ថ្ងៃអង្គារ ទី២៣ ខែមេសា ឆ្នាំ២០២៤

ពាក្យអធិដ្ឋានពេលចូល

បពិត្រព្រះអម្ចាស់ជាព្រះបិតាប្រកបដោយធម៌មេត្តាករុណាយ៉ាងក្រៃលែង! ព្រះអង្គសព្វព្រះហឫទ័យ​ឱ្យ​ព្រះ​សហគមន៍លូតលាស់ឡើងជាលំដាប់ ដោយសារតែឫទ្ធានុភាពរបស់ព្រះអង្គ។ សូមទ្រង់ព្រះមេត្តា​ប្រោស​ប្រទាន​ឱ្យ​អស់​​អ្នកដែលមានឈ្មោះជាគ្រីស្តបរិស័ទ យកចិត្តទុកដាក់រស់តាមរបៀបសមរម្យនឹងឋានៈរបស់ខ្លួនផង។

សូមថ្លែងព្រះគម្ពីរកិច្ចការរបស់គ្រីស្តទូត កក ១១,១៩-២៦

ក្រោយពីជនជាតិយូដាបានសម្លាប់លោកស្ទេផាន​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ពួកគេក៏បៀតបៀនអ្នកជឿ បណ្តាលឱ្យអ្នក​ទាំងនោះ​ខ្ចាត់​ខ្ចាយ អ្នកខ្លះទៅដល់ស្រុកភេនីស៊ី អ្នកខ្លះទៅដល់កោះគីប្រុស និងអ្នកខ្លះទៀតទៅដល់ក្រុងអន់ទីយ៉ូក។ អ្នក​ជឿ​ទាំង​នោះពុំបានប្រកាសព្រះបន្ទូលប្រាប់នរណាផ្សេងក្រៅពីសាសន៍យូដាឡើយ។ ក៏ប៉ុន្តែ មានអ្នកជឿខ្លះពីកោះគីប្រុស និង​ពីស្រុកគីរេនមកដល់ក្រុងអន់ទីយ៉ូក ហើយប្រកាសដំណឹងល្អស្តីអំពីព្រះអម្ចាស់យេស៊ូប្រាប់ពួកក្រិក។ ព្រះអម្ចាស់​បានជួយជ្រោមជ្រែងគេ ហើយមានមនុស្សដ៏ច្រើនលើសលប់បានជឿ ព្រមទាំងបែរចិត្តគំនិតមករកព្រះអម្ចាស់ផង។ ព្រះសហគមន៍នៅក្រុងយេរូសាឡឹមបានឮដំណឹងនេះ ក៏ចាត់លោកបារណាបាសឱ្យទៅក្រុងអន់ទីយ៉ូក។ កាលគាត់ទៅដល់ គាត់ឃើញព្រះ​ជាម្ចាស់ប្រណីសន្តោសពួកគេ ហើយគាត់ត្រេកអរសប្បាយ អង្វរ និងដាស់​តឿន​គេ​ទាំង​អស់គ្នាឱ្យប្តេជ្ញាចិត្តនៅស្មោះត្រង់នឹងព្រះអម្ចាស់ជានិច្ច។ លោកបារណាបាស​ជាបុរស​ម្នាក់មានចិត្ត​សប្បុរស​ ពោ​រ​ពេញដោយព្រះវិញ្ញាណដ៏វិសុទ្ធ និងដោយជំនឿ។ ពេលនោះ មានបណ្តា​ជនជាច្រើនបានមកចូលរួមជាមួយ​ព្រះ​អម្ចាស់​។ បន្ទាប់មកទៀត លោក​បារណាបាសចេញដំណើរទៅរកលោកសូលនៅក្រុងតារសុស។ កាលបាន​ជួប​ហើ​យ​ គាត់ក៏នាំលោកមកក្រុងអន់ទីយ៉ូក។ លោកទាំងពីរបានរស់នៅជាមួយព្រះសហគមន៍អស់រយៈពេលមួយឆ្នាំ ហើយ​បង្រៀនបណ្តាជនជាច្រើនផង។ គឺនៅក្រុងអន់ទីយ៉ូកនោះហើយ ដែលគេហៅ​ក្រុម​សាវ័ក​ជាលើក​ទីមួយ​ថា៖​ “គ្រីស្តបរិស័ទ”។

ទំនុកតម្កើងលេខ ៨៧ (៨៦),១-៣.៥-៧ បទកាកគតិ

ពិធីអបអរសាទរព្រះគម្ពីរដំណឹងល្អតាម យហ ១០,២៧

សូមថ្លែងព្រះគម្ពីរដំណឹងល្អតាមសន្តយ៉ូហាន យហ ១០,២២-៣០

ពេលនោះជារដូវរងា ជនជាតិយូដានាំគ្នាធ្វើបុណ្យរម្លឹកពិធីឆ្លងព្រះវិហារក្រុងយេរូសាឡឹម។ ព្រះយេស៊ូ​យា​ង​​ចុះឡើងក្នុងថែវព្រះ​វិហារ ដែលមានឈ្មោះថា៖ “ថែវព្រះបាទសាឡូម៉ូន”។ ជនជាតិយូដា​នាំគ្នាចោម​រោម​ព្រះអង្គទូលសួរថា៖ «តើលោកទុកឱ្យយើងខ្ញុំនៅរារែកក្នុងចិត្តដល់ណាទៀត? ប្រសិនបើលោកពិតជាព្រះគ្រីស្តមែន សូមប្រាប់យើងខ្ញុំឱ្យត្រង់ៗមក»។ ព្រះយេស៊ូមានព្រះបន្ទូលតបទៅគេ​ថា៖ «ខ្ញុំបានប្រាប់អ្នករាល់គ្នារួចមកហើយ តែ​អ្នក​រាល់គ្នាមិនជឿទេ។ កិច្ចការទាំងប៉ុន្មានដែលខ្ញុំបានធ្វើក្នុងព្រះនាមព្រះបិតារបស់ខ្ញុំ ជាសក្ខីភាពបញ្ជាក់​អំពី​ខ្ញុំ​ស្រាប់។ ប៉ុន្តែ អ្នករាល់គ្នាមិនជឿសោះ ព្រោះអ្នករាល់គ្នាមិននៅក្នុងចំណោមចៀមរបស់ខ្ញុំទេ។ ចៀមរបស់ខ្ញុំ​​តែងស្តាប់សំឡេងខ្ញុំ ខ្ញុំស្គាល់ចៀមទាំងនោះ ហើយចៀមទាំងនោះមកតាម​ខ្ញុំ។ ខ្ញុំឱ្យ​គេមានជីវិត​អស់ក​ល្ប​ជា​និ​ច្ច​ គេមិនវិនាសអន្តរាយឡើយ ហើយគ្មាននរណាអាចឆក់យកគេពីដៃខ្ញុំជាដាច់ខាត។ ព្រះបិតាដែលបាន​ប្រទាន​ចៀម​ទាំង​នោះមកឱ្យខ្ញុំ ទ្រង់មានអំណាចធំលើសអ្វីៗទាំងអស់ គ្មាននរណាអាចឆក់យកគេពីព្រះហស្តព្រះបិតាបាន​ឡើយ​។ ខ្ញុំនិងព្រះបិតាជាអង្គតែមួយ»។

ពាក្យថ្វាយតង្វាយ

បពិត្រព្រះអម្ចាស់ជាព្រះបិតា! ព្រះអង្គមានអំណាចលើសអ្វីៗទាំងអស់ ព្រះអង្គក៏បានចាត់ព្រះយេស៊ូឱ្យយាង​មក​ប្រទាន​ជីវិតអស់កល្បជានិច្ចដល់អស់អ្នកជឿ។ សូមទ្រង់ព្រះមេត្តាប្រោស​យើងខ្ញុំ​ឱ្យស្តាប់សំឡេងរបស់​ព្រះគ្រី​ស្ត​ និង​អាចប្រព្រឹត្តតាមផង។

ពាក្យអរព្រះគុណ

បពិត្រព្រះអម្ចាស់ជាព្រះបិតា! ក្នុងអភិបូជានេះ ព្រះអង្គបានប្រោសឱ្យយើងខ្ញុំរួបរួមជាមួយព្រះគ្រីស្ត រីឯ​ព្រះ​គ្រីស្តរួមជាមួយព្រះបិតាជាអង្គតែមួយ។ សូមទ្រង់ព្រះមេត្តាប្រោសឱ្យយើងខ្ញុំរួមរស់ជាមួយព្រះអង្គជានិច្ច ដោយ​គ្មាន​អ្វី​អាចឆក់យកពីព្រះហស្តព្រះអង្គបានឡើយ សូមឱ្យយើងខ្ញុំជាប់ចិត្តនឹងព្រះអង្គក្នុងគ្រប់កិច្ចការប្រចាំជីវិតផង។