សន្តថូម៉ាស អាគីណាស គឺជាជនជាតិអ៊ីតាលី ដែលបានរស់នៅក្នុងស.វទី១៣ នៃគ.ស (១២២៤-១២៧៤)។ លោកគឺជាទេវវិទូ និងជាទស្សនវិទូមានឈ្មោះល្បីល្បាញនៅក្នុងប្រវត្តិសាស្រ្តមជ្ឈិមសម័យរបស់ព្រះសហគមន៍កាតូលិក។ ទេវវិជ្ជារបស់សន្តថូម៉ាសមានឥទ្ធិពលយ៉ាងខ្លាំង ជាហេតុដែលនិស្សិតទេវវិទ្យាល័យនៅតែបន្តសិក្សាតាមទេវវិជ្ជារបស់លោក។ ខាងក្រោមនេះគឺជាសំណួរល្បងប្រាជ្ញាដើម្បីយល់ដឹងអំពីទេវវិជ្ជារបស់សន្តថូម៉ាស។ សូមជ្រើសរើសចម្លើយដែលត្រឹមត្រូវនៅខាងក្រោម៖

1. តើសន្ត ថូម៉ាស អាគីណាស គឺជានរណា?

 ជាបុគ្គលល្បីល្បាញ ព្រោះគាត់មានប្រាជ្ញាញ្ញាណដ៏អស្ចារ្យ ដែលយើងអាចដឹងតាមរយៈទស្សនវិជ្ជា និងទេវវិជ្ជារបស់គាត់។

 គឺជាបណ្ឌិតសម្រាប់ព្រះសហគមន៍ទាំងមូល។

 អ្នកណែនាំគ្រីស្តបរិស័ទឱ្យស្គាល់ព្រះជាម្ចាស់ តាមរបៀបច្បាស់លាស់ និងត្រឹមត្រូវ។

2. តើជំនឿ និងប្រាជ្ញាប្លែកពីគ្នាយ៉ាងដូចម្ដេច?

 ជំនឿពិតជាប្រឆាំងនឹងប្រាជ្ញា ប៉ុន្តែគ្មានបញ្ហាទេ។

 ជំនឿ និងប្រាជ្ញាមិនអាចប្រឆាំងនឹងគ្នាបានឡើយ ដ្បិតជំនឿ និងប្រាជ្ញាចេញពីប្រភពតែមួយ ដែលមកពីព្រះជាម្ចាស់។

 ជំនឿពឹងផ្អែកលើម្នាក់ៗ មិនពាក់ព័ន្ធនឹងប្រាជ្ញាទេ។

3. តើទេវវិជ្ជាគឺជាវិទ្យសាស្រ្តដែរឬទេ?

 ទេ! មិនមែនទេ។

 ទេវវិជ្ជាគឺជាវិទ្យាសាស្រ្ត ដែលសិក្សាអំពីសេចក្ដីនៃជំនឿអំពីព្រះជាម្ចាស់បានសម្ដែងឱ្យមនុស្សស្គាល់ នៅក្នុងអង្គព្រះគ្រីស្ត តាមរយៈព្រះសហគមន៍។

 ទេវវិជ្ជាមិនត្រូវការវិទ្យាសាស្រ្តទេ

4. ហេតុអ្វីបានជាអ្វីៗទាំងអស់ប្រែប្រួលជានិច្ច?

 ព្រះជាម្ចាស់ (ជាអ្នកមិនប្រែប្រួលដែលធ្វើឱ្យអ្វីៗទាំងអស់ប្រែប្រួល)។

 ប្រែប្រួលតាមធម្មជាតិ។

 ចង់ប្តូររូបរាងថ្មីជានិច្ច។

5. ហេតុអ្វីបានជាយើងប្រៀបធៀបព្រះជាម្ចាស់នឹងពិភពលោក និងសត្វលោក?

 ដើម្បីយល់អំពីទំនាក់ទំនងរវាងព្រះជាម្ចាស់ និងសត្វលោក។

 យល់ថាភាវៈទាំងអស់មានអត្តិភាព និងមានលក្ខណៈល្អ។

 ដឹងថាព្រះអង្គជាបុព្វហេតុនៃភាពល្អឥតខ្ចោះទាំងអស់នៅក្នុងសត្វលោក។

6. តើអ្វីទៅជាជំនឿ?

 ជាការជឿលើបាតុភូតនានា។

 យើងជឿមកពីយើងមានទំនាក់ទំនងជាមួយម្នាក់ផ្សេងទៀត ដែលយើងអាចទុកចិត្តបាន ហើយជំនឿនេះស្របតាមប្រាជ្ញា។

 ជាការប្រើអារម្មណ៍សុទ្ធសាធ។

7. តើអ្វីទៅជាអំពើល្អ?

 ភាពល្អ គឺជាអ្វីដែលយើងចង់បានដោយអស់ពីចិត្ត។

 ភាពល្អជាគោលដៅរបស់យើង ឬជាហេតុចុងក្រោយ ដែលយើងស្វែងរកដោយប្រព្រឹត្តកិច្ចការណាមួយ។

 មនុស្សស្វែងរកសេចក្ដីស្រលាញ់ យុត្តិធម៌ និងសេចក្ដីពិត។

8. តើព្រលឹងវិញ្ញាណមានសមត្ថភាពអ្វីខ្លះ?

 ព្រលឹងធ្វើឱ្យសត្វលោកគ្មានជីវិត។

 ព្រលឹងមានសកម្មភាព និងមានសមត្ថភាពផ្សេងៗ។

 ព្រលឹងមិនពាក់ព័ន្ធនឹងរូបកាយទេ។

9. តើអ្វីទៅជាគុណធម៌?

 គុណធម៌គឺជាទម្លាប់មោះមុត និងនឹងនរ ដែលជួយប្រាជ្ញា និងឆន្ទៈឱ្យប្រព្រឹត្តអ្វីដ៏ល្អ ឱ្យបានលឿន ស្រួល និងដោយមានអំណរ។

 គុណធម៌ធ្វើឱ្យមនុស្សទៅជាមនុស្សដ៏ល្អម្នាក់ ដែលចេះប្រព្រឹត្តកិច្ចការល្អ។

 គុណធម៌ជួយសមត្ថភាពយើងឱ្យវាយតម្លៃអ្វីដ៏ល្អ ដោយផ្តល់កម្លាំងដល់សមត្ថភាព។

10. តើគុណធម៌មកពីព្រះជាម្ចាស់មានប៉ុន្មាន និងអ្វីខ្លះ?

 មាន២ គឺជំនឿ និងអំណរ

 មាន៣ គឺជំនឿ សេចក្តីសង្ឃឹម និងសេចក្តីស្រឡាញ់

 មាន៥ គឺជំនឿ អំណរ សេចក្តីសង្ឃឹម សេចក្តីស្រឡាញ់ និងប្រាជ្ញា

 Loading …