ពិធីនមស្ការព្រះកាយព្រះគ្រីស្ត

ចូរ​យេីងឱនកាយក្រាបថ្វាយបង្គំ

ប្រទានពរ

(រួចហើយសូមថាឡើងវិញក្រោយបូជាចារ្យ ៖ )

–	សូមលើកតម្កើង ព្រះជាម្ចាស់!
–	សូមលើកតម្កើង ព្រះនាមដ៏វិសុទ្ធរបស់ព្រះអង្គ!
–	សូមលើកតម្កើងព្រះយេស៊ូគ្រីស្តជាព្រះជាម្ចាស់ដ៏ពិតប្រាកដ និងជាមនុស្សដ៏ពិតប្រាកដ!
–	សូមលើកតម្កើង ព្រះនាមព្រះយេស៊ូ!
–	សូមលើកតម្កើង ព្រះបេះដូងដ៏សក្ការៈរបស់ព្រះអង្គ!
–	សូមលើកតម្កើង ព្រះលោហិតដ៏ពិសិដ្ឋរបស់ព្រះអង្គ!
–	សូមលើកតម្កើង ព្រះកាយព្រះយេស៊ូដែលគង់នៅលើអាសនៈ!
–	សូមលើកតម្កើង ព្រះវិញ្ញាណដ៏វិសុទ្ធដែលជួយសម្រាលទុក្ខ!
–	សូមលើកតម្កើង ព្រះនាងព្រហ្មចារិនីម៉ារីដ៏វិសុទ្ធ ជាព្រះមាតានៃព្រះជាម្ចាស់ដែលគ្មានអ្វីប្រៀបផ្ទឹមបាន!
–	សូមលើកតម្កើង ភាពដ៏វិសុទ្ធ និងភាពគ្មានជំពាក់បាបរបស់ព្រះនាង!
–	សូមលើកតម្កើង ការឡើងស្ថានបរមសុខដ៏រុងរឿងរបស់ព្រះនាង!
–	សូមលើកតម្កើង ព្រះនាមនៃព្រះនាងម៉ារី ជាព្រះមាតា និងជាព្រហ្មចារិនី!
–	សូមលើកតម្កើង សន្តយ៉ូសែបជាស្វាមីដ៏ស្មោះត្រង់របស់ព្រះនាង!
–	សូមលើកតម្កើងព្រះជាម្ចាស់ក្នុងចំណោមពពួកទេវទូត និងសន្តបុគ្គលរបស់ព្រះអង្គ!
	ឱ! ព្រះជាម្ចាស់អើយ! សូមប្រទានបូជាចារ្យមកយើងខ្ញុំ! ឱ! ព្រះជាម្ចាស់អើយ! សូមប្រទានបូជាចារ្យជាច្រើនមកយើងខ្ញុំ! ឱ! ព្រះជាម្ចាស់អើយ! សូមប្រទានបូជាចារ្យដ៏វិសុទ្ធជាច្រើនមកយើងខ្ញុំ!

---