Ordinary Time Year Even - Catholic Faith Cambodia

សៅរ៍ - បៃតង - ថ្ងៃធម្មតា
- ស - បុណ្យគោរពសន្ដបុគ្គលទាំងឡាយ
អាទិត្យ - បៃតង - ថ្ងៃអាទិត្យទី៣១ ក្នុងរដូវធម្មតា
ចន្ទ - បៃតង - ថ្ងៃធម្មតា
- ស - ឬសន្ដម៉ាតាំង ដេប៉ូរេស ជាបព្វជិត
អង្គារ - បៃតង - ថ្ងៃធម្មតា
- ស - សន្ដហ្សាល បូរ៉ូមេ ជាអភិបាល
ពុធ - បៃតង - ថ្ងៃធម្មតា
ព្រហ - បៃតង - ថ្ងៃធម្មតា
សុក្រ - បៃតង - ថ្ងៃធម្មតា
សៅរ៍ - បៃតង - ថ្ងៃធម្មតា
អាទិត្យ - បៃតង - ថ្ងៃអាទិត្យទី៣២ ក្នុងរដូវធម្មតា
(បុណ្យរម្លឹកថ្ងៃឆ្លងព្រះវិហារបាស៊ីលីកាឡាតេរ៉ង់)
ចន្ទ - បៃតង - ថ្ងៃធម្មតា
- ស - សន្ដឡេអូ ជាជនដ៏ប្រសើរឧត្ដម ជាសម្ដេចប៉ាប និងជាគ្រូបាធ្យាយ
អង្គារ - បៃតង - ថ្ងៃធម្មតា
- ស - សន្ដម៉ាតាំង ជាអភិបាលនៅក្រុងទួរ
ពុធ - បៃតង - ថ្ងៃធម្មតា
- ក្រហម - សន្ដយ៉ូសាផាត ជាអភិបាលព្រះសហគមន៍ និងជាមរណសាក្សី
ព្រហ - បៃតង - ថ្ងៃធម្មតា
សុក្រ - បៃតង - ថ្ងៃធម្មតា
សៅរ៍ - បៃតង - ថ្ងៃធម្មតា
- ស - ឬសន្ដអាល់ប៊ែរ ជាជនដ៏ប្រសើរឧត្ដម ជាអភិបាល និងជាគ្រូបាធ្យាយ
អាទិត្យ - បៃតង - ថ្ងៃអាទិត្យទី៣៣ ក្នុងរដូវធម្មតា
(ឬសន្ដីម៉ាការីតា នៅស្កុតឡែន ឬសន្ដីហ្សេទ្រូដ ជាព្រហ្មចារិនី)
ចន្ទ - បៃតង - ថ្ងៃធម្មតា
- ស - សន្ដីអេលីសាប៊ែត នៅហុងគ្រឺជាបព្វជិតា
អង្គារ - បៃតង - ថ្ងៃធម្មតា
- ស - បុណ្យរម្លឹកថ្ងៃឆ្លងព្រះវិហារបាស៊ីលីកា សន្ដសិលា និងសន្ដប៉ូលជាគ្រីស្ដទូត
ពុធ - បៃតង - ថ្ងៃធម្មតា
ព្រហ - បៃតង - ថ្ងៃធម្មតា
សុក្រ - បៃតង - ថ្ងៃធម្មតា
- ស - បុណ្យថ្វាយទារិកាព្រហ្មចារិនីម៉ារីនៅក្នុងព្រះវិហារ
សៅរ៍ - បៃតង - ថ្ងៃធម្មតា
- ក្រហម - សន្ដីសេស៊ីល ជាព្រហ្មចារិនី និងជាមរណសាក្សី
អាទិត្យ - បៃតង - ថ្ងៃអាទិត្យទី៣៤ ក្នុងរដូវធម្មតា
(ឬសន្ដក្លេម៉ង់ទី១ ជាំសម្ដេចប៉ាប និងជាមរណសាក្សី ឬសន្ដកូឡូមបង់ ជាចៅអធិការ)
ចន្ទ - បៃតង - ថ្ងៃធម្មតា
- ក្រហម - សន្ដអន់ដ្រេ យុងឡាក់ ជាបូជាចារ្យ និងសហជីវិន ជាមរណសាក្សី
អង្គារ - បៃតង - ថ្ងៃធម្មតា
ពុធ - បៃតង - ថ្ងៃធម្មតា
ព្រហ - បៃតង - ថ្ងៃធម្មតា
សុក្រ - បៃតង - ថ្ងៃធម្មតា
សៅរ៍ - បៃតង - ថ្ងៃធម្មតា
អាទិត្យ - ស្វាយ - ថ្ងៃអាទិត្យទី០១ ក្នុងរដូវរង់ចាំ

ប្រតិទិនទាំងអស់

ថ្ងៃសុក្រ អាទិត្យទី៣៣
រដូវធម្មតា«ឆ្នាំគូ»
ពណ៌បៃតង

ថ្ងៃសុក្រ ទី២២ ខែវិច្ឆិកា ឆ្នាំ២០២៤

សន្តីសេស៊ីល ជាព្រហ្មចារិនី និងជាមរណសាក្សី

តាំងពីសតវត្សទី ៥ គ្រីស្តបរិស័ទក្រុងរ៉ូមតែងតែគោរពនាងសេស៊ីលទុកជាព្រហ្មចារិនី និងជាមរណសាក្សី។ ពួកគេធ្លាប់និយាយថា នាងសេស៊ីលសាងព្រះវិហារមួយនៅក្រុងរ៉ូមនោះ។ គេតំណាលរឿងអស្ចារ្យស្តីអំពីនាងនៅពេលពួកពាលប្រហារជិវិតនាង។ គេរ៉ាយរ៉ាប់រឿងអស្ចារ្យបែបនេះ ដើម្បីលើកតម្កើងកិត្តិយសរបស់អស់អ្នកដែលថ្វាយខ្លួនទៅព្រះអម្ចាស់ក្នុងឋានៈជាព្រហ្មចារិនីនៅសតវត្សទី ១៥ គេលើកសន្តីសេស៊ីលធ្វើជាឧបការិនីរបស់អ្នកភ្លេង ព្រោះក្នុងរឿងព្រេងស្តីអំពីនាងមានចែងថា៖ “នៅពេលមានលាន់ឮស្នូរគ្រឿងតន្ត្រីសម្រាប់រឿងអាពាហ៍ពិពាហ៍របស់នាង នាងសេស៊ីល ចេះតែច្រៀងក្នុងចិត្តថ្វាយព្រះអម្ចាស់”។

សូមថ្លែងព្រះគម្ពីរវីវរណៈរបស់សន្ដយ៉ូហាន វវ ១០,៨-១១

ពេលខ្ញុំយល់សុបិននិមិត្ត សំឡេងដែលខ្ញុំបានឮពីលើមេឃនោះ ក៏ពោលមកកាន់ខ្ញុំម្ដងទៀតថា៖«សូមអញ្ជើញទៅយកក្រាំងតូចបើកស្រាប់ ក្នុងដៃទេវទូតដែលឈរលើសមុទ្រ និងលើដីគោកនោះមក»។ ខ្ញុំក៏ដើរទៅរកទេវទូតនោះ ទាំងសុំឱ្យលោកប្រគល់ក្រាំងតូចមកខ្ញុំ។ លោកពោលមកកាន់ខ្ញុំថា៖«ចូរយកក្រាំងនេះ ហើយបរិភោគវាទៅ។ ក្រាំងនេះនឹងធ្វើឱ្យអ្នកឈឺពោះ តែកាលនៅក្នុងមាត់ វាផ្អែមដូចទឹកឃ្មុំ»។ ខ្ញុំក៏ទទួលយកក្រាំងតូចពីដៃទេវទូតមកបរិភោគ នៅក្នុងមាត់ខ្ញុំ វាផ្អែមដូចទឹកឃ្មុំ លុះបរិភោគរួចហើយ ខ្ញុំក៏ឈឺពោះ។ បន្ទាប់មក មានគេប្រាប់ខ្ញុំថា៖«អ្នកត្រូវថ្លែងព្រះ‌បន្ទូលសាជាថ្មីទៀត អំពីប្រជាជន អំពីជាតិសាសន៍ អំពីភាសានានា និងអំពីស្ដេចជាច្រើនផង»។

ទំនុកតម្កើងលេខ ១១៩(១១៨),១៤.២៤.៧២.១០៣.១១១.១៣១ បទពាក្យ៧

១៤	ទូលបង្គំត្រេកអរអនេក	ដោយបានពឹងផ្អែកដំបូន្មាន
	ប្រៀបដូចជាខ្ញុំទទួលបាន	សម្បត្តិថ្កើងថ្កានដ៏ស្ដុកស្ដម្ភ	។
២៤	ខ្ញុំពេញចិត្តនឹងដំបូន្មាន	ឥតបីស្រាកស្រាន្ដឥតកែគេច
	ដំបូន្មានទ្រង់ចាំងរំលេច	នាំផ្លូវជីវិតខ្ញុំសុខសាន្ដ	។
៧២	ធម្មវិន័យដែលទ្រង់បាន	ប្រកាសឱ្យកាន់មានតម្លៃ
	ប្រសើរជាងមានពេជ្រចរណៃ	ជាងប្រាក់ក្រាស់ក្រៃច្រើនលើសលប់	។

		សូមដូរទៅជាបទកាកគតិ
១០៣	បញ្ជានេះណា	ប្រៀបបានអាហារ	ឆ្ងាញ់ពិសេសហើយ
	សម្រាប់រូបខ្ញុំ	គ្មានអ្វីស្មើឡើយ	ផ្អែមណាស់ព្រះអើយ
		លើសទឹកឃ្មុំផង	។
១១១	ពាកក្យដំបូន្មាន	ព្រះបានប្រទាន	ជាកេរផូរផង់
	ឱ្យទូលបង្គំ	រីករាយកន្លង	មានអំណរផង
		នៅក្នុងដួងចិត្ត	។

		សូមដូរទៅជាបទពាក្យ៧
១៣១	ខ្ញុំខំយកចិត្តទុកដាក់ស្ដាប់	ដោយក្ដីត្រងត្រាប់អស់ពីចិត្ត
	ដ្បិតខ្ញុំចង់ស្គាល់វិន័យក្រឹត្យ	ព្រះម្ចាស់ពេកពិតឥតមានណយ	។

ពិធីអបអរសាទរព្រះគម្ពីរដំណឹងល្អតាម យហ ១០,២៧

អាលេលូយ៉ា! អាលេលូយ៉ា!
បពិត្រព្រះអម្ចាស់យេស៊ូ! ព្រះអង្គពិតជាគង្វាលដ៏ពិតប្រាកដតែមួយ! យើងខ្ញុំស្ដាប់សំឡេងព្រះអង្គ ហើយទៅតាមព្រះអង្គ។ អាលេលូយ៉ា!

សូមថ្លែងព្រះគម្ពីរដំណឹងល្អតាមសន្តលូកា លក ១៩,៤៥-៤៨

នៅគ្រានោះ ព្រះ‌យេស៊ូយាងចូលព្រះ‌វិហារ ហើយដេញអ្នកលក់ដូរចេញពីទីនោះ ដោយមានព្រះ‌បន្ទូលទៅគេថា៖«ក្នុងគម្ពីរមានចែងថា “ដំណាក់របស់យើងជាកន្លែងសម្រាប់អធិ‌ស្ឋាន” តែអ្នករាល់គ្នាបែរជាយកធ្វើសំបុកចោរទៅវិញ»។ ព្រះ‌យេស៊ូបានបង្រៀនគេនៅក្នុងព្រះ‌វិហារជារៀងរាល់ថ្ងៃ។ ក្រុមនាយកបូជា‌ចារ្យ ពួកបណ្ឌិតខាងវិន័យ និងពួកមន្ត្រីនាំគ្នារកមធ្យោ‌បាយធ្វើគុតព្រះ‌អង្គ។ ប៉ុន្តែ គេមិនដឹងជាត្រូវប្រើវិធីណាឡើយ ដ្បិតប្រជាជនទាំងមូលប្រឹងស្ដាប់ព្រះ‌បន្ទូលព្រះ‌អង្គដោយយកចិត្តទុកដាក់។

14 Views

ថ្ងៃសុក្រ អាទិត្យទី៣៣រដូវធម្មតា«ឆ្នាំគូ»ពណ៌បៃតង