញុំទូលព្រះនាងក្នុងគ្រាមានអាសន្នឡើយ
តែសូមព្រះនាងជួយរំដោះយើងខ្ញុំ
ឱ្យរួចគ្រោះអន្តរាយគ្រប់បែបយ៉ាងផង។ អាម៉ែន

១៨១- យេីងខ្ញុំឱនក្រាបប្រណម្យមាតា

១	យើងខ្ញុំឱនក្រាបប្រណម្យមាតា	រុងរឿងថ្លាដូចខែពេញបូរមី
	សូមបំភ្លឺអស់យើងគ្រីស្តបរិស័ទ	ឱ្យកាន់តាមក្រឹត្យវិន័យព្រះគ្រីស្ត	។
បន្ទរ	ឱ ! សម្តេចព្រះវរមាតា	សូមមេត្តាប្រោសអស់កូនអ្នកបាប
	នាឋានដីកំពុងត្រូវលំបាក	សូមមេត្តាអង្វរជួយយើងខ្ញុំ	។
២	ក្សត្រីគង់នៅស្ថានដ៏ខ្ពង់ខ្ពស់	រួបរួមនឹងអស់ទាំងទេវទូត
	ជនទាំងឡាយកំពុងគាល់រកូត	ទ្រង់ងារសម្តេចតាក់តែងវិមាន	។

១៨២- យេីងសូមកោតសរសេីរព្រះនាងម៉ារី

យើងសូមកោតសរសើរព្រះនាងម៉ារី ជាទីគាប់ព្រះទ័យព្រះជាម្ចាស់
ព្រះអង្គគង់នៅជាមួយនាង មាតាព្រះអម្ចាស់
សូមព្រះនាងជួយអង្វរព្រះជាម្ចាស់ឱ្យយើងខ្ញុំទាំងអស់ ដែលជាអ្នកបាប
សូមឱ្យយើងអធិដ្ឋានរាល់ថ្ងៃ ធម៌ព្រះផ្គាំនាំជីវ៉ា
ព្រះនាងម៉ារីយ៉ា ព្រះនាងម៉ារីយ៉ា ព្រះនាងម៉ារីយ៉ា។

១៨៣- សូមក្រាបសំពះសម្តេចក្សត្រីម៉ារី

ស	សូមក្រាបសំពះសម្តេចក្សត្រីម៉ារី	ជាព្រះមាតាដ៏មានធម៌មេត្តាជាពំនឹង
	ហើយជាទីសង្ឃឹមរបស់យើង	។
ប	យើងខ្ញុំជាកូនចៅអេវ៉ានៅស្ថានដ៏លំបាកនេះ	ស្រែកដង្ហោយហៅព្រះនាង	។
`ស`	កាលយើងខ្ញុំបានលាចាកលោកនេះហើយ	សូមព្រះនាងនាំយើងខ្ញុំ
	ឱ្យបានរួមជាមួយព្រះយេស៊ូ	ជាព្រះបុត្រាដ៏ប្រសើររបស់ព្រះនាង	។
ប	ឱ ! ព្រះនាងព្រហ្មចារិនីម៉ារី	ពោរពេញដោយព្រះហឫទ័យមេត្តា
	ករុណានិងប្រោសប្រណី	ហើយនិងសុភាពរាបសា	។
រួម	សូមជួយអង្វរព្រះជាអម្ចាស់ឱ្យយើងខ្ញុំផង។

១៨៤- អរព្រះគុណព្រះយេស៊ូគ្រីស្ត

អរព្រះគុណព្រះយេស៊ូគ្រីស្ត ជាជីវិតនិងជាក្តីពិត
ឱ្យយើងបានស្គាល់ធម៌មេត្តា ព្រះបិតាដែលស្រឡាញ់យើង ។

១៨៥- អាវ៉េម៉ារីយ៉ា

បន្ទរ	អាវ៉េ អាវ៉េ អាវ៉េ ម៉ារីយ៉ា !	អាវ៉េ អាវ៉េ អាវ៉េ ម៉ារីយ៉ា !
១	យើងខ្ញុំឱនក្រាបប្រណម្យ	ឱនកាយក្រាបថ្វាយបង្គំ
	ពេញបុណ្យរុងរឿងប្រសើរ	ក្សត្រីនៃម៉ារីយ៉ា	។
២	សូមជួយអង្វរព្រះអង្គ	ឱ្យគ្រីស្តបរិស័ទទាំងឡាយ
	បានពរសង្ឃឹមថ្វាត់ថ្វាយ	ដូចផ្កាយនាំផ្លូវសួគ៌ា	។

១៨៦- ឱ ! ព្រះនាងព្រហ្មចារិនីម៉ារី

១	ឱ ! ព្រះនាងព្រហ្មចារិនីម៉ារី	ដ៏មានធម៌មេត្តាអើយ
	តាំងពីដើមរៀងមកពុំដែលឮថា	ព្រះនាងបានលះបង់ចោលអ្នកណា
	ដែលចូលមកសូមព្រះនាងជួយការពារ	។
២	ឱ ! ព្រះនាងម៉ារី	ជាព្រះមាតាខ្ញុំអើយ
	បើខ្ញុំមានបាបច្រើន	ក៏ខ្ញុំមានចិត្តសង្ឃឹមយ៉ាងមាំ
	ហើយចូលមកប្រណម្យទៀប	ក្រោមព្រះបាទព្រះនាងដែរ	។
៣	ឱ ! ព្រះមាតាព្រះយេស៊ូអើយ	សូមកុំលះបង់ចោលខ្ញុំឡើយ
	តែសូមទ្រង់ព្រះសណ្តាប់ធម៌អង្វររបស់ខ្ញុំ	ដោយព្រះហឫទ័យប្រោសប្រណី	។

១៨៧- ឱ ព្រះនាងម៉ារី

បន្ទរ	ឱ ! ព្រះនាងម៉ារី	មាតាព្រះជាអម្ចាស់
	យើងរួមគ្នាច្រៀងឡើង	អស់ពីចិត្ត ជីវិតយើង	។
	ឱ! ព្រះនាងម៉ារី	មានមេត្តាចិត្តស្លូតបូត
	សូមព្រះនាងជួយអង្វរ	ព្រះជាម្ចាស់ឱ្យយើងខ្ញុំ	។
១	សូមថ្វាយព្រះនាងអស់ពីចិត្តគំនិតយើង	អតីតកាល បច្ចុប្បន្ន អនាគត
	កោតសរសើរព្រះជាម្ចាស់អស់ពីចិត្ត	ដោយមានព្រះនាងជាគំរូនៃយើងខ្ញុំ	។
២	ភាពក្រីក្រ ព្រហ្មចារិយ៍ ស្តាប់បង្គាប់	យើងដើរតាមព្រះយេស៊ូទ្រង់បង្រៀន
	យើងស្រឡាញ់អ្នកដទៃដូចបងប្អូន	យើងសូមលះបង់ជីវិតថ្វាយព្រះអង្គ	។

១៨៨- ឱ! ម៉ារីអេីយ

ឱ ! ម៉ារីយ៉ាអើយ!	សូមរក្សាចិត្តកូនឱ្យទៀងត្រង់
ដូចទឹកជ្រោះហូរធ្លាក់ថ្លាយង់	។
ឱ ! ម៉ារីអើយ!	សូមប្រោសប្រទានឱ្យកូនមានចិត្តជ្រះថ្លា
មិនប្រកាន់ទោសមិនភ្លេចគុណណា	។
ឱ ! ម៉ារីយ៉ា	សូមផ្តល់ឱ្យកូនអាចមានចិត្តរីករាយសាទរ
ផ្តល់ក្តីស្រឡាញ់ដោយដួងចិត្តស្មោះសរ	។
ឱ ! ម៉ារីយ៉ាអើយ!	គឺព្រះនាងហើយ ជាមាតាដ៏ឧត្តម
ប្រោសប្រណីដល់រូបខ្ញុំ	សណ្តោសដល់មនុស្សមានបាប។
ឱ ! ម៉ារីយ៉ាអើយៗ!	សូមដឹកនាំកូនឱ្យស្តាប់បង្គាប់ដល់ព្រះ
នាំដួងចិត្តខ្ញុំ ថ្វាយបង្គំព្រះជាម្ចាស់	។
ឱ! ម៉ារីយ៉ា! ឱ! ម៉ារីយ៉ាអើយ!	សូមព្រះនាងសណ្តាប់ពាក្យកូនអង្វរ
សូមព្រះនាងសណ្តាប់ពាក្យកូនទូលអង្វរ	ឱ! ម៉ារីយ៉ា។

កោតសរសើរសន្តយ៉ូសែប

១៨៩- កោតសរសេីរសន្តយ៉ូសែប

១	សន្តយ៉ូសែប	ដែលជារាជវង្ស	របស់ព្រះបាទដាវីឌ
	បន្ទរ	យើងខ្ញុំសូមកោតសរសើរ	កោតសរសើរដោយចិត្តរីករាយ
២	សន្តយ៉ូសែប	ថែរក្សាព្រះ	យេស៊ូជាព្រះបុត្រា
៣	សន្តយ៉ូសែប	ថែរក្សាព្រះ	មាតាព្រះយេស៊ូគ្រីស្ត
៤	សន្តយ៉ូសែប	ជាស្វាមីព្រះ	នាងព្រហ្មចារិនីម៉ារី
៥	សន្តយ៉ូសែប	ជាគ្រួសារនៃ	គំរូគ្រីស្តបរិស័ទ
៦	សន្តយ៉ូសែប	ថែរក្សាព្រះ	សហគមន៍របស់យើង
៧	សន្តយ៉ូសែប	ដែលពោរពេញព្រះ	អំណោយទានព្រះជាម្ចាស់
៨	សន្តយ៉ូសែប	ដែលជាមនុស្ស	ទៀងត្រង់សប្បុរសពេកក្រៃ
៩	សន្តយ៉ូសែប	តែងតែការពារ	រក្សាគ្រីស្តបរិស័ទ
១០	សន្តយ៉ូសែប	ស្មោះត្រង់លះបង់	ថ្វាយព្រះអង្គមួយជីវិត។

១៩០- សន្តយ៉ូសែបជាគំរូ

១	សន្តយ៉ូសែបជាគំរូ	សុចរិតជាមិត្ត ដ៏បរិសុទ្ធ	របស់ព្រះនាងម៉ារី
	ជាអ្នកបម្រើដោយចិត្តស្មោះ	ពោរពេញដោយ	អំណោយទាននឹងសង្ឃឹម
	ជឿជាក់លើព្រះជាម្ចាស់។
បន្ទរ	យើងខ្ញុំសូមត្រាប់តាម	ដោយចិត្តត្រង់ស្មោះស្ម័គ្រ	តាមគំរូរបស់សន្តយ៉ូសែប
	សូមសន្តប្រទានពរឱ្យគ្រប់គ្រួសារ	បានរស់នៅ	ក្នុងក្តីសុខសាន្ដ។
២	យើងខ្ញុំសូមថ្វាយពាក្យសរសើរ	លើកតម្កើង កិតិ្តនាមដ៏ថ្លៃថ្លា	របស់សន្តយ៉ូសែប
	រួមជាមួយ សន្តយ៉ូសែប	ក្នុងដំណើរជីវិត	កសាងគ្រួសារ
	ក្នុងភាពសុភមង្គល។

១៩១- យើងអបអរសន្តយ៉ូសែប

បន្ទរ	យើងអបអរ	សរសើរសន្តយ៉ូសែប	ពោរពេញដោយ
	ព្រះអំណោយទាន	នៃព្រះជាម្ចាស់	។
១	សន្តយ៉ូសែប	បានស្តាប់បង្គាប់	ព្រះជាម្ចាស់គ្រប់ពេល
	និងថែរក្សា	ព្រះយេស៊ូជាព្រះបុត្រា	របស់ព្រះជាម្ចាស់	។
២	សន្តយ៉ូសែប	ស្ម័គ្រចិត្តលះបង់	ស្មោះត្រង់តាមការពារ
	ព្រះនាងម៉ារី	ជាមាតាព្រះគ្រីស្តយេស៊ូ	ព្រះសង្គ្រោះនៃយើង	។
៣	សន្តយ៉ូសែប	តែងតែការពារ	គ្រួសារគ្រីស្តបរិស័ទ
	និងថែរក្សា	ព្រះសហគមន៍របស់យើង	គ្រប់ពេលរៀងរាល់ថ្ងៃ	។
៤	សូមអរព្រះគុណ	ព្រះវរបិតា	ព្រះបុត្រាព្រះវិញ្ញាណ
	ព្រះអង្គប្រទាន	សន្តយ៉ូសែបជួយការពារ	បុត្រធីតាព្រះអង្គ	។

១៩២- ចូរយេីងខំរៀបចំចិត្តគំនិត

បន្ទរ	ចូរយើងខំរៀបចំចិត្តគំនិត	ដើម្បីទទួលព្រះយេស៊ូទ្រង់យាងមក
១	ចូរយើងខំរៀបចំចិត្តគំនិត	រង់ចាំព្រះគ្រីស្តយាងមកសង្គ្រោះ
	មានទាំងទេវទូតតាមហែព្រះអង្គ	ប្រៀបដូចជាក្បួនយ៉ាងឱឡារិក	។
២	ព្រះអង្គមានកំណើតជាមនុស្ស	ដើម្បីសង្គ្រោះអស់មនុស្សលោក
	ទោះមានជាតិសាសន៍ផ្សេងគ្នាក៏ដោយ	ព្រះអង្គមិនរើសមុខអ្នកណាឡើយ	។
៣	ឱ ! ព្រះអម្ចាស់នៃយើងរាល់គ្នា	ដែលពោរពេញដោយព្រះប្រាជ្ញាញាណ
	យើងខ្ញុំសូមថ្វាយព្រះនាមព្រះអង្គ	ជាព្រះបុត្រានៃព្រះបិតា	។
៤	សូមព្រះយេស៊ូគ្រីស្តជួយរំដោះ	អស់ទាំងជីវិតសត្វលោកទាំងឡាយ
	ឱ្យចាកផុតពីទុក្ខវេទនាផង	ដើម្បីរស់នៅជាមួយព្រះអង្គ	។
៥	សូមណែនាំអស់អ្នកដែលវង្វេង	ប្រាសចាកមាគ៌ាព្រះជាអម្ចាស់
	ដោយចាញ់ការល្បួងនៃអំណាចមារ	ឱ្យបានស្គាល់ផ្លូវនៃព្រះអង្គវិញ	។
៦	ឱ ! ព្រះយេស៊ូជាម្ចាស់ទឹកដី	សូមទ្រង់ជួយការពារនិងស្រោចស្រង់
	អស់អ្នកដែលរងទុក្ខវេទនាផង	ដោយការអត់ឃ្លាននិងដោយសង្គ្រាម	។

១៩៣- ចូរឱ្យយេីងកាន់ដៃ

១	ចូរឱ្យយើងកាន់ដៃ	ចូរឱ្យយើងកាន់ដៃ	ចូរឱ្យយើងកាន់ដៃ	ដើរទៅ
	ដល់ព្រះគ្រីស្ត	ជាជីវិតរបស់គ្រីស្តបរិស័ទ	។
២	ចូរឱ្យយើងបង្ហាញ	ចូរឱ្យយើងបង្ហាញ	ចូរយើងបង្ហាញ	មេត្តា
	ព្រះបិតា	ដែលស្រឡាញ់យើង	។
បន្ទរ	ភ្នំតូចភ្នំធំៗ ពង្រាបឱ្យរាបៗ	ផ្លូវដែលវៀចវេរៗ	តម្រង់ឱ្យត្រង់ៗ	ទទួលជីវិតៗ
	ដែលព្រះគ្រីស្តឱ្យយើងៗ	ក្លាយជាបុត្រធីតាព្រះបិតា	ដែលស្រឡាញ់យើង	។

១៩៤- ម៉ារ៉ាណាថា

ម៉ារ៉ាណាថា	ម៉ារ៉ាណាថា	ម៉ារ៉ាណាថា	ម៉ារ៉ាណាថា
សូមព្រះយេស៊ូ	ជាអម្ចាស់	សូមទ្រង់យាងមក	ក្នុងដួងចិត្តយើង	។
ម៉ារ៉ាណាថា	ម៉ារ៉ាណាថា	ម៉ារ៉ាណាថា	ម៉ារ៉ាណាថា	។

១៩៥- រង់ចាំព្រះគ្រីស្ត

រង់ចាំព្រះគ្រីស្ត ដែលទ្រង់យាងមក ! រង់ចាំព្រះគ្រីស្ត ចូរកែប្រែចិត្ត !

១៩៦- ឱ ! ព្រះសង្គ្រោះយេីងខ្ញុំ

បន្ទរ	ប	ឱ ! ព្រះសង្គ្រោះយើងខ្ញុំ	(បន្ទរ)	សូមយាងមកប្រោសយើងខ្ញុំ(បន្ទរ)
		សូមទ្រង់កុំចាំយូរឡើយ	(បន្ទរ)	ព្រោះទុក្ខយើងខ្ញុំធ្ងន់ធ្ងរ (បន្ទរ)	។
១	ស	ទិវារាត្រីទ្រង់ទតឃើញ		អស់ទុក្ខយើងខ្ញុំព័ទ្ធរុំជុំជិត
		សឹងតែបាត់បង់អស់ស្មារតី		ឱ! ព្រះសង្គ្រោះសូមទ្រង់កុំបង្អង់ឡើយ	។
២	ប	មើលចំនួនទុក្ខរាប់ម៉ឺនលាន		យើងខ្ញុំអស់សង្ឃឹម
		បើទ្រង់ចាប់ទោសនោះណា		តើអ្នកណាជួយសង្គ្រោះយើងខ្ញុំ
		មានតែព្រះអង្គសូមទ្រង់កុំបង្អង់ឡើយ		ហ៊ី ហ៊ឺ ហ៊ឺ ហ៊ឺ	។

១៩៧- ឱ ! ព្រះសង្គ្រោះសូមយាងមក

បន្ទរ	ប	ឱ ! ព្រះសង្គ្រោះសូមយាងមក	ស	ឱ ! ព្រះសង្គ្រោះសូមយាងមក
	ប	រំដោះថ្ងៃដ៏សែនអភ័ព្វនៃយើងខ្ញុំ	ស	ព្រះអង្គផ្តល់ជីវិតយើងខ្ញុំ
	រួម	យាងមក ! យាងមក ! យាងមក !
១	ស	ឱ ! ព្រះជាម្ចាស់ សូមយាងមកជួយ		ស្រោចស្រង់មនុស្ស កុំឱ្យត្រូវស្លាប់
		សូមជួយយើង កុំឱ្យយឺតយូរ		ព្រះអង្គទ្រង់ទតទុក្ខព្រួយយើង
	ប	ព្រះអង្គអត់ទោសកំហុសយើង	ស	ព្រះអង្គទ្រង់ទតមកយើងវិញ
	រួម	យាងមក ! យាងមក ! យាងមក !
២	ស	ឱ ! ព្រះជាម្ចាស់ ស្ថិតក្នុងចិន្តា		ធ្វើឱ្យយើងខ្ញុំ ស្រឡាញ់ព្រះអង្គ
		កាន់តែច្រើនជាង ជារៀងរាល់ថ្ងៃ		ដើម្បីឱ្យយើងខ្ញុំនាំគេ
	ប	អ្នកមិនទទួលឱ្យវិលបែរ	ស	ឱ្យវិលបែររកព្រះអង្គវិញ
	រួម	យាងមក ! យាងមក ! យាងមក !

១៩៨- ចូរយេីងច្រៀង

១	ចូរយើងរួមអរសប្បាយ	នៅថ្ងៃ ព្រះគ្រីស្តប្រសូត
	ទាំងច្រៀងសរសើរព្រះម្ចាស់	ព្រះអង្គស្រឡាញ់លោកា
	ប្រទានព្រះបុត្រាមក	ជាព្រះសង្គ្រោះនៃយើង
	ដើម្បីឱ្យយើងស្គាល់	ធម៌មេត្តាករុណារបស់ព្រះអង្គ	។
បន្ទរ	ចូរយើងច្រៀង! ចូរយើងច្រៀង!	កោតសរសើរព្រះគ្រីស្ត
	ព្រោះព្រះអង្គបានប្រសូត	មកនៅក្នុងលោកនេះហើយ !	។
	ចូរយើងច្រៀង! ចូរយើងច្រៀង!	កោតសរសើរព្រះគ្រីស្ត
	ព្រោះព្រះអង្គ បានប្រសូត	មកនៅក្នុងលោកនេះ!	។
២	ចូរយើងអបអរសប្បាយ	ថ្ងៃព្រះបុត្រាប្រសូត
	ព្រះនាមថ្វាយថាយេស៊ូ	ជាព្រះសង្គ្រោះនៃយើង
	ចូរយើងច្រៀងលើកតម្កើង	តម្កើងសិរីរុងរឿង
	តម្កើងព្រះធម៌មេត្តា	ព្រះអង្គពិតជាព្រះរបស់យើង	។
៣	ចូរយើងយកគ្រឿងតង្វាយ	មកថ្វាយព្រះរាជបុត្រា
	ព្រះនាមអេម៉ានូអែល	ព្រះអម្ចាស់គង់ជាមួយយើង
	ចូរយើងក្រាបថ្វាយបង្គំ	បង្គំច្រៀងលើកតម្កើង
	តម្កើងព្រះរាជបុត្រា	ព្រះអង្គយាងមកព្រោះស្រឡាញ់យើង	។

១៩៩- ជួនជារាត្រី

១	ជួនជារាត្រី ព្រះឱរសថ្លៃប្រសូតហើយ ចាំងពន្លឺរស្មីថ្លាសែនអស្ចារ្យ ស្ថានលោកា។
បន្ទរ	គង្វាលចៀមអើយ កុំបីភ័យខ្លាច ចរចេញថ្លែងប្រាប់ការណ៍ដ៏ចម្លែក ប្លែកពេកពន់ក្រៃ ហៅគ្នាមកឆាប់ ចូរប្រញាប់វៃ បង្គំក្សត្រថ្លៃបុត្រស្តេចបារមី ទ្រង់ប្រសូតហើយ។
២	មើលបុត្រល្អថ្កើង ផ្ទុំលើចំបើងក្រោលគោលា បង្គំស្តេចតូចកុមារបុត្រសួគ៌ា ពេញបារមី។

២០០- តង្វាយណូអែល

១	ឱព្រះជាម្ចាស់អស្ចារ្យពេកក្រៃ	សូមទ្រង់ប្រោសប្រណីដល់ជីវិតកូន
	ខិតខំឃ្មាតខ្មីធ្វើការរាល់ថ្ងៃ	ដើម្បីចឹញ្ចឹមជីវិតខ្លួន។	(ភ្លេង)
	កូនសូមថ្វាយចិត្តរួមនិងដង្វាយ	ច្រៀងសរសើរតម្កើងព្រះនាមព្រះអង្គ
	អំណរសប្បាយរួមនិងទុក្ខព្រួយ	កូនសូមថ្វាយទៅក្នុងព្រះហស្តព្រះជាម្ចាស់	។
បន្ទរ	ក្នុងនាមព្រះឱរស នំស្រាដង្វាយ	ដែលយើងលើកថ្វាយឆ្ពោះព្រះនាមា
	និងក្លាយទៅជាយញ្ញ សក្ការៈបូជាជិវិតលោកា	រួមនិងព្រះកុមារសូមទ្រង់ទទួល	។
២	កូនដឹងច្បាស់ថាចម្រៀងដែលកូនច្រៀង	ទោះពីរោះនិងមានខ្លឹមសារយ៉ាងណា
	ក៏មិនបន្ថែមសិរីរុងរឿង	នៃព្រះអង្គបានឡើយ។	(ភ្លេង)
	ហើយកូនក៏ដឹងតង្វាយដែលកូនថ្វាយ	ទោះជាមានតម្លៃក្រាស់ក្រៃប៉ុនណា
	មិនអាចប្រៀបផ្ទឹមព្រះរាជបុត្រា	ដែលជាសេចក្តីសង្ឃឹមនៃមនុស្សលោក	។

២០១- បុណ្យណូអែល ៩៨

១	ព្រះយេស៊ូជាប្រភពនៃជីវិតយើងរាល់គ្នា	ព្រះអង្គជួយយើងឱ្យចេះរួបរួមគ្នា
	ដោយក្តីស្រឡាញ់	គោរពហើយអត់ឱនគ្នា	មិនត្រូវប្រឹងយកឈ្នះចាញ់
	ជួយគ្នាដោយក្តីស្រឡាញ់	ផុតទោម្នេញរស់បានសុខសាន្ត	។
បន្ទរ	សូមអរព្រះគុណព្រះអង្គ	គុណធ្ងន់គ្មានអ្វីស្មើបាន
	យាងចាកស្ថានដ៏សុខសាន្ត	នាំមនុស្សស្ថានដែលនាំសង្គ្រោះ	។
២	ព្រះអង្គមានក្តីមេត្តា	ករុណាជនដែលលើសលោះ	ឱ្យជៀសពីផ្លូវអាក្រក់
	រួចទុក្ខទោសជួបស្ថានបរមសុខ	យើងត្រូវចេះស្រឡាញ់គ្នា	ជួយគ្នាតាមព្រះសង្គ្រោះ
	គោរពគ្នាដោយចិត្តស្មោះ	នោះមានឈ្មោះកូនចៅព្រះអង្គ	។

២០២-បុត្រម្នាក់បានប្រសូត

បន្ទរ	បុត្រម្នាក់បានប្រសូតមកសម្រាប់យើង	ព្រះជាម្ចាស់បានប្រទានមកឱ្យយើង
	ឫទ្ធានុភាពបុត្រនោះនឹងស្ថិតនៅ	អស់កល្បជានិច្ច	។
១	ប្រជាជនដែលដើរ	ក្នុងទីងងឹតបានឃើញ	ពន្លឺភ្លឺត្រចង់
	បំភ្លឺមនុស្សក្នុងទីងងឹត	ព្រះជាម្ចាស់ប្រោសគេ	ឱ្យសប្បាយរីករាយ
	ដូចអ្នកស្រុកធ្លាប់សប្បាយ	ក្នុងរដូវចម្រូត	។
២	ប្រាកដមានបុត្រមួយ	បានប្រសូតសម្រាប់យើង	ព្រះជាម្ចាស់ប្រទាន
	បុត្រមួយឱ្យយើងរាល់គ្នា	គេថ្វាយនាមបុត្រនោះ	ថាព្រះដ៏មានប្រាជ្ញា
	ព្រះសង្គ្រោះនៃយើង	ព្រះអម្ចាស់នៃសន្តិភាព	។

២០៣- ព្រះកុមារយេស៊ូជានរណា?

១	តើព្រះកុមារយេស៊ូជានរណា	យាងមកក្នុងលោកាដើម្បីអ្វី?
	ព្រះអង្គជាព្រះមានឫទ្ធិបារមី	មកយករូបកាយជាមនុស្សធម្មតា
	ជាមួយមាតាក្នុងខ្ទមកម្សត់ទុរគត	។
២	ព្រោះតែស្រឡាញ់ព្រះអង្គស្តាប់បង្គាប់	ធ្វើតាមព្រះទ័យនៃព្រះជាអម្ចាស់
	យាងមកក្នុងលោកាបង្ហាញក្តីមេត្តា	និងសេចក្តីសង្ឃឹមនៃពិភពលោក
	យើងខ្ញុំសូមអរព្រះគុណព្រះជាម្ចាស់	។
	អាលេលូយ៉ា អាលេលូយ៉ា	អាលេលូយ៉ា អាលេលូយ៉ា
	អាលេលូយ៉ា អាលេលូយ៉ា	អាលេលូយ៉ា អាលេលូយ៉ា
	អាលេលូយ៉ា អាលេលូយ៉ា	អាលេលូយ៉ា អាលេលូយ៉ា
	អាលេលូយ៉ា អាលេលូយ៉ា	អាលេលូយ៉ា អាលេលូយ៉ា
	អាលេលូយ៉ា	អាម៉ែន។

២០៤- ព្រះគ្រីស្តប្រសូត

១	ព្រះគ្រីស្តប្រសូតចូរអរសប្បាយ	ឱ្យយើងរួមគ្នាសរសើរ
	ចូររៀបចំផ្លូវថ្វាយព្រះអម្ចាស់	ព្រះគ្រីស្តរំដោះលោកា
	ព្រះអង្គមានធម៌មេត្តា	ឱ្យយើងៗច្រៀងកោតសរសើរ
២	ព្រះគ្រីស្តយាងមកសង្គ្រោះលោកា	ឱ្យយើងកែប្រែដួងចិត្ត
	ចូរតម្រង់ផ្លូវថ្វាយព្រះអម្ចាស់	ចូរច្រៀងសរសើរព្រះម្ចាស់ៗ
	ចូរច្រៀងៗ សរសើរព្រះម្ចាស់	។

២០៥- ព្រះអម្ចាស់យេស៊ូប្រសូតហេីយ

បន្ទរ	ព្រះអម្ចាស់យេស៊ូប្រសូតហើយ	ដែលបានប្រោសលោះអស់យើងខ្ញុំទាំងឡាយ
	ព្រះអម្ចាស់យេស៊ូប្រសូតហើយ	អស់បងប្អូនអើយ ចូរមកថ្វាយបង្គំ	។
១	តាំងតែពីជាងបួនពាន់ឆ្នាំហើយ	អស់គ្រូអាចារ្យសឹងតែបានទស្សទាយ
	អរអំណរប្រសើរថ្លៃឧត្តម	ឥឡូវព្រះទ្រង់ស្តេចប្រសូតហើយ	។
២	ក្រោលគោក្លាយទៅជាព្រះពន្លា	ចំបើងវល្លិ ជាគ្រែក្រឡាផ្ទុំ
	ក្រោលគោក្លាយទៅជាព្រះពន្លា	កម្សត់ក្រៃចំពោះស្តេចបរមសុខ	។

២០៦- យប់ដ៏សុខសាន្ត

១	យប់ដ៏សុខសាន្ត យប់បរិសុទ្ធ	យប់ស្ងាត់ឈឹង ស្រួលបំផុត	នៅជុំវិញព្រះរាជបុត្រា
	ជាបុត្រដ៏វិសុទ្ធទន់ភ្លន់អស្ចារ្យ	សូមផ្ទុំលក់ដោយសុខសាន្តៗ	។
២	យប់ដ៏សុខសាន្ត យប់បរិសុទ្ធ	គង្វាលចៀមបានភ័យស្លុត	ដោយសិរីរុងរឿងភ្លឺអស្ចារ្យ
	និងទេវទូតមកច្រៀងអាលេលូយ៉ា	ព្រះសង្គ្រោះប្រសូតហើយៗ	។
៣	យប់ដ៏សុខសាន្ត យប់បរិសុទ្ធ	ព្រះយេស៊ូជារាជបុត្រ	មានរស្មីភ្លឺចេញពីព្រះភក្ត្រ
	ឱ្យបានឃើញបារមីព្រះអង្គយ៉ាងជាក់	ក្នុងកាលទ្រង់ប្រសូតនោះៗ	។

២០៧- យេស៊ូជាកូនចៀម

បន្ទរ	ប	យេស៊ូកូនចៀម	សុភាពពេកក្រៃ	ដែលជាតង្វាយបូជាបិតា
		តាំងពីគង់ក្នុងគភ៌មាតាថ្លៃ	លុះត្រាតែក្ស័យ	ព្រះជន្មព្រះអង្គ	។
១	ស	ពេលព្រះអង្គប្រសូតនៅលោកីយ៍	ប	នៅលោកីយ៍
		ដាច់ចិត្តថ្លាថ្លៃលះចោលស្ថានសុខ		លះចោលស្ថានសុខ
		ចុះមកយកឋានៈជាមនុស្ស		ជាមនុស្ស
		ឱ្យបានរួបរួមនឹងអស់យើងខ្ញុំ	។
២	ស	ឱ ! អស់មនុស្សម្នាទាំងឡាយអើយ	ប	ទាំងឡាយអើយ
		ចូរឱនក្រាបថ្វាយស្តេចតូចកុមារ		ស្តេចតូចកុមារ
		មិនខ្ពើមមនុស្សបាបក្នុងលោកីយ៍		ចាកស្វែងរកកូនដែលវង្វេងផ្លូវ	(ពីរដង)

២០៨- យេីងរីករាយទទួលព្រះកុមារយេស៊ូ

១	យើងខ្ញុំសប្បាយរីករាយទទួល	ព្រះកុមារដោយអំណរ
	យើងខ្ញុំព្រមទទួលថា	ព្រះអង្គ ជាព្រះបុត្រា នៃព្រះជាម្ចាស់
	យាងមកសង្រ្គោះមនុស្សលោក	។
បន្ទរ	យើងខ្ញុំរីករាយ ទទួលព្រះសង្រ្គោះ	ជាព្រះនៃយើង ដោយចិត្តស្មោះស្ម័គ្រ
	អបអរអំណរ ប្រសើរឧត្តម	ចូរឱនក្រាបថ្វាយ ស្តេចតូចកុមារ ។
២	សូមតម្កើងសិរីរុងរឿង	ព្រះជាម្ចាស់ដ៏ខ្ពង់ខ្ពស់
	ហើយសូមឱ្យមនុស្សលោក	ដ៏ជាទីស្រឡាញ់របស់
	ព្រះម្ចាស់បានក្តីសុខសាន្តអំណរតរៀងទៅ	។

២០៩- រាត្រីរងា

ស	រាត្រីរងាព្រះអង្គប្រសូត	ព្រះអង្គប្រសូត	គង់ក្នុងរូងថ្មលើស្នូកស្មៅ
	ក្នុងភូមិបេថ្លេហឹម	ពន្លឺរស្មីរុងរឿង	។
ប	ឮលើអាកាស សម្លេងទេវទូតសរសើរ	ស	ចម្រៀងលាន់ឮរងំសរសើរភិរម្យពិរោះ
ប	បុត្រាស្តេចស្ថានបរមសុខ		យាងមកប្រោសលោះយើង។
ស	បងប្អូនចូរឆាប់មកមើល	ក្នុងភូមិបេថ្លេហឹម	ព្រះអង្គប្រសូត កម្សត់ទុរគត។
បន្ទរ	ថ្ងៃនេះព្រះអង្គ		ប្រសូតប្រោសលោះលោកីយ៍ !
ស	ទ្រង់ផ្តល់មគ្គផលចូលមកឱ្យរាស្ត្រទាំងឡាយ
ប	ក្នុងភូមិបេថ្លេហឹម គោលាផ្តល់ចំហាយ	ស្តេចស្ថានបរមសុខ	យាងមកលោះយើង
ស	បងប្អូនចូរឆាប់ មកមើលក្នុងភូមិបេថ្លេហឹម	រួម.	ព្រះអង្គប្រសូតកម្សត់ទុរគត

២១០- រីករាយថ្ងៃណូអែល

១	យើងសែនរីករាយ	យើងសែនសប្បាយៗ	ដ្បិតព្រះកុមារ	ទ្រង់បានប្រសូត
	ទ្រង់បានយាងមក	ប្រោសលោះជនលោកា	ដែលទន្ទឹងចាំព្រះអង្គ	រង់ចាំព្រះអង្គ។
បន្ទរ	យើងសែនសប្បាយ	សែនសប្បាយ	សែនសប្បាយ	ទទួលព្រះអង្គ
	យើងសូមទូលថ្លែង	អំណរគុណ	អំណរគុណ	ឆ្ពោះព្រះជាម្ចាស់
	ដែលទ្រង់យាងមក	សង្គ្រោះសត្វលោក។
២	យើងច្រៀងរួមគ្នា	និងអស់ទេវទូតៗ	ច្រៀងកោតសរសើរ	ថ្វាយព្រះបុត្រា
	ទ្រង់បានប្រសូត	នៅក្នុងខ្ទមកម្សត់	យើងគ្រប់គ្នាក្រាបបង្គំ	សូមក្រាបបង្គំ។

២១១- ហោរាមកថ្វាយបង្គំ

បន្ទរ	ស	នៅលើមេឃកណ្តាលអាកាសរាត្រី	មានពន្លឺភ្លឺចម្លែក ប្លែកអស្ចារ្យចម្លែក
	ប	នៅលើមេឃកណ្តាលអាកាសរាត្រី	មានពន្លឺភ្លឺចម្លែក ប្លែកអស្ចារ្យចម្លែក
	ស	មានអង្គក្សត្រថ្លៃប្រសូតនៅលោកីយ៍	ដោយសាររស្មីនាំយើងមកដល់ព្រះអង្គ
	រួម	ដោយសាររស្មីនាំយើង មកដល់ព្រះអង្គ	។
១	ស	ឱ! ទីភូមិដែលព្រះសង្គ្រោះប្រសូត	គួរឱ្យសរសើរដល់វាសនាឯងក្នុងថ្ងៃនេះ
	ប	ពួកហោរាមកពីទិសខាងកើត	ដោយមានផ្កាយបំភ្លឺនាំផ្លូវមកដល់កន្លែង
	រួម	ពួកហោរាមកពីទិសខាងកើត	យាងមកស្វែងរកព្រះអង្គសង្គ្រោះប្រសូត។
២	ស	ដល់កន្លែងដែលបុត្រគង់តែអង្គឯង	ទទួលស្គាល់ក្មេងតូចជាព្រះរាជបុត្រា
	ប	ទាំងថ្វាយតង្វាយដោយចិត្តស្រឡាញ់	ហើយមានចិត្តជឿទុកជាទីសម្គាល់ដរាប
	រួម	ទាំងថ្វាយតង្វាយដោយចិត្តស្រឡាញ់	ប្រសើរជាងមាសកំញ៉ាននិងជ័រល្វីងទេស។

២១២- អបអរថ្ងៃកំណេីតព្រះយេស៊ូ

ចូរអបអរថ្ងៃកំណើតព្រះគ្រីស្ត	ចូរអបអរថ្ងៃកំណើតព្រះគ្រីស្ត
ចូរអបអរថ្ងៃកំណើតព្រះ	គ្រីស្ត និងថ្ងៃចូលឆ្នាំថ្មី
សូមព្រះម្ចាស់ប្រទានពរ	ដល់បងប្អូនទាំងឡាយ
ឱ្យបានសេចក្តីសុខសាន្ត	នៅថ្ងៃបុណ្យណូអែល។

២១៣- អេម៉ានូអែល ១

១	ព្រះយេស៊ូព្រះរាជបុត្រា	បានចាប់កំណើតមកជាមនុស្ស
	ដើម្បីនាំនូវក្តីស្រឡាញ់	សម្រាប់មនុស្សគ្រប់ជាតិគ្រប់សាសន៍	។
២	ព្រះនាងព្រហ្មចារិនីម៉ារី	បានប្រសូតបុត្រដ៏ឧត្តម
	អេម៉ានូអែលព្រះសង្គ្រោះ	បំភ្លឺពិភពលោកទាំងមូល	។
បន្ទរ	បុត្រមនុស្ស…	បានប្រសូតហើយ	ចូរយើងមានអំណរសប្បាយ
	អេម៉ានូអែល	អេម៉ានូអែល អេម៉ានូអែល	អេម៉ានូអែល
៣	អស់អ្នកដែលអស់សង្ឃឹមអើយ	ចូររង់ចាំទទួលព្រះរាជ្យ
	ដោយមានចិត្តអំណររីករាយ	ដ្បិតព្រះអម្ចាស់គង់ជាមួយ	។
៤	ព្រះបុត្រានៃព្រះបិតា	ពិតជាព្រះដ៏វិសុទ្ធ
	ដែលប្រទានព្រះវិញ្ញាណ	នៃក្តីស្រឡាញ់់ ឱ្យយើង	។
បន្ទរ	បុត្រមនុស្ស…….	បានប្រសូតហើយ	ចូរយើងមានអំណរសប្បាយ
	អេម៉ានូអែល	អេម៉ានូអែល អេម៉ានូអែល	អេម៉ានូអែល……

២១៤- ឱ ! ពួកគង្វាល

១	ឱ ! ពួកគង្វាលសត្វអើយ សូមស្តាប់	ដំណើរយើងប្រាប់ការណ៍ថាកុំខ្លាច
	ដឹងការណ៍ចម្លែកប្លែកដែលទន្ទឹង	នៅក្រោលគោនៅស្រុកបេថ្លេហឹម	។
បន្ទរ	យើងខ្ញុំក្រាបថ្វាយបង្គំព្រះគ្រីស្ត	ជាស្តេចស្ថានបរមសុខ
	យើងខ្ញុំក្រាបថ្វាយបង្គំព្រះគ្រីស្ត	ជាស្តេចស្ថានបរមសុខ
២	នឹកឃើញព្រះអម្ចាស់របស់យើង	ចុះមកយោនយកកំណើតជាក្មេង
	ដេកក្រាលចំបើងដណ្តប់កន្សែង	រងាក្រៃលែងព្រោះអាណិតយើង	។

២១៥- ឱ ! មេឃស្ងប់សូន្យ

១	ឱ ! មេឃស្ងប់សូន្យ	ប្រាំបួនជាន់ក្រៃ	ចម្លែកក្រៃពេក
	ពិភពផែនដី	បុត្រស្តេចបរមសុខ	យាងមកប្រសូត
	ដាក់អង្គកុមារ	គួរប្រដូចតូចកម្សត់	លំបាកទុរគតឯកអង្គ
	ថ្ងៃនេះយល់ទ្រង់	មកកើតជាមនុស្ស	ទ្រង់ជាអម្ចាស់
	នៃដែនលោកា	នៃដែនលោកា	។
២	រាត្រីយប់ស្ងាត់	ស្តេចព្រះមាតា	ប្រសូតបុត្រថ្កើង
	រុងរឿងថ្លៃថ្លា	នៅនានគរបន្ទាយបេថ្លេហឹម	ដាក់បុត្រឱ្យផ្ទុំ
	ក្នុងក្រោលសត្វគោសត្វលា	យកចំបើងធ្វើពូកខ្នើយ	ស្នូកជាព្រះក្រឡាបន្ទុំ
	ទ្រង់ជាអម្ចាស់	នៃដែនលោកាៗ	។

២១៦- កោតសរសេីរព្រះគ្រីស្ត

បន្ទរ	យើងកោតសរសើរព្រះគ្រីស្ត អស់ពីដួងចិត្ត ដែលបានបូជាជីវិត ឱ្យយើងរាល់គ្នា
	ចូរកោតសរសើរ ចូរលើកតម្កេីង ព្រះបិតាយើងដែលទ្រង់មានធម៌មេត្តា។
១	ឱ! ប្រជាជាតិទាំងឡាយអើយ ចូរសរសើរ ធម៌មេត្តាដែលព្រះបុត្រាបង្ហាញ
២	ព្រះបុត្រាដែលគង់ខាងស្តាំព្រះបិតា សូមព្រះអង្គប្រោសជួយអង្វរឱ្យយើង!
៣	ព្រះយេស៊ូជាព្រះគ្រីស្ត បូជាជីវិត ទ្រង់លះបង់ ដើម្បីសង្គ្រោះលោកា
៤	សូមឱ្យយើងផ្ញើជីវិតទៅអង្គព្រះគ្រីស្ត ហើយធ្វើតាមព្រះបន្ទូលព្រះអង្គផង
៥	ព្រះបិតាព្រះបុត្រានិងព្រះវិញ្ញាណ សូមព្រះអង្គទ្រង់ព្រះមេត្តាយើងខ្ញុំ ។

២១៧- ចូររៀបចំផ្លូវ

១	ចូររៀបចំផ្លូវៗ	រៀបផ្លូវ	ថ្វាយព្រះជាម្ចាស់
	រៀបចំចិត្តគំនិត	ដើម្បីទទួល	ព្រះរាជ្យព្រះម្ចាស់	។
២	ចូរតម្រង់ផ្លូវៗ	តម្រង់ផ្លូវ	ថ្វាយព្រះជាម្ចាស់
	តម្រង់ចិត្តគំនិត	ដើម្បីទទួល	ព្រះជាអម្ចាស់	។
៣	ចូរកែប្រែចិត្តៗ	កែប្រែចិត្ត	រកព្រះជាម្ចាស់
	កែប្រែចិត្តគំនិត	នោះព្រះជាម្ចាស់	យាងមកសង្គ្រោះ	។
៤	ចូរកែគំនិតៗ	កែគំនិត	សារភាពកំហុស
	ចូរកែប្រែគំនិត	ដើម្បីព្រះម្ចាស់	លើកលែងទោសឱ្យ	។

២១៨- ឈេីឆ្កាងនៃទុក្ខលំបាក

១	ព្រះយេស៊ូទ្រង់បានបូជាព្រះជន្ម	ដោយអំពើបាបរបស់យើង
	ធ្វើឱ្យព្រះអង្គបានសោយក្តីលំបាក	ស៊ូទ្រាំរងទុក្ខនៅលើឈើឆ្កាង	។
បន្ទរ	ដោយឈើឆ្កាងនៃទុក្ខលំបាក	របស់ទ្រង់បានមកសង្គ្រោះយើង
	ក្នុងទីងងឹតឱ្យមានជីវិតថ្មីឡើង	ចូរយើងកែប្រែចិត្តគំនិតថ្មី
	ទទួលព្រះយេស៊ូគ្រីស្ត	ព្រះអង្គទ្រង់គង់នៅជាមួយយើង
	ឱ្យយើងមានក្តីសង្ឃឹមឡើងវិញ។
២	កូនសូមអរព្រះគុណទៅដល់ព្រះជាម្ចាស់	ដែលផ្តល់ក្តីស្រឡាញ់ឱ្យយើង
	ដោយបូជាជីវិត គឺដើម្បីកូន	ចូរយើងរឹងមាំដើរតាមព្រះអង្គ	។

២១៩- តេីព្រះជាម្ចាស់ជានរណា ?
_{(ចម្រៀងទី ១)}

១	តើព្រះជាម្ចាស់ជានរណា?	ទុកឱ្យមនុស្សាបានយកឈ្នះ
	ចាប់យកធ្វើបាបយ៉ាងដូច្នេះ	ដោយទ្រង់មិនចេះចាប់កំហុសឡើយ	។
បន្ទរ	តើព្រះជាម្ចាស់ជានរណា?	ដែលស្រឡាញ់មនុស្សលោកយ៉ាងនេះ?	(២ដង)
២	តើព្រះជាម្ចាស់ជានរណា?	ដែលបានសោយព្រះទិវង្គត
	ប្រទានជីវិតមិនរលត់	ឱ្យមនុស្សរួមរស់ជាមួយព្រះអង្គ	។
៣	តើព្រះជាម្ចាស់ជានរណា?	ដែលយំសោកាលើទុក្ខា
	នៃមនុស្សលោកាដូចមាតា	សោកសៅសោកាទុក្ខកូនភ្ងាណា	។
៤	តើព្រះជាម្ចាស់ជានរណា?	ដែលប្រទានព្រះរាជបុត្រា
	និងមាតាឱ្យគ្រប់អាត្មា	រួមសុខទុក្ខានឹងអស់យើងណា	។
៥	តើព្រះជាម្ចាស់ជានរណា?	ដែលទ្រង់ត្រាស់ហៅរូបកាយយើង
	ឱ្យទទួលសិរីរុងរឿង	ឯស្ថានបរមសុខរួមនឹងព្រះអង្គ	។
៦	តើព្រះជាម្ចាស់ជានរណា?	មានធម៌មេត្តាករុណា
	តើក្តីស្រឡាញ់ជានាមឬ?	ត្រាស់ហៅមនុស្សគឺជាបុត្រធីតា	។

២២០- ទំនុកតម្កេីងលេខ ៧២ (៧១)

បន្ទរ	ព្រះគ្រីស្តជួយសង្គ្រោះជនក្រីក្រ	និងផ្តល់សន្តិភាពឱ្យមនុស្សលោក
	ជាអង្វែងតរៀងទៅ	។
១	ព្រះគ្រីស្តជាម្ចាស់ទ្រង់សោយរាជ្យ	ពេញដោយអំណាចនិងយុត្តិធម៌
	ទ្រង់វិនិច្ឆ័យដោយសុចរិត	ទាំងចេះគូរគិតដោយប្រាជ្ញា	។
២	ព្រះអង្គសង្គ្រោះជនក្រីក្រ	ទ្រង់ប្រោសប្រណីជនខ្សត់ខ្សោយ
	ទ្រង់គង់ក្នុងលោកដោយស្ថិតស្ថេរ	ទ្រង់មិនផ្លាស់រេប្រែប្រួលឡើយ	។
៣	ទ្រង់គង់សណ្ឋិតក្នុងលោកីយ៍	ផ្តល់ព្រះបារមីដ៏អស្ចារ្យ
	ព្រះរាជ្យពេញដោយសន្តិភាព	ពុំសាបរលាបរលាយសូន្យ	។
៤	ទ្រង់មានអំណាចពេញលោកីយ៍	ទូទាំងផែនដី និងសមុទ្រ
	ពួកបច្ចាមិត្តក្រាបភិតភ័យ	ជនពាលទីទៃក៏កោតស្ញែង	។
៥	ស្តេចគ្រប់ប្រទេសទាំងជិតធ្ងាយ	នឹងលំទោនកាយថ្វាយបង្គំ
	ព្រះអង្គជាម្ចាស់លើពិភព	ខ្ពង់ខ្ពស់លើសលប់ស្តេចនានា	។
៦	ទ្រង់ជួយឧបត្ថម្ភជនក្រីក្រ	ដែលសូមអង្វរព្រះជាម្ចាស់
	ទ្រង់ប្រោសមេត្តាជនទុរគត	ជនកម្សត់ដែលគ្មានទីពឹង	។
៧	ទ្រង់ប្រោសជីវិតគេឱ្យផុត	ពីការសម្លុតចិត្តឃោរឃៅ
	ព្រះគ្រីស្តជាម្ចាស់ទ្រង់ទាមទារ	ពីសត្រូវមារបង្ហូរឈាម	។
៨	សូមកោតសរសើរឆ្ពោះព្រះគ្រីស្ត	ពីឥឡូវនេះតរៀងទៅ
	ព្រះរាជ្យព្រះអង្គតែងគង់នៅ	ស្ថិតស្ថេរតទៅមិនសាបសូន្យ	។
៩	សូមកោតសរសើរព្រះត្រៃឯក	ដែលទ្រង់នឹងគង់តរៀងទៅ
	ព្រះជន្មព្រះអង្គនៅគង់វង្ស	ដរាបយូរលង់ពុំសាបសូន្យ	។

២២១- នេះគឺជាសេចក្តីស្រឡាញ់

១	នៅលើឈើឆ្កាង	យើងឃើញព្រះគ្រីស្ត	សោយទិវង្គតបូជា
	យើងមានបាបច្រើនឥតគណនា	សូមព្រះអង្គលើកលែង	។
បន្ទរ	នេះគឺជាសេចក្តីស្រឡាញ់	ដែលបានបូជាព្រះជន្ម
	ឱ្យយើងបានរួចពីក្តីស្លាប់	រស់នៅជាមួយព្រះម្ចាស់	។
២	ព្រះលោហិតបង្ហូរ	ពេញខ្លួនឈឺចុកចាប់ពេកក្រៃ	បន្លាជាមកុដ
	ព្រះអង្គស៊ូទ្រាំដល់កន្លែងឈើឆ្កាង		។

២២២- នេះជាឈើឆ្កាង

ប	នេះជាឈើ ដែលគេឆ្កាងព្រះយេស៊ូគ្រីស្ត
	គេបានធ្វើគុតព្រះសង្គ្រោះមនុស្សលោក នៅលើឈើនេះ !
គ្រ	យើងខ្ញុំសូមក្រាបបង្គំព្រះឈើឆ្កាង ។

២២៣- បុត្រព្រះអម្ចាស់

១	បុត្រព្រះអម្ចាស់	បានឆ្កាងព្រះហស្ត	ជាយញ្ញាបូជា	ដោយទ្រង់ជ្រាបច្បាស់
	កិច្ចការនានា	រងទុក្ខវេទនា	នៃមនុស្សលោកីយ៍	។
២	ក្តីស្រឡាញ់ត្រង់	របស់ព្រះអង្គ	ទាញយកផែនដី	ទាំងមូលចូលមក
	ហើយទ្រង់ឃ្មាតខ្មី	នាំមនុស្សប្រុសស្រី	ឆ្ពោះព្រះបិតា	។
៣	ដោយអង្គព្រះគ្រីស្ត	ទ្រង់ព្រះតម្រិះ	កែប្រែលោកា	ទ្រង់ជាដើមចុង
	សារពើនានា	ក៏ក្លាយទៅជា	អំណោយព្រះអង្គ	។

២២៤- ព្រះយេស៊ូគ្រីស្តបានបូជាជីវិត

១	ព្រះយេស៊ូគ្រីស្តបានបូជាជីវិត	ដើម្បីឱ្យលោករួចពីសេចក្តីស្លាប់
	ដោយចិត្តស្រឡាញ់	ទ្រង់បានលះបង់ជីវិត	ដោយព្រះបន្ទូលឱ្យយើងរួបរួមគ្នា
	យើងសូមដើរតាមព្រះគ្រីស្តរហូតតទៅ	ធ្វើតាមព្រះបន្ទូលព្រះអម្ចាស់	។
បន្ទរ	ខ្ញុំសូមដើរតាមព្រះយេស៊ូ	ព្រះគ្រីស្តជាសេចក្តីពិត	ព្រះគ្រីស្តជាជីវិត
	គឺជាសេចក្តីស្រឡាញ់	ធ្វើតាមព្រះបន្ទូលព្រះគ្រីស្ត
	គឺស្រឡាញ់អ្នកដទៃទៅវិញទៅមក	ឱ្យដូចបងប្អូន	ត្រូវរួបរួមគ្នា
	ដើរទៅកាន់ព្រះបិតា	ព្រះបុត្រា	និងព្រះវិញ្ញាណដ៏វិសុទ្ធ។
២	ក្នុងដំណើរជីវិតយើង	ព្រះគ្រីស្តតែងតែស្រឡាញ់	ទ្រង់ឱ្យយើងចេះរួបរួម
	និងស្រឡាញ់គ្នាដូចបងប្អូនយើង	សូមដើរតាមព្រះគ្រីស្តរហូតតទៅ
	ធ្វើតាមព្រះបន្ទូលព្រះអម្ចាស់។	(បន្ទរ)

២២៥- ព្រះគ្រីស្តព្រះសង្គ្រោះ

យើងជឿពិត ព្រះគ្រីស្ត គង់ជាមួយយើង យើងសូមកោតសរសើរ
លើឈើឆ្កាង ព្រះអង្គ ទ្រង់បានសង្គ្រោះយើង យើងសូមកោតសរសើរ
ឱ ! ព្រះគ្រីស្ត ជីវិតបូជាលើឈើឆ្កាង យើងសូមកោតសរសើរ ទ្រង់រំដោះ
បាបយើងមនុស្សលោកីយ៍ យើងសូមកោតសរសើរ។

២២៦- ព្រះគ្រីស្តព្រះសង្គ្រោះ

បន្ទរ	ឱ! ព្រះគ្រីស្តអើយ!	ឱ! ព្រះគ្រីស្តអើយ!	មេត្តាប្រណី
១	ឱ! ព្រះគ្រីស្តអើយ	ព្រះអង្គពិតជា	ព្រះរាជបុត្រា
	នៃព្រះបិតា	ដោយព្រះហឫទ័យ	ស្រឡាញ់មនុស្ស
	ព្រះអង្គបូជាជីវិតដើម្បី	សង្គ្រោះយើងខ្ញុំ	។
២	ឱ! ព្រះគ្រីស្តអើយ	ដោយស្តាប់បង្គាប់	តាមព្រះហឫទ័យ
	នៃព្រះបិតា	ព្រះអង្គបូជា	ព្រះជន្មថ្លៃថ្លា
	ប្រទានជីវិតរុងរឿងអស់កល្ប	ផ្តល់ឱ្យមនុស្សលោក	។
៣	ឱ! ព្រះគ្រីស្តអើយ	ព្រះអង្គពិតជា	ព្រះរាជបុត្រា
	នៃព្រះបិតា	ជាព្រះវិសុទ្ធ	ឧត្តមថ្លៃថ្លា
	ពេលព្រះអង្គឡើងគ្រងរាជ្យ	សូមទ្រង់កុំភ្លេចយើងខ្ញុំ	។
៤	ឱ! ព្រះគ្រីស្តអើយ	ព្រះដ៏វិសុទ្ធ	ឧត្តមថ្លៃថ្លា
	ជាព្រះបុត្រា	ដោយសង្គ្រោះខ្ញុំ	ជាមនុស្សមានបាប
	ព្រះអង្គបូជាជីវិតសុគត	នៅលើឈើឆ្កាង	។
៥	ឱ! ព្រះគ្រីស្តអើយ	ព្រោះបាបយើងខ្ញុំ	ធ្វើឱ្យព្រះអង្គ
	រងទុក្ខលំបាក	បូជាព្រះជន្ម	នៅលើឈើឆ្កាង
	សូមទ្រង់មេត្តាអាណិត	លើកលែងទោសឱ្យខ្ញុំផង	។

២២៧- ព្រះយេស៊ូជួយសង្គ្រោះ

១	ព្រះគ្រីស្តជាព្រះពិតប្រាកដ	ទ្រង់បានសោយទិវង្គតទាំងវេទនា
	ព្រោះតែធ្វើតាមព្រះបញ្ជា	នៃព្រះបិតាដែលថ្វាយនាម	។
២	ព្រះកេសពោរពេញដោយលោហិត	ព្រះកាយជុំជិតសុទ្ធតែស្នាម
	គេទុកព្រះអង្គដូចសំរាម	ព្រះកាយនិងឈាមសែនវេទនា	។
៣	ដោយស្នាមរបួសនៃព្រះអង្គ	អាចជួយស្រោចស្រង់យើងគ្រប់គ្នា
	ឱ្យផុតបាបទុក្ខផងនានា	ស្គាល់ក្តីសុខជាបានសះស្បើយ	។
៤	ព្រះអង្គបម្រើព្រះបិតា	អាសូរមេត្តាមិនកន្តើយ
	បំភ្លឺមនុស្សលោកឱ្យស្គាល់ត្រើយ	មិនឱ្យល្អៀងឡើយគ្រប់ទិសទី	។
៥	ព្រះនាមព្រះអង្គល្បីសុសសាយ	រន្ទឺខ្ទរខ្ទារពេញលោកា
	សត្វលោកទាំងឡាយកោតចេស្តា	ហើយប្រកាសថា ទ្រង់ជាព្រះអម្ចាស់	។

២២៨- ព្រះយេស៊ូបានសុគត

១	ព្រះយេស៊ូបានសុគត	ទ្រង់បានបូជាព្រះជន្មឰដ៏ឈើឆ្កាង
	អំពើអាក្រក់មនុស្សច្រើនពន់ប្រមាណ	ធ្វើឱ្យព្រះអង្គសោយក្តីលំបាក
	ដោយស៊ូទ្រាំរងទុក្ខក្នុងអង្គប្រាណ	។
២	មាតារបស់ព្រះអង្គ	រងទុក្ខឈឺចាប់ខ្លោចផ្សានៅក្បែរឈើឆ្កាង
	ពេញទាំងឱរាមេត្តាអាណិតបុត្រថ្លៃ	ដែលរងទណ្ឌកម្មដោយមិនចេញស្តី
	ដើម្បីសង្គ្រោះមនុស្សលោកីយ៍	។
៣	យើងខ្ញុំថ្លែងអំណរគុណ	ចំពោះហប្ញទ័យមេត្តាសន្តោសយើងខ្ញុំ
	យើងខ្ញុំសូមសន្យាថាវៀរចាកអាក្រក់	សូមជួយយើងខ្ញុំកាន់ផ្លូវទៀងត្រង់
	និងបានជ្រកកោនក្រោមម្លប់ព្រះអង្គ	។

២២៩- ព្រះយេស៊ូយាងចូលក្រុងយេរូសាឡឹម

បន្ទរ	រួម	ជយោ ! ព្រះរាជវង្សព្រះបាទដាវីឌ
	ស	សូមព្រះជាម្ចាស់ប្រទានពរដល់ព្រះគ្រីស្ត
	ប	ដែលយាងមកក្នុងព្រះនាមព្រះអង្គ
	រួម	ជយោ ! ព្រះអម្ចាស់ដែលគង់ឯស្ថានដ៏ខ្ពង់ខ្ពស់បំផុត
១		ឱ ! ទ្វារទាំងឡាយរចនាល្អ	ចូរបើកចំហត្រឹមត្រូវត្រង់
		ចូរបើកចំហថ្វាយមហាក្សត្រ	ព្រះអង្គយាងកាត់មានសិរី
		រុងរឿងបវរទាំងបារមី	ព្រះនាមល្បាញល្បីឮខ្ទរខ្ទារ	។
២		តើមហាក្សត្រនោះជានរណា	មនុស្សធម្មតានៅរៀងអាយ
		ឬអ្នកមានបុណ្យមកពីឆ្ងាយ	អម្ចាស់នេះហើយដែលយើងថ្វាយ
		បង្គំឱនកាយអធិដ្ឋាន	ព្រះអង្គជាមហាក្សត្រថ្កើងថ្កាន	។
៣		ឱ ! ទ្វារទាំងឡាយរចនាល្អ	ចូរបើកចំហត្រឹមត្រូវត្រង់
		ចូរបើកចំហថ្វាយមហាក្សត្រ	ព្រះអង្គយាងកាត់មានសិរី
		រុងរឿងបវរទាំងបារមី	ព្រះនាមល្បាញល្បីឮខ្ទរខ្ទារ	។
៤		តើមហាក្សត្រនោះជានរណា	ពូជពង្សក្សត្រាឬក្លែងក្លាយ
		គឺព្រះអម្ចាស់ជាមហាក្សត្រ	រុងរឿងប្រោសសត្វលោកគ្រប់ប្រាណ
		មានសិរីជោគជ័យផ្ទឹមពុំបាន	កម្លាំងប៉ុន្មានទ្រង់ជាអម្ចាស់	។

២៣០- យេីងខ្ញុំសូមក្រាបបង្គំ

បន្ទរ	យើងខ្ញុំសូមក្រាបបង្គំ	គោរពដល់ព្រះឧត្តម
	ដែលបានប្រោសលោះលោកា	ដោយបានបូជាព្រះជន្ម	។
១	គ្រាប់ស្រូវធ្លាក់នៅលើដី	ឧបមេយ្យបើមិនងាប់ទៅ
	គ្រាប់នៅតែមួយដដែល	មិនអាចបង្កើតផលឡើយ	។
២	អ្នកណាស្រឡាញ់ជីវិត	អ្នកនោះពិតជាបាត់វា
	អ្នកដែលស្ម័គ្រចិត្តលះបង់	នឹងរក្សាជីវិតគង់	។
៣	អ្នកណាចង់បម្រើខ្ញុំ	អ្នកនោះនឹងខំមកតាម
	រីអ្នកដែលបានបម្រើ	ព្រះបិតាតម្កេីងគេ	។

២៣១- រួមគ្នាកោតសរសេីរព្រះគ្រីស្ត

រួមគ្នាកោតសរសើរព្រះគ្រីស្ត	បូជាជីវិតឱ្យយើង	យើងខ្ញុំសូមលើកតម្កេីង
សរសើរអស់កល្បជានិច្ច	រួមគ្នាសរសើរ	តម្កេីងនឹងធម៌មេត្តា
ឱ្យយើងជាបុត្រធីតា	ព្រះបិតាដែលស្រឡាញ់យើង	។

២៣២- សូមព្រះជាម្ចាស់ទ្រង់ព្រះមេត្តា

បន្ទរ	សូមព្រះជាម្ចាស់ទ្រង់ព្រះមេត្តា	អាសូរករុណា និងប្រោសប្រណី
	សូមទ្រង់ប្រទានព្រះពរជោគជ័យ	ដោយព្រះហឫទ័យដ៏សប្បុរស	។
១	មនុស្សក្នុងពិភពលោកសាកល	មុខជានឹងស្គាល់នូវការសង្គ្រោះ
	ព្រមទាំងបានយល់នូវក្តីសន្តោស	ជាបំណងខ្ពស់របស់ព្រះអង្គ	។
២	សូមឱ្យមនុស្សគ្រប់ជាតិគ្រប់សាសន៍	រួមគ្នាប្រកាសនូវចិត្តស្មោះត្រង់
	ថ្លែងអំណរគុណចំពោះព្រះអង្គ	ដែលទ្រង់ស្រោចស្រង់មនុស្សលោកា	។
៣	សូមឱ្យប្រជារាស្ត្រផងទាំងឡាយ	ច្រៀងអរសប្បាយអស់ពីចិន្តា
	ដ្បិតព្រះអង្គតែងគ្រប់គ្រងរក្សា	មនុស្សក្នុងលោកាដោយយុត្តិធម៌	។
៤	ព្រះអង្គណែនាំមនុស្សលោកីយ៍	គ្រប់ជាតិប្រុសស្រីឱ្យឡើងត្រង់ល្អ
	គ្រប់គ្រងផែនដីនិងប្រជាករ	ត្រឹមត្រូវបវរត្រចះត្រចង់	។
៥	សូមឱ្យមនុស្សគ្រប់ជាតិគ្រប់សាសន៍	រួមគ្នាប្រកាសនូវចិត្តស្មោះត្រង់
	ថ្លែងអំណរគុណចំពោះព្រះអង្គ	ដែលទ្រង់ស្រោចស្រង់មនុស្សលោកា	។
៦	ព្រះជាអម្ចាស់បានប្រោសប្រទាន	ឱ្យផែនដីមានភោគផលថ្លៃថ្លា
	ព្រមទាំងប្រទានព្រះពរជ័យា	ឱ្យយើងគ្រប់គ្នាបានក្តីសុខុម	។
៧	សូមព្រះជាម្ចាស់មេត្តាប្រណី	ប្រទានពរជ័យមកដល់យើងខ្ញុំ
	សូមឱ្យមនុស្សលោកក្រាបថ្វាយបង្គំ	កោតខ្លាចប្រណម្យព្រះអង្គគ្រប់ប្រាណ	។
៨	សូមកោតសរសើរឆ្ពោះព្រះបិតា	ទាំងព្រះបុត្រា និងព្រះវិញ្ញាណ
	ដែលគង់ស្ថិតស្ថេរប្រសើរថ្កើងថ្កាន	នៅគ្រប់ទីស្ថានដរាបរៀងទៅ	។

២៣៣- សូមព្រះជាម្ចាស់ទ្រង់ព្រះសណ្តាប់

១	សូមព្រះជាម្ចាស់អាសូរស្តាប់សំឡេងកូន	ឯទីជម្រៅជ្រៅខំស្រែកហៅព្រះអង្គ
	កុំទុកចោលកូននៅក្នុងក្តីអាម៉ាស	សូមស្តាប់សម្រែកកូនជាអ្នកបាប	។
២	កាលណាកូនភាវនាយ៉ាងខ្លាំងក្លា	កូនសង្ឃឹមថាព្រះម្ចាស់អាសូរប្រណី
	ផ្តល់សេចក្តីសុខពោរពាសមកផែនដី	លោះលាលោកីយ៍ឱ្យរួចពីទុក្ខ	។
៣	ព្រលឹងកូនសង្ឃឹមលើ់ព្រះអង្គទំនុក	សូមទ្រង់កុំភ្លេចមេត្តាប្រណីផង
	ឥតនរណាមួយអាចឈរនឹងឡើយហោង	បើព្រះអង្គពុំមេត្តាអត់ទោសឱ្យ	។
៤	ព្រលឹងកូនសង្វាតទន្ទឹងរង់ចាំ	សូមទ្រង់អាណិតនឹកភ្នកមករកកូន
	បីដូចអ្នកចាំយាមរមែងរង់ចាំ	មើលពន្លឺរស្មីផ្កាយព្រឹករះ	។

២៣៤- សូមមេត្តាប្រោសយេីងខ្ញុំ

បន្ទរ-	សូមមេត្តាប្រោសយើងខ្ញុំ ឱ ! ព្រះជាអម្ចាស់ ដែលបានរងទុក្ខ និងសង្គ្រោះលោកា
១	សូមប្រោសយើងខ្ញុំ ឱ! ព្រះជាអម្ចាស់ ព្រោះយើងខ្ញុំបានធ្វើអាក្រក់់។
២	សូមប្រោសយើងខ្ញុំ ឱ! ព្រះជាអម្ចាស់ ដែលបានសន្តោសប្រោសលោកា។
៣	សូមប្រោសយើងខ្ញុំ ឱ! ព្រះជាអម្ចាស់ ដែលបានបូជាព្រះជន្មសម្រាប់លោកា។
៤	សូមប្រោសយើងខ្ញុំ ឱ! ព្រះជាអម្ចាស់ ដែលបានរំដោះលោកាដោយលោហិតព្រះអង្គ។
៥	សូមប្រោសយើងខ្ញុំ ឱ! ព្រះជាអម្ចាស់ ដែលបានប្រទានជីវិតឱ្យលោកាវិញ។

២៣៥- អំពេីអាក្រក់របស់ខ្ញុំ

១	អំពើអាក្រក់ខ្ញុំច្រើនឥតគណនា	ធ្វើឱ្យព្រះម្ចាស់ព្រួយហប្ញទ័យ
	ម្តេចឡើយក៏ខ្ញុំនៅរឹងទទឹង	មិនចាប់ភ្លឹកលន់តួព្រះអង្គ	។
បន្ទរ	ព្រះអម្ចាស់ខ្ញុំដឹងច្បាស់ហើយថា	ព្រោះយើងខ្ញុំទើបព្រះអង្គក្ស័យ
	ដោយរងទុក្ខលំបាកឥតចេញស្តី	ខ្ញុំសូមទោសសូមទ្រង់មេត្តា	។
២	នៅសួនច្បារកេតសេម៉ានីនោះ	ព្រះអង្គដួលព្រោះទតបាបច្រើន
	សូមបិតាវៀរពែងទុក្ខនេះចេញ	តែសូមតាមព្រះហប្ញទ័យចុះ	។
៣	ពេលយូដាអ្នកក្បត់មកដល់ភ្លាម	លក់ព្រះអង្គថ្លៃសាមសិបរៀល
	ពួកឯងមកចាប់ខ្ញុំដូចចាប់ចោរ	តែទ្រង់ធ្វើតាមព្រះបិតា	។
៤	ស៊ីម៉ូនសិលាក៏មានចិត្តក្បត់	មិនហ៊ានប្រកាសថាជាគ្រូឯង
	តែមានចិត្តកំសាកនិយាយក្លែង	ខ្ញុំមិនដែលស្គាល់អ្នកនោះទេ	។
៥	មហាបូជាចារ្យពួកជំនុំ	ត្មះដៀលព្រះអង្គគ្រប់ប្រការ
	មើលព្រះអង្គពុំដឹងជានរណា	ព្រះអង្គដែលជាព្រះអម្ចាស់	។
៦	ពួកយូដាប្រមាថថាលីលា	ថែមទាហានវាយនូវព្រះហស្ត
	ខ្លះព្រួសស្តោះខ្លះទះសព្វអន្លើ	ព្រះអង្គដែលជាព្រះអម្ចាស់	។
៧	គេដោះលែងបារ៉ាបាសចោរកំណាច	គេកាត់ក្តីធ្វើគុតព្រះអង្គ
	មើលព្រះអង្គពុំដឹងជានរណា	ព្រះអង្គដែលជាព្រះអម្ចាស់	។

២៣៦- អ្នកបម្រេីដ៏ប្រសេីរ

១	អ្នកបម្រើដ៏ប្រសើរ	អ្នកមានចិត្តស្មោះត្រង់អើយ
	អ្នកស្មោះត្រង់នឹងកិច្ចការមួយដ៏តូច	យើងនឹងតែងតាំងឱ្យអ្នក
	ត្រួតត្រាកិច្ចការដ៏ធំវិញៗ	។
២	អ្នកបម្រើដ៏ប្រសើរ	អ្នកមានចិត្តស្មោះត្រង់អើយ
	អ្នកស្មោះត្រង់នឹងកិច្ចការមួយដ៏តូច	យើងនឹងតែងតាំងឱ្យអ្នក
	ត្រួតត្រាកិច្ចការដ៏ធំវិញៗ	។

២៣៧- ឱ ! ជនកម្សត់

១	ឱ ! ជនកម្សត់	ម្តេចក៏ប្រាសព្រាត់	ពីព្រះយេស៊ូ	ចូរមកយ៉ាងឆាប់
	មកយ៉ាងប្រញាប់	សូមទ្រង់លើកលែងទោស	។
បន្ទរ	ឱ ! ព្រះយេស៊ូសូមមេត្តា	លើកលែងទោស	ឱ្យយើងខ្ញុំទាំងឡាយ	។
២	ខ្ញុំបាត់ស្មារតី	បាត់ទាំងសិរី	ធ្លាក់ខ្លួនក្សិណក្ស័យ	ព្រោះតែបាបកម្ម
	ខុសព្រះបណ្តាំ	នៃព្រះអម្ចាស់	។
៣	រាល់ទិនទិវា	ខ្មាំងមកយាយី	គ្រប់ទាំងទិសទី	ពីទីជម្រៅ
	យើងខ្ញុំស្រែកហៅ	សូមឱ្យព្រះអង្គជួយ	។

២៣៨- ក្រោមម្លប់បារមីព្រះគ្រីស្ត

បន្ទរ	ក្រោមម្លប់បារមីព្រះយេស៊ូ	យើងសែនត្រេកអរថ្លែងអំណរគុណ
	ក្រោមម្លប់បារមីព្រះយេស៊ូគ្រីស្ត	យើងសែនត្រេកអរថ្លែងអំណរគុណ	។
១	សូមអរព្រះគុណព្រះអម្ចាស់	ដែលបានផ្តល់ព្រះបន្ទូលបំភ្លឺជីវិតយើងខ្ញុំ	។
២	សូមអរព្រះគុណព្រះអម្ចាស់	ដែលប្រទានឱ្យយើងខ្ញុំរួបរួមគ្នាថ្វាយតង្វាយ	។
៣	សូមអរព្រះគុណព្រះអម្ចាស់	ដែលប្រទានឱ្យយើងខ្ញុំរួមគ្នាសរសើរព្រះអង្គ	។
៤	សូមអរព្រះគុណព្រះអម្ចាស់	ដែលប្រទានឱ្យយើងខ្ញុំនូវជីវិតដ៏រុងរឿង	។
៥	សូមព្រះអង្គទ្រង់មេត្តា	រក្សាយើងខ្ញុំថ្ងៃនេះក្នុងក្តីស្រឡាញ់ព្រះអង្គ	។
៦	សូមព្រះអង្គទ្រង់មេត្តា	គង់ជិតយើងខ្ញុំថ្ងៃនេះ នោះយើងខ្ញុំអរសប្បាយ	។
៧	សូមព្រះអង្គជួយយើងខ្ញុំ	ឱ្យចេះស្រឡាញ់បងប្អូនដូចទ្រង់ស្រឡាញ់យើងខ្ញុំ	។

២៣៩- ខ្ញុំច្រៀងកោតសរសេីរ

១	ខ្ញុំច្រៀងកោតសរសើរ (ស្ទួន)	កោតសរសើរដល់ព្រះជាម្ចាស់ (ស្ទួន)
	ដ្បិតព្រះអង្គទ្រង់មានជោគជ័យច្បាស់	ទ្រង់បានជម្រះទ័ពសេះក្នុងសមុទ្រ	។
២	ខ្ញុំច្រៀងកោតសរសើរ (ស្ទួន)	សរសើរព្រះនាមដ៏វិសុទ្ធ (ស្ទួន)
	ព្រោះបានច្រានកម្លាំងរថទ័ពដ៏ខ្លាំងបំផុត	ដែលលង់ខ្លួនក្នុងសមុទ្រក្រហម (ស្ទួន)
បន្ទរ	(ស) ខ្ញុំច្រៀង (ប)ខ្ញុំច្រៀង	(ស) កោតសរសើរ (ប)កោតសរសើរ
	(ស) កោតសរសើរ បារមីព្រះអង្គ	(ប) បារមីព្រះអង្គ
	(ស) ទ្រង់បានបំផ្លាញ (ប) ទ្រង់បានបំផ្លាញ	(ស) សត្រូវខ្ទេចបង់
	(ប) សត្រូវខ្ទេចបង់ (ស) ជួយផ្គត់ផ្គង់រូបខ្ញុំ	(ប) ពេលសឹកសង្គ្រាមជ័យ
	(រួម) ពេលសឹកសង្គ្រាមជ័យ។
៣	ខ្ញុំច្រៀងលើកតម្កេីង (ស្ទួន)	តម្កេីងព្រះម្ចាស់លើលោកីយ៍ (ស្ទួន)
	ជាព្រះខ្ញុំទាំងប្រុសស្រីហើយដែលមានហប្ញទ័យ	ព្រះអង្គសន្តោសប្រណីកន្លង (ស្ទួន)
៤	ខ្ញុំច្រៀងលើកតម្កេីង (ស្ទួន)	ព្រះរបស់ឪពុកខ្ញុំផង (ស្ទួន)
	ខ្ញុំច្រៀងនិងតម្កេីងសូមឱ្យព្រះអង្គ	គង់សោយរាជ្យអស់កល្បតរៀងទៅ(ស្ទួន)	។

២៤០- ចូរសប្បាយរីករាយឡេីង

បន្ទរ	អាលេលូយ៉ា	ព្រះគ្រីស្តមានព្រះជន្ម	រស់ឡើងវិញពិតមែនហើយ
	ប្រជាជនទាំងឡាយអើយ	ចូរសប្បាយរីករាយឡើង	អាលេលូយ៉ាៗៗ
១	នេះហើយជាថ្ងៃ	ដែលព្រះម្ចាស់ថ្លៃ	ទ្រង់បានបង្កើត	ថ្ងៃសែនសប្បាយ
	ចូរយើងច្រៀងថ្វាយ	ព្រះគ្រីស្តអម្ចាស់	ទ្រង់មានព្រះជន្ម	ពេញដោយសិរី។
២	ព្រះយេស៊ូគ្រីស្ត	ទ្រង់ឈ្នះក្តីស្លាប់	គង់ជាមួយយើង	ជារៀងរហូត
	ចូរយើងតម្កេីង	ព្រះអម្ចាស់យើង	ទ្រង់មានព្រះជន្ម	ពេញដោយសិរី។
៣	ដោយស្រឡាញ់យើង	ទ្រង់សព្វព្រះហប្ញទ័យ	បូជាព្រះជន្ម	បើកផ្លូវសង្គ្រោះ
	ឱ្យយើងបានរស់	ដោយជីវិតថ្មី	នៃព្រះម្ចាស់ថ្លៃ	អស់កល្បជានិច្ច។
៤	យើងសែនសប្បាយ	ក្រាបបង្គំថ្វាយ	អំណរព្រះគុណ	ព្រះគ្រីស្តអម្ចាស់
	ទ្រង់ជាជីវិត	យើងខ្ញុំជឿពិត	ថានឹងបានរស់	រួមនឹងព្រះអង្គ។
៥	សូមថ្វាយពរជ័យ	សិរីសួស្តី	ឆ្ពោះព្រះបិតា	ព្រះរាជបុត្រា
	ព្រះវិញ្ញាណដ៏វិសុទ្ធ	ជាព្រះត្រៃឯក	ថ្កើងថ្កានឥតហ្មង	ដែលគង់ជានិច្ច។

២៤១- ជ័យជម្នះ

បន្ទរ	ជ័យជម្នះ ព្រះអម្ចាស់គ្រងរាជ្យ	ព្រះគ្រីស្តព្រះអង្គស្រោចស្រង់ខ្ញុំ	។
១	សូមបញ្ចេញពន្លឺរស្មី	លើស្ថានដ៏ស្វែងរកសច្ចៈ
	ព្រះគ្រីស្តជាចង្អូរហូរចាក់	ធម៌ស្រឡាញ់ស្ម័គ្រសេរីភាព	។
២	សូមផ្តល់ក្តីអង់អាចក្លៀវក្លា	ដល់ជនក្រីក្រអកុសល
	សូមប្រមូលបងប្អូនយើងខ្ញុំ	ទៅមូលផ្តុំក្រោមម្លប់បារមី	។
៣	សូមទ្រង់យាងមកបំភ្លឺដល់	អស់យើងខ្ញុំជាអ្នកមានទុក្ខ
	ព្រះគ្រីស្តទ្រង់បានសម្តែង	មេត្តាប្រោសទទួលយើងខ្ញុំ	។

២៤២- ថ្ងៃដែលព្រះជាម្ចាស់បានបង្កេីត

បន្ទរ	នេះជាថ្ងៃដែលព្រះជាម្ចាស់	បានបង្កើតមក
	ថ្ងៃដ៏សែនសប្បាយរីករាយ	អាលេលូយ៉ាៗៗ
១	ចូរយើងអរព្រះគុណព្រះជាម្ចាស់	ចូរយើងច្រៀងបទថ្មីថ្វាយព្រះអង្គ
	ដ្បិតព្រះអង្គទ្រង់មានព្រះហឫទ័យ	មេត្តាករុណា
	ព្រះអង្គទ្រង់ស្រឡាញ់មនុស្សលោក	អស់កល្បជានិច្ច	។
២	តេជានុភាពនៃព្រះអង្គ	បានសម្រេចការអស្ចារ្យ
	ព្រះអង្គធ្វើឱ្យខ្ញុំងើបឡើងវិញ	ខ្ញុំមិនត្រូវស្លាប់ឡើយ
	ខ្ញុំនៅរស់ហើយខ្ញុំប្រកាស	ពីស្នាព្រះហស្ថព្រះអង្គ	។
៣	សូមថ្វាយព្រះពរជោគជ័យ	ចំពោះព្រះបិតាព្រះបុត្រា
	និងព្រះវិញ្ញាណដ៏វិសុទ្ធ	ដែលព្រះអង្គគង់នៅ
	តាំងពីដើមរៀងមកហើយជាដរាប	តរៀងទៅ	។

២៤៣- ព្រះយេស៊ូគ្រីស្តរស់ឡេីងវិញមែន

បន្ទរ	ព្រះយេស៊ូគ្រីស្តរស់ឡើងវិញមែន	ដូចព្រះអង្គមានព្រះបន្ទូល
	អាលេលូយ៉ា អាលេលូយ៉ា	អាលេលូយ៉ា អាលេលូយ៉ា	។
១	ព្រះជាម្ចាស់បានលើកព្រះអង្គឡើង	ឱ្យគង់នៅជាមួយហើយ
	ព្រះយេស៊ូពោរពេញដោយជីវិតថ្មី	និងដោយសិរីរបស់ព្រះម្ចាស់	។
២	ទេវទូតទាំងឡាយ សប្បាយក្រៃ	មហាក្សត្រផែនដីមានជ័យជម្នះ
	ពន្លឺចែងចាំងរបស់ព្រះគ្រីស្ត	ដែលទ្រង់បានឈ្នះលើសេចក្តីស្លាប់	។
៣	ទ្រង់បានកម្ចាយសេចក្តីងងឹត	ដែលបានរួមរឹតលើផែនដី
	ព្រះគ្រីស្តមានព្រះជន្មរុងរឿងសិរី	ពិភពលោកីយ៍ស្គាល់ព្រះចេស្តា	។
៤	ទ្រង់សោយទិវង្គតបានបីថ្ងៃ	ស្របតាមសេចក្តីបានចែងថា
	ព្រះគ្រីស្តបានបូជាព្រះកាយា	រំដោះមនុស្សាពីបាបកម្ម	។
៥	ជយោព្រះមហាក្សត្រដ៏ថ្កុំថ្កើង	រក្សាពួកយើងក្នុងក្តីស្រឡាញ់
	សូមឱ្យយើងចេះអរព្រះគុណព្រះអង្គ	ដែលជួយស្រោចស្រង់ទ្រទ្រង់ជីវិត	។
៦	យើងហ៊ានស្រែកច្រៀងអាលេលូយ៉ា	អស់ពីកាយាដោយអំណរពិត
	ដោយអគ្គសញ្ញាបុណ្យជ្រមុជទឹក	យើងបានជិតស្និទ្ធជាមួយព្រះអង្គ	។

២៤៤- ព្រះគ្រីស្តគង់ជាមួយយេីង

១	ព្រះគ្រីស្តគង់ជាមួយយើង	ព្រះគ្រីស្តគង់ជាមួយយើង	ព្រះអង្គស្រឡាញ់យើង
	ព្រះអង្គប្រទានជីវិត	ព្រះគ្រីស្តគង់ជាមួយយើង	។
បន្ទរ	ដោយសារឈើឆ្កាង	ទុក្ខលំបាករបស់ព្រះអង្គ	ដែលបានសង្គ្រោះយើង
	ពីទីងងឹត ឱ្យមានជីវិតថ្មី	។
២	សូមព្រះគ្រីស្តសណ្ឋិតនៅ	សូមព្រះអង្គមកជួយជីវិត	កែប្រែចិត្តយើងរាល់គ្នា
	ឱ្យយើងដើរតាមព្រះអង្គ	ព្រះគ្រីស្តគង់ជាមួយយើង	។

២៤៥- ព្រះគ្រីស្តមានព្រះជន្មរស់ឡេីងវិញហេីយ

បន្ទរ	(ស)	ព្រះគ្រីស្តទ្រង់មានព្រះជន្ម	រស់ឡើងវិញហើយ	អាលេលូយ៉ា
	(ប)	ពន្លឺរស្មីជីវិត	ឈ្នះភាពងងឹត	អាលេលូយ៉ា
	(រួម)	ចូរយើងត្រេកអរសប្បាយ	តាំងចិត្តរីករាយ	អាលេលូយ៉ា
		អាលេ អាលេលូយ៉ា	អាលេលូយ៉ា	អាលេលូយ៉ា ។
១		ព្រះគ្រីស្តមានព្រះជន្ម	រស់ឡើងវិញពិតមែនហើយ
		ទ្រង់ឈ្នះសេចក្តីស្លាប់	ហើយប្រទានជីវិតថ្មី
		ចូរយើងកោតសរសើរ	ព្រះបិតាជាអម្ចាស់
		ទ្រង់ប្រោសព្រះបុត្រា	ឱ្យមានព្រះជន្មរស់ឡើងវិញ	។
២		ព្រះគ្រីស្តមានព្រះជន្ម	រស់ឡើងវិញពិតមែនហើយ
		ទ្រង់ជាក្តីសង្ឃឹម	នៃអស់អ្នកដែលបានស្លាប់
		ចូរយើងលើកតម្កេីង	ព្រះបិតាជាអម្ចាស់
		ទ្រង់ប្រោសព្រះបុត្រា	ឱ្យមានព្រះជន្មរស់ឡើងវិញ	។
៣		ព្រះគ្រីស្តមានព្រះជន្ម	រស់ឡើងវិញពិតមែនហើយ
		ព្រះអង្គជាពន្លឺ	ជាជីវិតសេចក្តីពិត
		ចូរយើងអរព្រះគុណ	ព្រះបិតាជាអម្ចាស់
		ទ្រង់ប្រោសព្រះបុត្រា	ឱ្យមានព្រះជន្មរស់ឡើងវិញ	។

២៤៦- ព្រះគ្រីស្តមានព្រះជន្មរស់ឡេីងវិញមែន

បន្ទរ	ព្រះគ្រីស្តទ្រង់មានព្រះជន្ម	រស់ឡើងវិញមែន	អាលេលូយ៉ា!	អាលេលូយ៉ា!
១	ទ្រង់បានបង្ហាញឱ្យសិលាឃើញ	អាលេលូយ៉ា	អាលេលូយ៉ា	។
២	ពេលគាត់បានឃើញព្រះអង្គរស់ឡើងវិញ	អាលេលូយ៉ា	អាលេលូយ៉ា	។
៣	ទើបគាត់មានក្តីអំណរសប្បាយ	អាលេលូយ៉ា	អាលេលូយ៉ា	។
៤	កោតសរសើរព្រះបិតា ព្រះរាជបុត្រ	ព្រះវិញ្ញាណ	អាលេលូយ៉ា	អាលេលូយ៉ា។

២៤៧- ព្រះគ្រីស្តមានព្រះជន្មរស់ឡើងវិញមែន

បន្ទរ	ព្រះយេស៊ូគ្រីស្តមានព្រះជន្មរស់	ឡើងវិញមែន អាលេលូយ៉ា	អាលេលូយ៉ា
	ដូចព្រះអង្គទ្រង់មានបន្ទូលមែន	អាលេលូយ៉ា	អាលេលូយ៉ា
១	ព្រះគ្រីស្តទ្រង់បានបង្ហាញព្រះអង្គ	ឱ្យអស់ពួកមនុស្សមើលឃើញផង
	ជាមនុស្សសាមញ្ញធម្មតាឡើង	គឺព្រះអង្គព្រះគ្រីស្តជាព្រះសង្គ្រោះ	។
២	ព្រះគ្រីស្តមានព្រះជន្មដោយព្រះវិញ្ញាណ	ដ៏វិសុទ្ធស្អាងស្អាតព្រះជាម្ចាស់
	ព្រះអង្គបង្ហាញទៀតយ៉ាងច្បាស់	ឱ្យដល់អស់ពួកទេវ ទូតផង	។
៣	ពេលនេះគេបានប្រកាសឡើង	សិរីរុងរឿងរបស់ព្រះអង្គ
	ឱ្យមនុស្សក្នុងលោកមានជំនឿ	ព្រមជឿលើព្រះអង្គ ជាព្រះវិសុទ្ធ	។
៤	គឺព្រះអម្ចាស់បានលើកព្រះអង្គ	មានសិរីផងជោគជ័យពិត
	ឱ្យមនុស្សទាំងឡាយបានមូលមិត្ត	នៅជិតព្រះអង្គ តរៀងទៅ	។

២៤៨- ព្រះអម្ចាស់ទ្រង់សោយរាជ្យ

បន្ទរ	ព្រះអម្ចាស់ទ្រង់សោយរាជ្យ	មានប្ញទ្ធិអំណាចគ្រប់ទិសទី
	ចូរយើងម្នីម្នាត្រេកអរសប្បាយ	តាំងចិត្តតាំងកាយ រីករាយទទួលព្រះជាម្ចាស់	។
១	តេជានុភាពខ្លាំងក្លាណាស់	ពពកខ្មៅដាស់ជុំវិញបល្ល័ង្ក
	អំពើយុត្តិធម៌ជាទីតាំង	អាចជួយសម្រាំងក្តីសុចរិត	។
២	ព្រះអង្គជាសេចក្តីពិត	ព្រះអង្គមានឫទ្ធិលើមនុស្សគ្រប់ប្រាណ
	គ្មានអ្នកណាមួយឈ្នះបាន	ទោះគ្រប់ទីស្ថានពុំអាចប្រៀបផ្ទឹម	។
៣	រាស្ត្រផងមានចិត្តសង្ឃឹម	រីករាយញញឹមទាំងចិត្តសោមនស្ស
	ព្រោះបានយល់សិរីយស	នៃព្រះសង្គ្រោះមានឫទ្ធិអស្ចារ្យ	។
៤	អ្នកដែលក្បត់ព្រះចិន្តា	កុហកមុសាប្រព្រឹត្តអាក្រក់
	សេពគប់អំពើលាមក	ស្មោគគ្រោកកខ្វក់វិនាសឥតស្បើយ	។
៥	អស់កូនចៅទាំងឡាយអើយ	កុំនៅកន្តើយចូរមកប្រណម្យ
	លើកហត្ថក្រាបថ្វាយបង្គំ	ដល់ព្រះឧត្តមជាព្រះសង្គ្រោះ	។
៦	ដ្បិតព្រះអម្ចាស់ខ្ពង់ខ្ពស់	មកជួយរំដោះមនុស្សលើផែនដី
	ព្រោះទ្រង់មានឫទ្ធិបារមី	អស្ចារ្យពេកក្រៃលើសជនលោកា	។
៧	ទ្រង់មានហប្ញទ័យមេត្តា	ទ្រង់ថែរក្សាអ្នកជឿសង្ឃឹម
	ទ្រង់ជួយទាំងក្តីញញឹម	ឱ្យរួចពីនឹមនៃជនឃោរឃៅ	។
៨	ព្រះអង្គគឺពិតជាផ្លូវ	ដែលនាំយើងទៅស្វែងរកក្តីសុខ
	ព្រះអង្គជួយឱ្យផុតទុក្ខ	ស្គាល់ស្ថានបរមសុខចាកក្តីស្រេកឃ្លាន	។
៩	សូមអរព្រះគុណព្រះបិតា	ទាំងព្រះបុត្រា និងព្រះវិញ្ញាណ
	ព្រះអង្គបានជួយប្រទាន	ក្តីសុខក្សេមក្សាន្តឱ្យជនលោកា	។

២៤៩- ព្រះអម្ចាស់យាងឡេីងស្ថានបរមសុខ

បន្ទរ	ព្រះអម្ចាស់យាងឡើងស្ថានបរមសុខ	អាលេលូយ៉ា!	អាលេលូយ៉ា!	អាលេលូយ៉ា!
១	ព្រះអម្ចាស់យាងឡើង	ប្រជាជនស្រែកជ័យឃោស	អាលេលូយ៉ា!	អាលេលូយ៉ា!
	ព្រះអង្គយាងឡើងទៅ ទីដ៏ខ្ពង់ខ្ពស់បំផុត	អាលេលូយ៉ា!	អាលេលូយ៉ា!	អាលេលូយ៉ា!
២	ចូរយើងនាំគ្នា	ទះដៃសម្តែងសាទរថ្វាយ	អាលេលូយ៉ា!	អាលេលូយ៉ា!
	ដ្បិតព្រះអម្ចាស់ ខ្ពង់ខ្ពស់បវរថ្លៃថ្លា	អាលេលូយ៉ា!	អាលេលូយ៉ា!	អាលេលូយ៉ា!
៣	ចូរយើងជួបជុំ	ប្រគុំថ្វាយភ្លេងជាតង្វាយ	អាលេលូយ៉ា!	អាលេលូយ៉ា!
	ចូរនាំគ្នាច្រៀងស្រែក	ថ្វាយអំណរថ្វាយជ័យឃោស	អាលេលូយ៉ា!	អាលេលូយ៉ា!ៗ

២៥០- រ៉ូម ៦

យើងទាំងអស់ ដែលបានទទួល ទទួលពិធី ពិធីជ្រមុជទឹក
យើងបានរួមស្លាប់ យើងបានរួមរស់ ជាមួយព្រះ ព្រះយេស៊ូ
ព្រះយេស៊ូដែលសោយទិវង្គត និងមានព្រះជន្មថ្មី ដ៏រុងរឿង
ធ្វើឱ្យយើង រស់នៅតាម របៀបថ្មី ដែលមកពី ព្រះជាម្ចាស់។

២៥១- សូមទៅប្រាប់បងប្អូនខ្ញុំឱ្យទៅស្រុកកាលីឡេ

សូមទៅប្រាប់បងប្អូន ខ្ញុំឱ្យទៅស្រុកកាលីឡេ ទៅស្រុកាលីឡេ
ទៅស្រុកាលីឡេ ទៅស្រុកាលីឡេ ទៅស្រុកាលីឡេ គេនឹងឃើញខ្ញុំ
គេនឹងឃើញខ្ញុំ គេនឹងឃើញខ្ញុំនៅជាមួយ។

២៥២- ឱ ! អ្នកស្រុកកាលីឡអើយ !

១	អុ៎ះឱ !	អ្នកស្រុកកាលីឡេអើយ	ហេតុអ្វីឡើយ	នៅឈរសម្លឹងមើលមេឃ
	ដ្បិតព្រះយេស៊ូ	ព្រះជាម្ចាស់បានលើក	ពីកណ្តាលអ្នករាល់គ្នា	ឡើងស្ថានបរមសុខ។
២	ព្រះអង្គ	នឹងយាងត្រឡប់មកវិញ	តាមរបៀប	ដែលអ្នករាល់គ្នាបានឃើញ
	ព្រះអង្គយាង	ឡើងស្ថានបរមសុខដែរ	ទៅគង់ខាងស្តាំ	ព្រះបិតាហើយ។
៣	ចូរចេញ	ទៅផ្សព្វផ្សាយដំណឹងល្អ	ដល់មនុស្ស	គ្រប់រូបនូវការស្រឡាញ់
	របស់ព្រះ	ជាម្ចាស់នឹងការសង្គ្រោះ	របស់ព្រះអង្គ	តាមរយៈព្រះយេស៊ូ។
៤	ចូរចេញ	ទៅធ្វើសាក្សីឱ្យមនុស្ស	ជឿទុកចិត្តនិង	សង្ឃឹមលើព្រះអង្គ
	ចូរមានចិត្ត	ក្លាហានកុំខ្លាចអ្វីឡើយ	ទ្រង់គង់ជាមួយ	អ្នករាល់គ្នាហើយ។

២៥៣- ទំនុកតម្កេីងអង្វរព្រះវិញ្ញាណ
_{ដកស្រង់ទំនុកតម្កើងអង្វរព្រះវិញ្ញាណ}
^{_{(បទពាក្យ ៧)}}

១	ឱ ! ព្រះវិញ្ញាណព្រះបវរ	សូមយាងកុះករក្នុងដួងចិត្ត
	សូមចាត់ពន្លឺរស្មីពិត	ឱ្យមកតាំងស្ថិតលើអស់យើង	។
២	ព្រះអង្គជាបិតាអ្នកកម្សត់	ក្រីក្រទុរគតបិតាថ្កើង
	យាងមកប្រទានកុំបីឆ្មើង	អំណោយក្រាស់ស្តើងកូនទទួល	។
៣	សូមយាងមកបំភ្លឺគំនិត	បំភ្លឺដួងចិត្តកុំឱ្យជ្រួល
	ទប់ឱ្យនឹងនមិនរំជួល	រស់នៅសុខស្រួលក្នុងអំណោយ	។
៤	ព្រះអង្គលួងលោមដួងចិត្តខ្ញុំ	ទ្រង់គង់សម្ងំមិនមែនខ្សោយ
	ព្រះអង្គជាម្លប់ពីមុខក្រោយ	ត្រជាក់ត្រជុំពេលខ្ញុំហត់	។
៥	ព្រះអង្គប្រទានឱ្យសម្រាក	កុំឱ្យលំបាកហួសកំណត់
	ក្តៅហួតក្តៅហែងហេវកម្សត់	ព្រះអង្គជាផ្លិតបក់ត្រជាក់	។
៦	កាលណាយើងខ្ញុំកើតទុក្ខព្រួយ	ព្រះអង្គលើកស្ទួយមិនស្ទើរស្ទាក់
	ទឹកចិត្តខ្ញុំឡើងខ្ពស់ប្រត្យក្ស	ឥតបីមានញាក់ស្លុតរន្ធត់	។
៧	ឱ ! ពន្លឺភ្លឺចែងត្រចះ	ត្រចង់ឥតខ្វះមិនរលត់
	យាងមកបំភ្លឺ និងបំពត់	អ្នកជឿសង្ឃឹមលើព្រះអង្គ	។
៨	កុំតែព្រះអង្គយាងមកប្រោស	យាងមកសន្តោសគ្មានបង្អង់
	កុំអីមនុស្សលោកគ្មានផ្លូវត្រង់	គ្មានចិត្តគ្មានចង់ធ្វើអ្វីឡើយ	។
៩	កិច្ចការទាំងអស់ដែលគេធ្វើ	ជំពាក់បាបស្ទើរពុំដែលស្បើយ
	សូមទ្រង់យាងមកលាងឱ្យហើយ	អ្វីៗកខ្វក់ចេញឱ្យអស់	។
១០	សូមទ្រង់ស្រោចលើចិត្តហែងហួត	កុំឱ្យក្រៀមស្ងួតសោះកក្រោះ
	និងចិត្តដែលមានស្នាមរបួស	ឱ្យមានសម្រស់ស្រស់បំព្រង	។
១១	សូមបន្ទន់ចិត្តកាយវាចា	កុំឱ្យឫស្យាមានសៅហ្មង
	សូមប្រទានតាមព្រះបំណង	ហប្ញទ័យថ្លាយង់កុំខានណា	។
១២	សូមតម្រង់ចិត្តកោងវេរវៀច	ចិត្តខូចកាចកៀបដោយហឹង្សា
	ខន្តីអំណត់តាមមាគ៌ា	តាមក្តីប្រាថ្នាហប្ញទ័យត្រង់	។
១៣	សូមទ្រង់ប្រទានអំណោយសព្វ	ឱ្យមានភពភ័ព្វបែបទំនង
	ដល់អ្នកជឿផងតាមបំណង	ចិត្តជឿលើទ្រង់ជាអម្ចាស់	។
១៤	សូមទ្រង់ប្រទានព្រះពរជ័យ	ឱ្យមានសិរីក្រែលក្រៃក្រាស់
	អំណរសប្បាយមានដេរដាស	រហូតដល់អស់កល្បទៅហោង	។

២៥៤- ភ្លេីង ! នៃក្តីស្រឡាញ់

	ភ្លើង! ភ្លើង! ភ្លើង! នៃក្តីស្រឡាញ់ មកសណ្ឋិតលើពួកយើង ឱ្យពួកយើង ពោរពេញទៅដោយ ព្រះវិញ្ញាណដ៏វិសុទ្ធ ។
បន្ទរ	ឱ ! ព្រះយេស៊ូគ្រីស្តអើយ ! ប្រទានភ្លើងឱ្យយើង
	ឱ! ព្រះយេស៊ូគ្រីស្តអើយ ! ប្រទានភ្លើងក្នុងចិត្តយើង ។

២៥៥- លូកា ៤,១៨-១៩

“ព្រះវិញ្ញាណរបស់ព្រះអម្ចាស់	សណ្ឋិតលើខ្ញុំ	ព្រះអង្គចាក់ប្រេងអភិសេកខ្ញុំ
ឱ្យនាំដំណឹងល្អ	ទៅប្រាប់ជនក្រីក្រ	ព្រះអង្គចាត់ខ្ញុំឱ្យមកប្រកាស
ប្រាប់ជនជាប់ជាឈ្លើយ	ថាគេនឹងមានសេរីភាព	ហើយប្រាប់មនុស្សខ្វាក់ថា
គេនឹងមើលឃើញវិញ	គេនឹងមើលឃើញវិញ	ព្រះអង្គចាត់ខ្ញុំឱ្យមករំដោះ
អស់អ្នកដែល	ត្រូវគេសង្កត់សង្កិន	ព្រមទាំងប្រកាសអំពីឆ្នាំ
ដែលព្រះអម្ចាស់	សម្តែងព្រះហប្ញទ័យ	មេត្តាករុណា”។

២៥៦-សូមព្រះវិញ្ញាណយាងមក
_{(សម្រាប់បុណ្យព្រះវិញ្ញាណយាងមក)}

ស	សូមយាងមក	ឱ!ព្រះវិញ្ញាណនៃព្រះជាម្ចាស់
ប	យាត្រាមក	គង់សណ្ឋិតក្នុងដួងចិត្ដយើងខ្ញុំរាល់គ្នា
ស	ហើយសូមទ្រង់ប្រទានបំពេញ	អំណោយទានឧត្ដម
	ក្នុងចិត្ដអស់អ្នកដែលព្រះអង្គទ្រង់	បានបង្កើតមក
១-ប	គេហៅទ្រង់ជាអ្នកជូនយោបល់	ស- ប្រាជ្ញាថ្លៃថ្លា
	ទ្រង់បានប្រទានអំណោយទាន	នៃស្ថានបរមសុខ
	ជាជ្រោះឱ្យរស់	ដែលហូរពុំស្ងួតហែង
	ហើយជាភ្លើងនាំឱ្យយើងចេះ	រួម៖ ឈឺឆ្អាលស្រឡាញ់គេផង។
បន្ទរ–ស	ព្រះអង្គជាវិញ្ញាណផ្ដល់អំណោយទាន	ប- ទាំងប្រាំពីរ
	ជាសេចក្ដីសន្យាស្នេហា	ចំពោះជនទាំងឡាយ
រួម៖	ព្រះអង្គអាចនឹងបណ្ដាលមាត់យើង	ខ្ញុំនូវវាចា
	ឱ្យបានប្រកបដោយអំណោយទាន	ដ៏បរិបូណ៍។
២-ប	ព្រះអង្គជាបិតាអ្នកកម្សត់	ស-ក្រីក្រទុរគត
	យាងមកប្រទានកុំបីឆ្មើង	ឱ្យមាំមួនឡើងមានកម្លាំង
	សូមយាងមកបំភ្លឺ	ចិត្ដគំនិតកុំឱ្យជ្រួល
	ទប់ឱ្យនឹងនរមិនរំជួល	រួម៖ រស់នៅសុខស្រួលក្នុងអំណោយ
៣-ប	គេហៅទ្រង់ពន្លឺភ្លឺត្រចះ	ស- ត្រចង់ឥតខ្វះ
	យាងមកបំភ្លឺនិងបំពត់	អ្នកជឿសង្ឃឹមលើព្រះអង្គ
	កុំតែព្រះអង្គយាងមកប្រោស	យាងមកប្រោសគ្មានបង្អង់
	កុំអីមនុស្សលោកគ្មានផ្លូវត្រង់	រួម៖ គ្មានចិត្ដចង់ធ្វើអ្វីឡើយ។

២៥៧- សូមព្រះវិញ្ញាណយាងមក

បន្ទរ		សូមព្រះវិញ្ញាណយាងមក	យាងមកក្នុងដួងចិត្ត
		ហើយគង់សណ្ឋិត	លើដួងចិត្តរបស់យើងខ្ញុំ
១	សូមយាងមកបំភ្លឺ	ពន្លឺក្នុងជីវិត	ឱ្យយើងកែប្រែចិត្ត	ជិតស្និទ្ធជាមួយព្រះអង្គ។
២	កិច្ចការដែលយើងធ្វើ	បំភ្លឺនឹងធម៌មេត្តា	ដែលមកពីព្រះបិតា	និងព្រះបុត្រា ទាំងព្រះវិញ្ញាណ។

២៥៨- ឱ! ព្រះបិតាប្រកបដោយឫទ្ធានុភាព

ឱ! ព្រះបិតាប្រកបដោយឫទ្ធានុភាព
សូមទ្រង់ព្រះមេត្តាចាក់បង្ហូរព្រះវិញ្ញាណដ៏វិសុទ្ធលើយើងខ្ញុំ ដ៏វិសុទ្ធលើយើងខ្ញុំ
គឺព្រះវិញ្ញាណដែលផ្តល់ឱ្យ ចេះរិះគិតពិចារណា និងដឹងខុសត្រូវ
ឱ្យមានប្រាជ្ញាឈ្លាសវៃៗ ឱ្យយោបល់ល្អ និងចិត្តអង់អាចឱ្យស្គាល់សេចក្តីពិត
និងស្រឡាញ់ព្រះអង្គកាន់តែខ្លាំងឡើង ខ្លាំងឡើង កាន់តែខ្លាំងឡើង ខ្លាំងឡើង។

២៥៩- កោតសរសេីរព្រះអម្ចាស់

កោតសរសើរព្រះអម្ចាស់ កោតសរសើរព្រះនាមព្រះអង្គ
កោតសរសើរព្រះអម្ចាស់ ព្រះអង្គគឺជាជីវិត ។

២៦០- កោតសរសេីរព្រះអម្ចាស់

បន្ទរ	កោតសរសើរព្រះអម្ចាស់	កោតសរសើរព្រះអម្ចាស់
	ប្រជាជាតិទាំងឡាយ	អាលេលូយ៉ា។ (២ដង)
១	អស់ប្រជាជាតិ សរសើរព្រះម្ចាស់ តម្កើងសិរីរុងរឿងព្រះអង្គ	អាលេលូយ៉ា
	ទ្រង់មានក្តីស្រឡាញ់មេត្តា ព្រះម្ចាស់គ្មានចិត្តវៀចវេរឡើយ	អាលេលូយ៉ា	។
២	អាលេលូយ៉ា អាលេលូយ៉ា សូមឱ្យគ្រប់ជីវិតក្នុងលោកសរសើរព្រះម្ចាស់។	(២ដង)
	អាលេលូយ៉ា អាលេលូយ៉ា សូមឱ្យគ្រប់ជីវិតក្នុងលោក សរសើរព្រះម្ចាស់		។
៣	មនុស្សលោកច្រៀងថ្វាយព្រះអង្គដោយអំណរ អាលេលូយ៉ា អាលេលូយ៉ា
	ចូរមនុស្សជាតិក្រាបថ្វាយទ្រង់ដោយសប្បាយរីករាយ អាលេលូយ៉ា	អាលេលូយ៉ា	។
៤	ទ្រង់មានព្រះហឫទ័យមេត្តាករុណាជានិច្ច អាលេលូយ៉ា អាលេលូយ៉ា
	ទ្រង់ស្មោះស័គ្រអស់កល្បជាអង្វែងតរៀងទៅ អាលេលូយ៉ា	អាលេលូយ៉ា	។

២៦១- កុំឱ្យរន្ធត់ចិត្ត

កុំឱ្យរន្ធត់ចិត្ត កុំឱ្យយើងភ័យខ្លាច ព្រោះយើងមានព្រះអម្ចាស់
គង់នៅជាមួយយើង កុំឱ្យរន្ធត់ចិត្ត កុំឱ្យយើងភ័យខ្លាច
មានព្រះអម្ចាស់បានហើយ។

២៦២- ក្នុងព្រះគ្រីស្ត

១	ព្រះអម្ចាស់ជាកម្លាំងរបស់ខ្ញុំ ក្នុងព្រះគ្រីស្ត ខ្ញុំនឹងរីករាយ
	មានព្រះអង្គ ខ្ញុំមិនខ្លាចអ្វីទេ ចូរផ្ញើជីវិត ព្រះអម្ចាស់នៅជិត	(២ដង)។
២	ក្នុងព្រះគ្រីស្តយើងខ្ញុំសូមអរព្រះគុណ ក្នុងព្រះគ្រីស្ត យើងនឹងរីករាយ
	មានព្រះអង្គ យើងមិនខ្លាចអ្វីទេ បន្លឺសម្លេងឡើង ព្រះអង្គនៅជិត	(២ដង)។

២៦៣- ខ្ញុំសូមប្រគល់វិញ្ញាណរបស់ខ្ញុំ

ខ្ញុំសូមប្រគល់វិញ្ញាណ ខ្ញុំទៅក្នុងព្រះហស្ត ព្រះបិតាវិញ
ខ្ញុំសូមប្រគល់វិញ្ញាណ ខ្ញុំទៅក្នុងព្រះហស្តព្រះបិតាវិញ។ (២ដង)

២៦៤- ចូរយេីងច្រៀងថ្វាយព្រះជាម្ចាស់

អូ អូ អូ អូ ចូរយើងច្រៀងថ្វាយព្រះម្ចាស់ អូ អូ អូ អូ ចូរយើងច្រៀងថ្វាយព្រះម្ចាស់
អូ អូ អូ អូ ចូរយើងច្រៀងថ្វាយព្រះម្ចាស់ ចូរយើងច្រៀងថ្វាយព្រះម្ចាស់។

២៦៥- ទីណាមានមេត្តា

ទីណាមានមេត្តា និងក្តីស្រឡាញ់ ! ទីណាមានមេត្តា ព្រះអម្ចាស់គង់ជាមួយយើង។

២៦៦- ព្រះយេស៊ូគ្រីស្ត

ព្រះយេស៊ូគ្រីស្ត ពន្លឺរបស់ព្រះម្ចាស់ គង់ជាមួយយើង កុំឱ្យចិត្តយើងងងឹតឡើយ!
ព្រះយេស៊ូគ្រីស្ត ពន្លឺរបស់ព្រះម្ចាស់ គង់ជាមួយយើង សូមឱ្យយើងចេះស្រឡាញ់។

២៦៧- ព្រះគ្រីស្តរស់ឡេីងវិញ

អូ…ព្រះគ្រីស្តរស់ឡើងវិញ អាលេលូយ៉ា
អូ…កោតសរសើរព្រះអម្ចាស់ អាលេលូយ៉ា។

២៦៨- ព្រះយេស៊ូសូមកុំភ្លេចខ្ញុំ

ព្រះយេស៊ូ ! សូមកុំភ្លេចខ្ញុំ ! ពេលព្រះអង្គយាងមកគ្រងរាជ្យ (២ដង)។

២៦៩- មកតាមខ្ញុំហេីយនៅជាមួយខ្ញុំ (១)

មកតាមខ្ញុំ ហើយនៅជាមួយខ្ញុំ ចូរប្រុងស្មារតី ហើយអធិដ្ឋាន។

២៧០- មកតាមខ្ញុំហេីយស្នាក់នៅជាមួយខ្ញុំ (២)

មកតាមខ្ញុំ ហើយស្នាក់នៅជាមួយខ្ញុំ
ចូរប្រុងស្មារតី ហើយអធិដ្ឋាន(២ដង)។

២៧១- យេីងទុកចិត្តលេីព្រះជាអម្ចាស់

យើងទុកចិត្តលើព្រះជាអម្ចាស់ ព្រោះព្រះអង្គល្អណាស់
យើងទុកចិត្តលើព្រះជាអម្ចាស់ អាលេលូយ៉ា ! ។

២៧២- យើងសូមអរព្រះគុណ

យើងសូមអរព្រះគុណ	ព្រះបិតាដែលស្រឡាញ់យើង
ប្រទានព្រះបុត្រាមកឱ្យយើង	ស្គាល់នូវធម៌មេត្តា
យើងត្រូវចេះស្រឡាញ់គ្ន្នា	ព្រោះយើងជាបងប្អូន
យើងមានអង្គព្រះបិតាតែមួយ	របស់មនុស្សទាំងឡាយ ។

២៧៣- ល្អណាស់ពេលយេីងទុកចិត្ត

ល្អណាស់ពេលយើងទុកចិត្តទៅលើព្រះអម្ចាស់
ល្អណាស់ពេលយើងសង្ឃឹមទៅលើព្រះអង្គ ។

២៧៤- សូមព្រះអង្គគង់នៅជាមួយយេីង

សូមព្រះអង្គគង់នៅជាមួយយើង ព្រះយេស៊ូគ្រីស្ត ដ្បិតថ្ងៃកាន់តែទាប
ហើយជិតយប់ផង សូមគង់ជាមួយយើង។

២៧៥- សូមព្រះអង្គគង់នៅជាមួយយេីង

សូមព្រះអង្គគង់នៅជាមួយយើង ព្រះយេស៊ូគ្រីស្ត សូមគង់នៅជាមួយ
ដ្បិតថ្ងៃកាន់តែទាប ហើយជិតយប់ផង សូមស្នាក់នៅជាមួយយើង
សូមស្នាក់នៅជាមួយយើង។

២៧៦- អស់ពីដួងចិត្ត

អស់ពីដួងចិត្ត! អស់ពីដួងចិត្ត! អស់ពីដួងចិត្ត កោតសរសើរព្រះជាអម្ចាស់ !
អស់ពីដួងចិត្ត! អស់ពីដួងចិត្ត! អស់ពីដួងចិត្ត កោតសរសើរព្រះម្ចាស់ ។

២៧៧- ឱ ! ព្រះវិញ្ញាណសូមយាងមក

ឱ ! ព្រះវិញ្ញាណសូមយាងមក ឱ្យយើងពោរពេញ ដោយភ្លើងនៃក្តីស្រឡាញ់!
ឱ ! ព្រះវិញ្ញាណសូមយាងមក ឱ ! ព្រះវិញ្ញាណសូមយាងមក។

២៧៨- ច្រៀងថ្វាយព្រះជាម្ចាស់ ថ្ងៃចូលឆ្នាំថ្មី

បន្ទរ	អបអរសាទរ	ថ្ងៃចូលឆ្នាំថ្មី	យើងខ្ញុំប្រុសស្រី	បង្គំព្រះអម្ចាស់	។
១	សូមកោតសរសើរ	ព្រះម្ចាស់ថ្លាថ្លៃ	ពេញដោយហឫទ័យ	សន្តោសមេត្តា	(២ដង)
	ព្រះម្ចាស់បានថែ	រក្សាថ្នមថ្នាក់	ទឹកចិត្តល្អល្អះ	សប្បាយកន្លង	។
២	យើងទាំងអស់គ្នា	សូមអរព្រះគុណ	ដល់ព្រះម្ចាស់ថ្លៃ	មួយឆ្នាំកន្លង
	សូមព្រះបិតា	ប្រទានព្រះពរ	អំណរសប្បាយ	នៅក្នុងឆ្នាំថ្មី	។
៣	ឱ្យមានប្រាជ្ញា	កម្លាំងមាំមួន	ចិត្តមេត្តាធម៌	ដូចព្រះជាម្ចាស់
	កសាងព្រះសហគមន៍	ឱ្យបានលូតលាស់	រីកចម្រើនឡើង	ក្តីសុខសាន្តអើយ	។

២៧៩- ត្រេកអរថ្ងៃចូលឆ្នាំថ្មី

១	ត្រេកអរត្រេកអរ	ត្រេកអរថ្ងៃចូលឆ្នាំថ្មី	កូនទាំងប្រុសស្រី	រួបរួមទាំងអស់គ្នា
	សូមព្រះជាម្ចាស់	ប្រទានពរថ្លៃថ្លា	ដល់លោកអភិបាល	និងលោកឪពុកសម្លាញ់	។
២	ព្រះពរអាយុ	វណ្ណៈសុខៈពលៈ	កូនជឿសង្ឃឹមជាក់	ថាបានដូចបំណង
	សូមព្រះជាម្ចាស់	ជាព្រះត្រៃឯក	សូមជួយទ្រទ្រង់	រក្សាឪពុកសម្លាញ់	។

២៨០- ព្រះជាម្ចាស់ប្រទានពរឆ្នាំថ្មី

បន្ទរ	សូមព្រះជាម្ចាស់ប្រទានពរឆ្នាំថ្មី	សូមព្រះអង្គប្រទានកម្លាំងឱ្យយើងខ្ញុំ
	កសាងព្រះសហគមន៍	ជារៀងរាល់ថ្ងៃ	។
១	សូមអរព្រះគុណព្រះអង្គដែលបាន	ប្រទានអាយុឱ្យយើងខ្ញុំពេញមួយឆ្នាំ	។
២	សូមទ្រង់ប្រទានពរឱ្យបងប្អូន	ជិតឆ្ងាយដែលស្វះស្វែងរកព្រះជាម្ចាស់	។

២៨១- ជូនពរគូស្វាមីភរិយា

១	ព្រះជាម្ចាស់ស្រឡាញ់យើង ព្រោះយើងជាបុត្រធីតាព្រះជាម្ចាស់
	ទ្រង់ស្រឡាញ់ និងថែរក្សាឱ្យយើង ឱ្យយើងមានសេចក្តីសុខសាន្ត។
២	សូមព្រះអម្ចាស់ទ្រង់ប្រទានពរដល់គូស្វាមីភរិយា ស្រឡាញ់គ្នាស្មោះត្រង់
	អស់មួយជីវិត ចេះរិះគិត បង្ហាញក្តីស្រឡាញ់។
	ដោយមានព្រះអម្ចាស់គង់ជាមួយ ព្រះអង្គជួយបង្ហាញក្តីស្រឡាញ់
	សូមព្រះជាអម្ចាស់ទ្រង់ប្រទានពរ ឱ្យសម្បូរសប្បាយមានសុភមង្គល។
	(ច្រៀងវគ្គ២ម្តងទៀត)

២៨២- ព្រះជាម្ចាស់ប្រទានពរជ័យមង្គល

បន្ទរ	ថ្ងៃនេះ ជាថ្ងៃដែលព្រះម្ចាស់	ប្រទានពរជ័យឱ្យមានដល់
	គូស្វាមី ភរិយាថ្មី	រួមរស់និងគ្នា អនាគត ជីវិតមានគូ
	រួមសុខទុក្ខ ក្នុងក្តីស្រឡាញ់	និងជ្រកក្រោម ម្លប់បារមីព្រះជាម្ចាស់។
១	ស្នេហ៍ស្មោះស្ម័គ្រដោយចិត្តថ្លើមតែមួយ	ស្រឡាញ់អស់សង្ខារមិនកែប្រែ
	បងពិតជាស្មោះ អូនពិតជាស្ម័គ្រ	ថ្វាយព្រះបិតា
	សូមក្តីស្រឡាញ់នៃព្រះជាម្ចាស់	ផ្តល់អំណោយទានដល់គូរៀបការ
	ចម្រើនផល្លា ពរជ័យសិរី	មង្គលថ្លៃថ្លា។
២	ទោះថ្ងៃក្រោយមានទុក្ខលំបាកអ្វី	ចិត្តភក្តីមិនភ្លេចពាក្យសន្យា
	រួមចិត្តគំនិតចែករំលែកទុក្ខ	ស្មោះត្រង់នឹងគ្នា មានចិត្តធម៌មេត្តាករុណា
	រឹតចំណងមេត្រីក្នុងព្រះគុណ	សុភមង្គលអស់មួយជីវិត ក្នុងព្រះបិតា ។

២៨៣- សច្ចាអាពាហ៍ពិពាហ៍

បន្ទរ	យើងខ្ញុំសច្ចា	យើងខ្ញុំសន្មត់	ជាប្រាកដស្ម័គ្ររួមរស់	ស្មោះនឹងគ្នា
	សូមសច្ចា	ស្ម័គ្ររួមរស់	ស្មោះរួមគ្នា	។
១	យើងខ្ញុំបាន	ព្រមទទួលអគ្គសញ្ញា	មានឈ្មោះថា	ជាបុណ្យអាពាហ៍ពិពាហ៍
	ជាចំណង	ចងយើងខ្ញុំពីរអង្គា	ស្ម័គ្ររួមគ្នាលើកដៃទ្រាប	ចុះសន្យា។
២	សូមព្រះម្ចាស់	ប្រទានពរជ័យបវរ	កើតមានដល់	គូស្វាមីភរិយា
	ចេះរួបរួម	អប់រំកូនតាមព្រះបន្ទូល	ព្រះអង្គគ្រប់ទីស្ថានដែល	យើងរស់នៅ។

២៨៤- ស្វាមីត្រូវស្រឡាញ់ភរិយា

ស្វាមីត្រូវស្រឡាញ់ភរិយា
ដូចព្រះគ្រីស្តបានស្រឡាញ់ ព្រះសហគមន៍ដែរ (២ដង)។

1,416 Views

Post Views: 1,788

មាតិកាបទចម្រៀង

កោតសរសើរព្រះនាងម៉ារី

១៦២- កោតសរ​សេីរ

១៦៣- ក្ស​ត្រីបវរ​​លើលោកា

១៦៤- ក្ស​ត្រីវរមាតា

១៦៥- ក្ស​ត្រីវិមានសុខ

១៦៦- ច​ម្រៀង​កោតសរ​សេីរព្រះនាងម៉ារី

១៦៧- ច្រៀងអាលេលូយ៉ា

១៦៨- តារាសមុទ្រ

១៦៩- ទំនុកត​ម្កេីងរបស់នាងម៉ារី(បទព្រហ្មគីតិ)

១៧០- ទំនុកត​ម្កេីងរបស់​ព្រះនាងម៉ារី ១

១៧១- ទំនុកត​ម្កេីងរបស់​ព្រះនាងម៉ារី ២

១៧២-នាដែន​លោកីយ៍

១៧៣- នេះជាថ្ងៃ​ដែលព្រះជាម្ចាស់បានប​ង្កេីតមក“បុណព្រះជាម្ចាស់លើកនាងម៉ារីឡើងស្ថានបរមសុខ”ទំនុកថ្មី

១៧៤- បពិ​ត្រ​ព្រះនាងម៉ារី

១៧៥- ព្រះនាងជាកិត្តិយសរបស់​យេីងខ្ញុំ

១៧៦- ព្រះនាងម៉ារីជា​​​​​​​​​មាតា

១៧៧- ព្រះនាងមិនជំពាក់បាប(លំនាំបទ តារាសមុទ្រ)

១៧៨- មាតាជាទីពំនឹង

១៧៩- មាតាព្រះស​ង្គ្រោះ

១៨០- យេីងខ្ញុំសូម​ជ្រក​កោន​ក្រោមម្លប់​ព្រះនាង

១៨១- យេីងខ្ញុំឱន​ក្រាប​ប្រណម្យមាតា

១៨២- យេីងសូម​កោតសរ​សេីរព្រះនាងម៉ារី

១៨៣- សូម​ក្រាបសំពះស​ម្តេចក្ស​ត្រីម៉ារី

១៨៤- អរព្រះគុណ​ព្រះ​យេស៊ូគ្រីស្ត