រដូវបុណ្យចម្លង

សន្តម៉ាធីយ៉ាស ជាគ្រីស្តទូត

(បុណ្យគោរព)

_{(ពេលល្ងាច)}

ឱព្រះអម្ចាស់អើយ! សូមយាងមកជួយទូលបង្គំ
សូមព្រះអម្ចាស់យាងមកជួយសង្គ្រោះយើងខ្ញុំផង!
សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក
ហើយជាដរាបតរៀងទៅ។ អាម៉ែន! (អាលេលូយ៉ា!)

ចម្រៀងចូល (សូមជ្រើសរើសបទចម្រៀងមួយ)

ទំនុកតម្កើងលេខ ១៣៩,១-១៨.២៣-២៤

ព្រះអង្គទតឃើញអ្វីៗទាំងអស់

តើនរណាស្គាល់គំនិតរបស់ព្រះអម្ចាស់?
តើនរណាបានថ្វាយយោបល់ទៅព្រះអង្គ? (រ៉ូម ១១,៣៤)។

បន្ទរទី១ ៖ យប់​ភ្លឺដូច​ថ្ងៃ ហើយ​ភាព​ងងឹត​ដូច​ពន្លឺ អាលេលូយ៉ា!

(ក)

សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!

បន្ទរ ៖ យប់​ភ្លឺដូច​ថ្ងៃ ហើយ​ភាព​ងងឹត​ដូច​ពន្លឺ អាលេលូយ៉ា!

បន្ទរទី២ ៖ ខ្ញុំ​ស្គាល់​ចៀម​ទាំង​នោះ ហើយ​ចៀម​ទាំង​នោះ​មក​តាម​ខ្ញុំ អាលេលូយ៉ា!

(ខ)

(បទពាក្យ ៧)

បន្ទរ ៖ ខ្ញុំ​ស្គាល់​ចៀម​ទាំង​នោះ ហើយ​ចៀម​ទាំង​នោះ​មក​តាម​ខ្ញុំ អាលេលូយ៉ា!

បទលើកតម្កើងតាមលិខិតកូឡូស (កូឡ ១,១២-២០)

ព្រះ‌គ្រីស្តមានព្រះជន្មមុនអ្វីៗទាំងអស់ ព្រះអង្គមានព្រះ‌ជន្មរស់ឡើងវិញមុនគេ

បន្ទរទី៣ ៖ ភាព​ថ្កុំថ្កើង​របស់​ព្រះអង្គ​ចែង​ចាំងពាស​ពេញ​ផ្ទៃ​មេឃ ហើយ​ផែនដី​ទាំង​មូល​សរសើរ​តម្កើង​ព្រះអង្គ អាលេលូយ៉ា!

សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!

បន្ទរ ៖ ភាព​ថ្កុំថ្កើង​របស់​ព្រះអង្គ​ចែង​ចាំងពាស​ពេញ​ផ្ទៃ​មេឃ ហើយ​ផែនដី​ទាំង​មូល​សរសើរ​តម្កើង​ព្រះអង្គ អាលេលូយ៉ា!

ព្រះបន្ទូលរបស់ព្រះជាម្ចាស់ (ហប ៧,២៤-២៧)

រីឯ​ព្រះ‌យេស៊ូ​វិញ ព្រះ‌អង្គ​មាន​មុខងារ​ជា​បូជា‌ចារ្យ ដែល​ពុំ​អាច​ផ្ទេរ​ទៅ​ឱ្យ​នរណា​បាន​ទេ ព្រោះ​ព្រះ‌អង្គ​គង់​នៅ​អស់​កល្ប‌ជានិច្ច។ ហេតុ​នេះ​ហើយ​បាន​ជា​ព្រះ‌អង្គ​ក៏​អាច​សង្គ្រោះ​អស់​អ្នក​ដែល​ចូល​មក​ជិត​ព្រះ‌ជាម្ចាស់ តាម‌រយៈ​ព្រះ‌អង្គ បាន​ជា​ស្ថាពរ ដ្បិត​ព្រះ‌អង្គ​មាន​ព្រះ‌ជន្ម​រស់​រហូត ដើម្បី​ទូល‌អង្វរ​ព្រះ‌ជាម្ចាស់​ឱ្យ​ពួក​គេ។ មាន​តែ​មហា​បូជា‌ចារ្យ​ដ៏​ប្រសើរ​ដូច​ព្រះ‌យេស៊ូនេះ​ហើយ ដែល​យើង​ត្រូវ​ការ គឺ​មហា​បូជា‌ចារ្យ​ដ៏‌វិសុទ្ធ ស្លូត​ត្រង់ ឥត​សៅ‌ហ្មង ខុស​ប្លែក​ពី​មនុស្ស​បាប ព្រម​ទាំង​ខ្ពង់‌ខ្ពស់​លើស​ស្ថាន​បរម‌សុខទៅ​ទៀត។ ព្រះ‌អង្គ​មិន​ត្រូវ​ការ​ថ្វាយ​យញ្ញ‌បូជា​រៀង​រាល់​ថ្ងៃ ដូច​មហា​បូជា‌ចារ្យ​ឯ​ទៀតៗ​ថ្វាយ ព្រោះ​បាប​ខ្លួន​ឯង​ផ្ទាល់​ផង និង​បាប​ប្រជាជន​ផង​នោះ​ឡើយ ដ្បិត​ព្រះ‌អង្គ​បាន​ថ្វាយ​ព្រះ‌កាយ​ព្រះ‌អង្គ​ផ្ទាល់​ជា​យញ្ញ‌បូជា ម្ដង​ជា​សូរេច។

បន្ទរ ៖ ពួកសាវ័កសប្បាយចិត្តជាខ្លាំង *អាលេលូយ៉ា! អាលេលូយ៉ា!។ បន្ទរឡើងវិញ៖…
-ដោយបានឃើញព្រះអម្ចាស់មានព្រះជន្មរស់ឡើងវិញ។ បន្ទរ៖ *…
-សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ។ បន្ទរ៖…

ទំនុកតម្កើងរបស់ព្រះនាងម៉ារី

បន្ទរ ៖ ព្រះ‌ជាម្ចាស់​បាន​ចាត់​ព្រះ‌បុត្រា​របស់​ព្រះ‌អង្គឱ្យ​យាង​មក​ក្នុង​លោក​នេះ ពុំ​មែន​ដើម្បី​ដាក់​ទោស​មនុស្ស​លោក​ទេ គឺ​ដើម្បី​សង្គ្រោះ​មនុស្ស​លោក ដោយ‌សារ​ព្រះ‌បុត្រា​វិញ អាលេលូយ៉ា!

សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!

ឬ ទំនុកតម្កើងរបស់ព្រះនាងម៉ារី (តាមបែបស្មូត) បទព្រហ្មគីតិ

បន្ទរ ៖ ព្រះ‌ជាម្ចាស់​បាន​ចាត់​ព្រះ‌បុត្រា​របស់​ព្រះ‌អង្គឱ្យ​យាង​មក​ក្នុង​លោក​នេះ ពុំ​មែន​ដើម្បី​ដាក់​ទោស​មនុស្ស​លោក​ទេ គឺ​ដើម្បី​សង្គ្រោះ​មនុស្ស​លោក ដោយ‌សារ​ព្រះ‌បុត្រា​វិញ អាលេលូយ៉ា!

ពាក្យអង្វរសកល

ក្នុងអង្គព្រះបុត្រា ដែលមានព្រះជន្មរស់ឡើងវិញពីចំណោមមនុស្សស្លាប់ ព្រះជាម្ចាស់បានបើកផ្លូវឱ្យយើងចូលទៅកាន់ជីវិតអស់កល្បជានិច្ច។ ចូរយើងទូលអង្វរព្រះបិតាថា ៖

បន្ទរ ៖ តាមរយៈជ័យជម្នះរបស់ព្រះគ្រីស្ត សូមសង្រ្គោះប្រជារាស្ត្រដែលព្រះអង្គបានលោះ !

បពិត្រព្រះជាម្ចាស់នៃបុព្វបុរសយើងខ្ញុំ ! ព្រះអង្គបានលើកព្រះយេស៊ូជាព្រះបុត្រាពីចំណោមមនុស្សស្លាប់ ហើយបំពាក់ព្រះអង្គក្នុងសិរីរុងរឿង។ សូមព្រះអង្គជម្រុញដួងចិត្តយើងខ្ញុំ ឱ្យកែប្រែចិត្តគំនិតយ៉ាងពេញលេញ
—ដើម្បីឱ្យយើងខ្ញុំអាចដើរក្នុងជីវិតថ្មី។ (បន្ទរ)

ព្រះអង្គបាននាំយើងខ្ញុំឱ្យត្រឡប់មករកលោកគង្វាល និងលោកអភិបាលនៃព្រលឹងរបស់យើងខ្ញុំ
—សូមព្រះអង្គថែរក្សាយើងខ្ញុំឱ្យមានចិត្តស្មោះត្រង់ ក្រោមការណែនាំរបស់លោកគង្វាលនៃព្រះសហគមន៍។ (បន្ទរ)

ព្រះអង្គបានជ្រើសរើសផលដំបូងនៃសាវ័ករបស់ព្រះគ្រីស្ត ពីជនជាតិយូដា
—សូមព្រះអង្គសម្តែងឱ្យកូនចៅអ៊ីស្រាអែលស្គាល់ ស្របតាមព្រះបន្ទូលសន្យាដែលព្រះអង្គបានធ្វើ ជាមួយនឹងបុព្វបុរសរបស់ពួកគេកាលពីជំនាន់ដើម។ (បន្ទរ)

សូមព្រះអង្គនឹកចាំពីមនុស្សឯកោ ក្មេងកំព្រា និងស្រ្តីមេម៉ាយ
—ហើយសូមព្រះអង្គកុំបោះបង់ចោល អស់អ្នកដែលបានជានានឹងព្រះអង្គ ដោយព្រះបុត្រាបានសោយទិវង្គតនោះឡើយ។ (បន្ទរ)

បពិត្រព្រះបិតា! ព្រះអង្គបានត្រាស់ហៅលោកស្តេផាន ឱ្យទៅនៅជាមួយព្រះអង្គ នៅពេលលោកធ្វើជាសាក្សីអំពីព្រះយេស៊ូ ដែលកំពុងឈរនៅខាងស្តាំព្រះអង្គ
—សូមព្រះអង្គទទួលបងប្អូនយើងខ្ញុំដែលលាចាកលោកនេះ ដោយមានជំនឿ និងមានចិត្តសង្ឃឹមថានឹងបានទទួលសិរីរុងរឿងពីព្រះអង្គ។ (បន្ទរ)

ធម៌ “ឱព្រះបិតា”

ពាក្យអធិដ្ឋាន

បពិត្រព្រះអម្ចាស់ជាព្រះបិតា ! ព្រះអង្គសព្វព្រះហឫទ័យឱ្យមនុស្សគ្រប់ជាតិសាសន៍ជឿសង្ឃឹមលើព្រះអង្គ។ សូមព្រះអង្គមេត្តាប្រោសឱ្យយើងខ្ញុំជាគ្រីស្តបរិស័ទ យកចិត្តទុកដាក់ប្រកាសដំណឹងល្អអំពីព្រះអង្គ ក្នុងគ្រប់កាលៈទេសៈប្រចាំជីវិតយើងខ្ញុំ។ យើងខ្ញុំសូមអង្វរព្រះអង្គ ដោយរួមជាមួយព្រះយេស៊ូគ្រីស្ត ជាព្រះបុត្រាព្រះអង្គ និងជាព្រះអម្ចាស់ ដែលសោយរាជ្យរួមជាមួយព្រះអង្គ និងព្រះវិញ្ញាណដ៏វិសុទ្ធ អស់កល្បជាអង្វែងតរៀងទៅ។ អាម៉ែន!

ពិធីបញ្ចប់៖ ប្រសិនបើលោកបូជាចារ្យ ឬលោកឧបដ្ឋាកធ្វើជាអធិបតី លោកចាត់បងប្អូនឱ្យទៅដោយពោលថា ៖
សូមព្រះអម្ចាស់គង់ជាមួយបងប្អូន
ហើយគង់នៅជាមួយវិញ្ញាណរបស់លោកផង
សូមព្រះជាម្ចាស់ដ៏មានឫទ្ធានុភាពសព្វប្រការ ប្រទានព្រះពរដល់អស់បងប្អូន
គឺព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
អាម៉ែន។
សូមអញ្ជើញឱ្យបានសុខសាន្ត
សូមអរព្រះគុណព្រះជាម្ចាស់។
ពេលមានវត្តមានលោកបូជាចារ្យ ឬលោកឧបដ្ឋាក និងបុគ្គលម្នាក់សូត្រ ពាក្យអធិដ្ឋានពេលល្ងាច ៖
សូមព្រះអម្ចាស់ប្រទានព្រះពរ និងការពារយើងខ្ញុំឱ្យរួចផុតពីមារកំណាច ព្រមទាំងប្រទានជីវិតអស់កល្បជានិច្ចឱ្យយើងខ្ញុំ។
អាម៉ែន។