ជនជាតិយូដាតែងតែរាប់ «ព្រះគម្ពីរព្យាការី» ទុកជាភាគទីពីរនៃគម្ពីររបស់គេ។ តាំងពីសតវត្សទី២មុន គ.ស. ពាក្យ «គម្ពីរព្យាការី» សំដៅទៅលើកណ្ឌលោកយូស៊ូអា រហូតដល់ព្យាការី ម៉ាឡាគី គឺសៀវភៅទាំងប៉ុន្មានដែលរ៉ាយរ៉ាប់ប្រវត្ដរបស់ប្រជាជនអ៊ីស្រាអែល និងយូដា ព្រមទាំងសេចក្ដីដែលអស់លោកព្យាការីបានថ្លែងក្នុងនាមព្រះជាម្ចាស់ តែក្នុងចំណោមកណ្ឌទាំងនោះជនជាតិយ៉ូដា​តែចែកជាពីរភាគគឺ៖
-«ព្យាការីខាងដើម» គឺសៀវភៅរ៉ាយរ៉ាប់ប្រវត្ដនៃប្រជាជន (យូស៊ូអា វីរបុរស សាម៉ូអែលទី១ និងទី២ ពង្សាវតាក្សត្រទី១ និងទី២) គឺក្នុងកណ្ឌទាំងនោះ មានចែងអំពីមនុស្សទាំងប្រុស ទាំងស្រី ដែលថ្លែងព្រះបន្ទូលក្នុងនាមព្រះជាម្ចាស់ មានអ្នកស្រីដេបូរ៉ា លោកណាថាន ព្យាការីអេលី ព្យាការីអេលីសេជាដើម។
-«ព្យាការីខាងក្រោយ» គឺកណ្ឌគម្ពីរដែលចែងអំពីសេចក្ដីដែលព្យាការីបានថ្លែងទុកមក មានព្យាការីអេសាយ យេរេមី អេសេគីអែល និងព្យាការី ១២នាក់ទៀត។ ពាក្យ «ខាងមុខ» និង «ខាងក្រោយ» ពុំមែនសំដៅពីជំនាន់ដែលព្យាការីរស់នៅទេ គឺគ្រាន់តែសំដៅទៅលើកន្លែងក្នុងគម្ពីរទាំងមូលប៉ុណ្ណោះ។

1. តើព្រះជាម្ចាស់ឈប់ផ្ដល់នំម៉ាណាឱ្យជនជាតិអ៊ីស្រាអែលចាប់ពីព្យាការីមួយណា?

 ចាប់ពីព្យាការីម៉ូសេ

 ចាប់ពីព្យាការីយ៉ូស៊ូអា

2. ហេតុអ្វីបានជាព្រះជាម្ចាស់លែងផ្ដល់នំម៉ាណាឱ្យជនជាតិអ៊ីស្រាអែលបរិភោគទៀត?

 ព្រោះព្រះអង្គបានផ្ដល់ទឹកដីឱ្យពួកគេបង្កើតភោគផលសម្រាប់បរិភោគដោយខ្លួនឯង

 ព្រោះព្រះអង្គលែងទុកចិត្ដជាមួយជនជាតិអ៊ីស្រាអែលទៀតហើយ

3. តើប្រជាជនអ៊ីស្រាអែលវាយយកក្រុងយេរីខូបានយ៉ាងដូចម្ដេច?

 ដោយប្រយុទ្ធតទល់ជាមួយសត្រូវយ៉ាងខ្លាំងក្លាបំផុត

 ដោយគ្រាន់តែដើរព័ទ្ធជុំវិញទីក្រុងមួយដងចំនួនប្រាំពីរថ្ងៃតាមព្រះបន្ទូលរបស់ព្រះអម្ចាស់

4. ហេតុអ្វីបានជាលោកយ៉ូស៊ូអាទុកជីវិតឱ្យនាងរ៉ាហាប និងក្រុមគ្រួសាររបស់នាងពេលដែលកងទ័ពអ៊ីស្រាអែលវាយប្រហារក្រុងយេរីខូ?

 ព្រោះនាងជាមនុស្សបរិសុទ្ធ ហើយនាងបានចូលជាមួយប្រជាជនអ៊ីស្រាអែលពេលធ្វើសង្គ្រាម

 ព្រោះនាងបានលាក់អ្នកស៊ើបការណ៍របស់លោកយ៉ូស៊ូអាពេលដែលពួកគេទៅស៊ើបការណ៍នៅក្រុងយេរីខូ

5. តើហេតុអ្វីបានជាជនជាតិអ៊ីស្រាអែលទទួលបរាជ័យនៅក្រុងអៃ?

 ព្រោះលោកយ៉ូស៊ូអាបានយករបស់របរដែលត្រូវកំទេចចោលនៅក្រុងយេរីខូទុកលាក់ ក្បត់សម្ពន្ធមេត្រីរបស់ព្រះជាម្ចាស់

 ព្រោះលោកអកានបានយករបស់របរដែលត្រូវកំទេចចោលនៅក្រុងយេរីខូទុកលាក់ ក្បត់សម្ពន្ធមេត្រីរបស់ព្រះជាម្ចាស់

6. តើលោកយ៉ូស៊ូអាសម្លាប់ស្ដេចក្រុងអៃដោយរបៀបណា?

 សម្លាប់ដោយចាក់នឹងលំពែង

 សម្លាប់ដោយយកទៅព្យួរកនៅនឹងដើមឈើ

7. តើលោកយ៉ូស៊ូអាចម្លងវិន័យដែលលោកម៉ូសេបានចែងទុក ទៅនឹងអ្វី?

 ចម្លងទុកទៅនឹងបន្ទះឈើ

 ចម្លងទុក ដោយចារលើថ្ម

8. ក្នុងកុលសម្ព័ន្ធទាំងដប់ពីរ តើកុលសម្ព័ន្ធមួយណាជាអ្នកដែលមានមុខងារសែនហិបនៃសម្ពន្ធមេត្រីរបស់ព្រះអម្ចាស់?

 កុលសម្ព័ន្ធលេវី

 កុលសម្ព័ន្ធបេនយ៉ាមីន

9. តើអ្នកស្រុកកាបូនធ្វើដូចម្ដេចដើម្បីបានរួចជីវិតពីការវាយប្រហាររបស់កងទ័ពអ៊ីស្រាអែល?

 រត់ភៀសខ្លួនចេញពីស្រុកមុនកងទ័ពអ៊ីស្រាអែលទៅដល់

 ប្រើឧបាយកលបោកប្រាសឱ្យជនជាតិអ៊ីស្រាអែលជឿជាក់ ហើយក៏ចងសម្ពន្ធមេត្រីរក្សាសន្ដិភាព

10. នៅពេលលោកយ៉ូស៊ូអានដឹងអំពីកលល្បិចរបស់អ្នកស្រុកកាបូន តើលោកធ្វើបែបណាចំពោះពួកគេ?

 លោកបញ្ជាឱ្យទាហានសម្លាប់ពួកគេចោល ដោយមិនរើសមុខឡើយ

 លោករក្សាជីវិតពួកគេ ហើយឱ្យពួកគេធ្វើជាអ្នកបម្រើរបស់ជនជាតិអ៊ីស្រាអែល

 Loading …