ក្បួនពិធីអភិបូជា
The Order of Mass

ពិធីប្រារព្ធ

បទ​ដើមដំបូង

• គ្រីស្តបរិស័ទដែលជាអ្នកចាត់ចែងក្នុងពិធី ត្រូវជ្រើសរើសយក បទចម្រៀងឱ្យស្របទៅតាមអត្ថន័យនៃពិធីបុណ្យថ្ងៃនោះ។
  ការច្រៀងជាមួយគ្នា នាំឱ្យគ្រីស្តបរិស័ទប្រមូលអារម្មណ៍ និងរួមគ្នាឱ្យមានចិត្តថ្លើមតែមួយ។

​គោរព​ព្រះសហគមន៍ជាព្រះកាយ​ព្រះគ្រីស្ត

• ដើម្បីសម្រួល យើងសរសេរអក្សរកាត់ដូចតទៅ៖
  ប. = បូជាចារ្យ
  គ្រ. = គ្រីស្តបរិស័ទ ឬអង្គប្រជុំ
  
  ប. ក្នុងព្រះនាមព្រះបិតា និងព្រះបុត្រា † និងព្រះវិញ្ញាណដ៏វិសុទ្ធ។
  គ្រ. អាម៉ែន។
  
  បន្ទាប់មក បូជាចារ្យគោរពព្រះសហគមន៍
  ដោយរើសរបៀបមួយ ក្នុងរបៀបទាំងបីខាងក្រោមនេះ។

ពិធីសូមទទួលសារភាព

ពិធីបាចទឹក

រដូវធម្មតាប្រចាំឆ្នាំ

រដូវបុណ្យចម្លង
^{(អគ ៤៧,១)}

ធម៌​លេីកត​ម្កេីងសិរីរុង​រឿងរបស់​ព្រះជាម្ចាស់

សូមលើកត​ម្កេីងសិរីរុងរឿងរបស់ព្រះជាម្ចាស់ នៅស្ថានដ៏ខ្ពង់ខ្ពស់បំផុត
ហើយសូមឱ្យមនុស្សលោកដ៏ជាទីស្រឡាញ់របស់ព្រះអង្គ
បានសេចក្តីសុខសាន្តនៅលើផែនដី។
យើងខ្ញុំសូមកោតសរសើរព្រះអង្គ លើកត​ម្កេីងព្រះអង្គ
ក្រាបប្រណិប័តន៍ព្រះអង្គ លើកត​ម្កេីងសិរីរុងរឿងព្រះអង្គ
អរព្រះគុណព្រះអង្គ ដែលប្រកបដោយសិរីរុងរឿងដ៏ធំទូលំទូលាយ។
ឱ ព្រះជាអម្ចាស់ជាស្ដេចស្ថានបរមសុខ ហើយជាព្រះបិតា ដ៏មានឫទ្ធានុភាពសព្វប្រការ
ឱ ព្រះយេស៊ូគ្រីស្តជាអម្ចាស់ ជាព្រះបុត្រាតែមួយ !
ឱ ព្រះជាអម្ចាស់ ជាកូនចៀមរបស់ព្រះជាម្ចាស់ ជាព្រះបុត្រានៃព្រះបិតា!
ព្រះអង្គដែលដកបាបនៃពិភពលោក សូមអាណិតអាសូរយើងខ្ញុំ !
ព្រះអង្គដែលដកបាបនៃពិភពលោក សូមទទួលពាក្យអង្វរយើងខ្ញុំ !
ព្រះអង្គដែលគង់ខាងស្តាំព្រះបិតា សូមអាណិតអាសូរយើងខ្ញុំ !
ឱ ព្រះយេស៊ូគ្រីស្តអើយ !
មានតែព្រះអង្គទេ ជាព្រះដ៏វិសុទ្ធ ជាព្រះអម្ចាស់ ហើយជាព្រះដ៏ឧត្តមបំផុត
ព្រះអង្គរួមជាមួយនឹងព្រះវិញ្ញាណដ៏វិសុទ្ធ ក្នុងសិរីរុងរឿងនៃព្រះបិតា។
អាម៉ែន។

ពិធីលើកតម្កើងព្រះបន្ទូល

ធម៌ជឿមហាសន្និបាតក្រុងនីសេ|កុងស្តង់ទីណូប

ធម៌ជឿរបស់ក្រុមគ្រីស្តទូត

ខ្ញុំជឿលើព្រះជាម្ចាស់ ជាព្រះបិតាដ៏មានឫទ្ធានុភាពសព្វប្រការ
ជាព្រះបង្កើតមេឃ និងដី។
ខ្ញុំជឿលើព្រះយេស៊ូគ្រីស្ត ជាព្រះបុត្រាតែមួយនៃព្រះបិតា
ហើយជាព្រះអម្ចាស់យើងខ្ញុំ។
(អង្គប្រជុំឱនកាយបន្តិចរហូតដល់ “ព្រះនាងព្រហ្មចារិនីម៉ារី”)
ព្រះអង្គមានកំណើតជាមនុស្ស ដោយសារព្រះវិញ្ញាណដ៏វិសុទ្ធ
ហើយទ្រង់បានប្រសូតពីព្រះនាងព្រហ្មចារិនីម៉ារី
ព្រះអង្គបានសោយទុក្ខលំបាកនៅជំនាន់លោកប៉ុនពីឡាត។
ព្រះអង្គត្រូវគេឆ្កាង សោយទិវង្គត
ហើយព្រះសពព្រះអង្គ ត្រូវគេបញ្ចុះក្នុងរូងថ្មមួយ។
ព្រះអង្គបានយាងចុះទៅស្ថានក្រោម
លុះដល់ថ្ងៃទីបី ព្រះអង្គមានព្រះជន្មរស់ឡើងវិញ
ពីចំណោមមនុស្សស្លាប់
ព្រះអង្គបានយាងឡើងស្ថានបរមសុខ
ទៅគង់ខាងស្តាំព្រះជាម្ចាស់ជាព្រះបិតា
ដ៏មានឫទ្ធានុភាពសព្វប្រការ។
ព្រះអង្គនឹងយាងមកវិញ
ដើម្បីវិនិច្ឆ័យមនុស្សទាំងរស់ ទាំងស្លាប់។
ខ្ញុំជឿលើព្រះវិញ្ញាណដ៏វិសុទ្ធ
ខ្ញុំជឿលើព្រះសហគមន៍កាតូលិកដ៏វិសុទ្ធ
និងសហភាពរវាងជនដ៏វិសុទ្ធទាំងឡាយ។
ខ្ញុំជឿថា មានការលើកលែងទោសមនុស្សឱ្យរួចពីបាប
ហើយរូបកាយមនុស្សនឹងរស់ឡើងវិញ
ព្រមទាំងមានជីវិតរស់នៅអស់កល្បជានិច្ចផង។
អាម៉ែន។

ក្រោយមក មានពាក្យអង្វរសកលរបស់គ្រីស្តបរិស័ទ។

បន្ទរពាក្យអង្វរសកល