ថ្ងៃព្រហស្បតិ៍-អាទិត្យទី៣០-រដូវធម្មតា «ឆ្នាំសេស»

Posted on 2 ខែវិច្ឆិកា 202319 ខែឧសភា 2023 by Catholic Faith Cambodia

ខែកញ្ញា ឆ្នាំ «ខ» ២០២៤

ខែតុលា ឆ្នាំ «ខ» ២០២៤

អង្គារ - បៃតង - រដូវធម្មតា
- ស - សន្តីតេរេសានៃព្រះកុមារយេស៊ូ ជាព្រហ្មចារិនី និងជាគ្រូបាធ្យាយនៃព្រះសហគមន៍
ពុធ - បៃតង - រដូវធម្មតា
- ស្វាយ - បុណ្យឧទ្ទិសដល់មរណបុគ្គលទាំងឡាយ (ភ្ជុំបិណ្ឌ)
ព្រហ - បៃតង - រដូវធម្មតា
សុក្រ - បៃតង - រដូវធម្មតា
- ស - សន្តហ្វ្រង់ស៊ីស្កូ នៅក្រុងអាស៊ីស៊ី ជាបព្វជិត
សៅរ៍ - បៃតង - រដូវធម្មតា
អាទិត្យ - បៃតង - អាទិត្យទី២៧ ក្នុងរដូវធម្មតា
ចន្ទ - បៃតង - រដូវធម្មតា
- ស - ព្រះនាងព្រហ្មចារិម៉ារី តាមមាលា
អង្គារ - បៃតង - រដូវធម្មតា
ពុធ - បៃតង - រដូវធម្មតា
- ក្រហម - សន្តឌីនីស និងសហការី
- ស - ឬសន្តយ៉ូហាន លេអូណាឌី
ព្រហ - បៃតង - រដូវធម្មតា
សុក្រ - បៃតង - រដូវធម្មតា
- ស - ឬសន្តយ៉ូហានទី២៣ជាសម្តេចប៉ាប
សៅរ៍ - បៃតង - រដូវធម្មតា
អាទិត្យ - បៃតង - អាទិត្យទី២៨ ក្នុងរដូវធម្មតា
ចន្ទ - បៃតង - រដូវធម្មតា
- ក្រហម - សន្ដកាលីទូសជាសម្ដេចប៉ាប និងជាមរណសាក្យី
អង្គារ - បៃតង - រដូវធម្មតា
- ស - សន្តតេរេសានៃព្រះយេស៊ូជាព្រហ្មចារិនី
ពុធ - បៃតង - រដូវធម្មតា
- ស - ឬសន្ដីហេដវីគ ជាបព្វជិតា ឬសន្ដីម៉ាការីត ម៉ារី អាឡាកុក ជាព្រហ្មចារិនី
ព្រហ - បៃតង - រដូវធម្មតា
- ក្រហម - សន្តអ៊ីញ៉ាសនៅក្រុងអន់ទីយ៉ូកជាអភិបាល ជាមរណសាក្សី
សុក្រ - បៃតង - រដូវធម្មតា
- ក្រហម - សន្តលូកា អ្នកនិពន្ធគម្ពីរដំណឹងល្អ
សៅរ៍ - បៃតង - រដូវធម្មតា
- ក្រហម - ឬសន្ដយ៉ូហាន ដឺប្រេប៊ីហ្វ និងសន្ដអ៊ីសាកយ៉ូក ជាបូជាចារ្យ និងសហជីវិន ជាមរណសាក្សី ឬសន្ដប៉ូលនៃព្រះឈើឆ្កាងជាបូជាចារ្យ
អាទិត្យ - បៃតង - អាទិត្យទី២៩ ក្នុងរដូវធម្មតា
[ថ្ងៃអាទិត្យនៃការប្រកាសដំណឹងល្អ]
ចន្ទ - បៃតង - រដូវធម្មតា
អង្គារ - បៃតង - រដូវធម្មតា
- ស - ឬសន្តយ៉ូហានប៉ូលទី២ ជាសម្ដេចប៉ាប
ពុធ - បៃតង - រដូវធម្មតា
- ស - ឬសន្ដយ៉ូហាន នៅកាពីស្រ្ដាណូ ជាបូជាចារ្យ
ព្រហ - បៃតង - រដូវធម្មតា
- ស - សន្តអន់តូនី ម៉ារីក្លារេ ជាអភិបាលព្រះសហគមន៍
សុក្រ - បៃតង - រដូវធម្មតា
សៅរ៍ - បៃតង - រដូវធម្មតា
អាទិត្យ - បៃតង - អាទិត្យទី៣០ ក្នុងរដូវធម្មតា
ចន្ទ - បៃតង - រដូវធម្មតា
- ក្រហម - សន្ដស៊ីម៉ូន និងសន្ដយូដា ជាគ្រីស្ដទូត
អង្គារ - បៃតង - រដូវធម្មតា
ពុធ - បៃតង - រដូវធម្មតា
ព្រហ - បៃតង - រដូវធម្មតា

ខែវិច្ឆិកា ឆ្នាំ «ខ» ២០២៤

ប្រតិទិនទាំងអស់

ថ្ងៃព្រហស្បតិ៍ អាទិត្យទី៣០
រដូវធម្មតា «ឆ្នាំសេស»
ពណ៌បៃតង

ថ្ងៃព្រហស្បតិ៍ ទី០២ ខែវិច្ឆិការ ឆ្នាំ២០២៣

អត្ថបទទី១៖ សូមថ្លែងលិខិតរបស់គ្រីស្ដទូតប៉ូលផ្ញើជូនគ្រីស្តបរិស័ទក្រុងរ៉ូម រម ៨,៣១-៣៩

បងប្អូនជាទីស្រឡាញ់!
ប្រសិនបើព្រះ‌ជាម្ចាស់កាន់ខាងយើងហើយ តើនរណាអាចនឹងចោទប្រកាន់យើងបាន? ព្រះ‌អង្គពុំបានទុកព្រះ‌បុត្រារបស់ព្រះ‌អង្គផ្ទាល់ទេ គឺព្រះ‌អង្គបានបញ្ជូនព្រះ‌បុត្រានោះមកសម្រាប់យើងទាំងអស់គ្នា បើដូច្នេះ ព្រះ‌អង្គមុខជាប្រណី‌សន្ដោសប្រទានអ្វីៗទាំងអស់មកយើង រួមជាមួយព្រះ‌បុត្រានោះដែរ។ តើនរណាអាចចោទប្រកាន់អស់អ្នកដែលព្រះ‌ជាម្ចាស់បានជ្រើស‌រើស បើព្រះ‌អង្គប្រោសគេឱ្យសុចរិតហើយនោះ? តើនរណាអាចដាក់ទោសគេបាន បើព្រះ‌គ្រីស្ដ‌យេស៊ូបានសោយទិវង្គត ហើយជាពិសេសព្រះ‌អង្គមានព្រះ‌ជន្មរស់ឡើងវិញ គង់នៅខាងស្ដាំព្រះ‌បិតា និងទូល‌អង្វរឱ្យយើងដូច្នេះ? តើនរណាអាចបំបែកយើងចេញពីព្រះ‌ហឫទ័យស្រឡាញ់របស់ព្រះ‌គ្រីស្ដបាន? ទុក្ខវេទនា ឬការតប់‌ប្រមល់ អន្ទះ‌អន្ទែង ការបៀត‌បៀន ការស្រេកឃ្លាន ខ្វះសម្លៀក‌បំពាក់ គ្រោះថ្នាក់ ឬមួយត្រូវគេសម្លាប់? ដូចមានចែងទុកមកថាៈ ព្រោះតែព្រះ‌អង្គ យើងត្រូវគេរកសម្លាប់ពីព្រឹកដល់ល្ងាច គេចាត់ទុកយើងដូចជាចៀមដែលត្រូវគេយកទៅសម្លាប់។ ប៉ុន្តែ ក្នុងការទាំងនោះ យើងមានជ័យ‌ជម្នះលើសពីអ្នកមានជ័យ‌ជម្នះទៅទៀត ដោយព្រះ‌អម្ចាស់ដែលបានស្រឡាញ់យើង។ ខ្ញុំជឿជាក់ថា ទោះបីសេចក្ដីស្លាប់ក្តី ជីវិតក្តី ទេវទូតក្តី វត្ថុស័ក្តិ‌សិទ្ធិនានាក្តី បច្ចុប្បន្ន‌កាលក្តី អនាគត‌កាលក្តី អំណាចនានាក្តី អ្វីៗដែលនៅស្ថានលើក្តី នៅស្ថានក្រោមក្តី ឬអ្វីៗផ្សេងទៀតដែលព្រះ‌ជាម្ចាស់បង្កើតមកក្តី ក៏ពុំអាចបំបែកយើងចេញពីសេចក្ដីស្រឡាញ់របស់ព្រះ‌ជាម្ចាស់ដែលព្រះ‌អង្គបានសម្ដែងឱ្យយើងឃើញក្នុងព្រះ‌គ្រីស្ដ‌យេស៊ូ ជាអម្ចាស់នៃយើងបានឡើយ។

ទំនុកតម្កើងលេខ ១០៩(១០៨), ២១-២២.២៦-២៧.៣០-៣១ ទកាកគតិ

២១	ឱព្រះម្ចាស់អើយ	កុំនៅព្រងើយ	សូមមេត្តាប្រោស
	យល់ដល់ព្រះនាម	អម្ចាស់លើកទោស	ហឫទ័យសន្តោស
		ធម៌ករុណា	។
២២	ខ្ញុំជនកម្សត់	ក្រីក្រទុរគត	ដួងចិត្តឯកា
	សូមមេត្តាជួយ	ឱ្យជាផងណា	ស្រាកស្រាន្តកាយា
		ផុតទុក្ខសោកសៅ	។
២៦	ឱព្រះអម្ចាស់	ព្រះអង្គជាព្រះ	នៃខ្ញុំឥឡូវ
	សូមជួយរូបខ្ញុំ	ឱ្យផុតហ្មងសៅ	កុំបង្អង់នៅ
		សូមទ្រង់សន្តោស	។
២៧	សូមឱ្យពួកវា	ទទួលស្គាល់ថា	ព្រះបានសង្គ្រោះ
	រូបទូលបង្គំ	ចាកផុតទុក្ខទោស	ដោយបារមីនោះ
		វិសេសអស្ចារ្យ	។
៣០	ខ្ញុំលើកតម្កើង	សំឡេងលាន់ឡើង	ថ្កើងព្រះម្ចាស់ថ្លៃ
	សរសើរព្រះអង្គ	ជារៀងរាល់ថ្ងៃ	ប្រជាប្រុសស្រី
		កកកុញកុះករ	។
៣១	ដ្បិតទ្រង់ការពារ	អ្នកខ្សត់វេទនា	ទុរគតក្រីក្រ
	ដើម្បីសង្គ្រោះ	ឱ្យរស់បន្ត	ពីមនុស្សមិនល្អ
		ចង់ដាក់ទោសគេ	។

ពិធីអបអរសាទរព្រះគម្ពីរដំណឹងល្អតាម លក ១៩.៣៨

អាលេលូយ៉ា! អាលេលូយ៉ា!
សូមព្រះជាម្ចាស់ប្រទានពរដល់ព្រះមហាក្សត្ររបស់យើង គឺព្រះមហាក្សត្រដែលយាងមកក្នុងព្រះនាមព្រះអម្ចាស់! សូមលើកតម្កើងសិរីរុងរឿងរបស់ព្រះអង្គ នៅស្ថានដ៏ខ្ពង់ខ្ពស់បំផុត! អាលេលូយ៉ា!

សូមថ្លែងព្រះគម្ពីរដំណឹងល្អតាមសន្តលូកា លក ១៣,៣១-៣៥

នៅពេលនោះ មានពួកខាងគណៈ‌ផារីស៊ីខ្លះមកទូលព្រះ‌យេស៊ូថា៖ «សូមលោកអញ្ជើញទៅកន្លែងផ្សេងទៅ ព្រោះស្ដេចហេរ៉ូដចង់សម្លាប់លោក»។ ព្រះ‌យេស៊ូមានព្រះ‌បន្ទូលតបវិញថា៖ «ចូរអ្នករាល់គ្នាទៅប្រាប់ស្ដេចកំហូចនោះថា ថ្ងៃនេះ និងថ្ងៃស្អែក ខ្ញុំបណ្ដេញខ្មោច ខ្ញុំមើលអ្នកជំងឺឱ្យជា លុះដល់ខានស្អែក ខ្ញុំនឹងបញ្ចប់កិច្ច‌ការរបស់ខ្ញុំ។ ប៉ុន្តែ នៅថ្ងៃនេះ ស្អែក និងខានស្អែក ខ្ញុំត្រូវតែបន្ដដំណើររបស់ខ្ញុំទៅមុខទៀត ដ្បិតមិនគួរឱ្យព្យាការីស្លាប់នៅខាងក្រៅក្រុងយេរូ‌សាឡឹមឡើយ។ អ្នកក្រុងយេរូ‌សាឡឹម អ្នកក្រុងយេរូ‌សាឡឹមអើយ! អ្នករាល់គ្នាបានសម្លាប់ពួកព្យាការី ហើយយកដុំថ្មគប់សម្លាប់អស់អ្នក ដែលព្រះ‌ជាម្ចាស់បានចាត់ឱ្យមករកអ្នករាល់គ្នា។ ច្រើនលើកច្រើនសាមកហើយដែលខ្ញុំចង់ប្រមូលផ្ដុំអ្នករាល់គ្នា ដូចមេមាន់ក្រុងកូនវានៅក្រោមស្លាប តែអ្នករាល់គ្នាពុំព្រមសោះ។ ផ្ទះរបស់អ្នករាល់គ្នានឹងត្រូវបោះ‌បង់ចោល។ ខ្ញុំសុំប្រាប់អ្នករាល់គ្នាថា អ្នករាល់គ្នានឹងលែងឃើញខ្ញុំទៀតហើយ រហូតដល់ពេលអ្នករាល់គ្នាពោលថាៈ “សូមព្រះ‌ជាម្ចាស់ប្រទានពរដល់ព្រះ‌អង្គដែលយាងមក ក្នុងនាមព្រះ‌អម្ចាស់!”»។

87 Views

Post Views: 87

ថ្ងៃព្រហស្បតិ៍ អាទិត្យទី៣០រដូវធម្មតា «ឆ្នាំសេស»ពណ៌បៃតង

អត្ថបទទី១៖ សូមថ្លែងលិខិតរបស់គ្រីស្ដទូតប៉ូលផ្ញើជូនគ្រីស្តបរិស័ទក្រុងរ៉ូម រម ៨,៣១-៣៩

ទំនុកតម្កើងលេខ ១០៩(១០៨), ២១-២២.២៦-២៧.៣០-៣១ ទកាកគតិ

ពិធីអបអរសាទរព្រះគម្ពីរដំណឹងល្អតាម លក ១៩.៣៨

សូមថ្លែងព្រះគម្ពីរដំណឹងល្អតាមសន្តលូកា លក ១៣,៣១-៣៥

ថ្ងៃព្រហស្បតិ៍ អាទិត្យទី៣០
រដូវធម្មតា «ឆ្នាំសេស»
ពណ៌បៃតង