ថ្ងៃសុក្រ ទី២០ ខែមករា ឆ្នាំ២០២៣

អត្ថបទទី១៖ សូមថ្លែងលិខិតផ្ញើជូនគ្រីស្តបរិស័ទជាតិហេប្រឺ ហប ៨,៦-១៣

ព្រះយេស៊ូទទួលមុខងារប្រសើរជាងបូជាចារ្យពីដើមទៅទៀត ព្រោះព្រះអង្គជាស្ពាន​នៃម្ពន្ធមេត្រីមួយប្រសើរជាងសម្ពន្ធមេត្រីមុន គឺជាសម្ពន្ធមេត្រីដែឡចងឡើងដោយ​សារ​ព្រះបន្ទូលសន្យាដ៏ប្រសើរជាង។ ប្រសិនបើសម្ពន្ធមេត្រីមុនល្អឥតខ្ចោះហើយ មិនបាច់ចងសម្ពន្ធមេត្រីទីពីរជំនួសឡើយ។ ព្រះជាម្ចាស់មានព្រះបន្ទូលស្តីបន្ទោសប្រជារាស្រ្ត​របស់ព្រះអង្គដូចតទៅ គឺព្រះអម្ចាស់មានព្រះបន្ទូលថា៖ «បន្តិចទៀតយើងនឹងចងសម្ពន្ធ​មេត្រីមួយថ្មីជាមួយពូជពង្សរបស់អ៊ីស្រាអែលនិងពូជពង្សរបស់យូដា។ សម្ពន្ធមេត្រី​ថ្មីនេះ មិនដូចសម្ពន្ធមេត្រីដែលយើងចងជាមួយបុព្វបុរសរបស់គេ នៅថ្ងៃដែលយើងដឹកដៃបុព្វបុរសទាំងនោះចេញពីស្រុកអេស៊ីបនោះឡើយ។ ពួកគេពុំបានគោរពតាមសម្ពន្ធ​មេត្រីដែលយើងចងជាមួយគេនោះឱ្យបានខ្ជាប់ខ្ជួនទេ។ យើងក៏លែងរវីរវល់នឹង​ពួកគេដែរ។ មែន! ព្រះអម្ចាស់មានព្រះបន្ទូលថា លុះគ្រានេះកន្លងផុតទៅ យើងនឹង​ចងសម្ពន្ធមេត្រីជាមួយ ពូជពង្សអ៊ីស្រាអែលដូចតទៅ យើងនឹងដាក់វិន័យរបស់យើង​ក្នុងប្រាជ្ញារបស់ពួកគេ យើងនឹងចារវិន័យទាំងនោះទុកនៅក្នុងចិត្តរបស់ពួកគេ យើងនឹង​ទៅជាព្រះរបសើពួកគេ ហើយគេនឹងទៅជាប្រជារាស្រ្តរបស់យើង។ ពេលនោះ លែងមាននរណាបង្រៀនជនរួមជាតិរបស់ខ្លួន ហើយក៏លែងមាននរណានិយាយប្រាប់បងប្អូនរបស់ខ្លួនថា “ត្រូវតែស្គាល់ព្រះអម្ចាស់” ទៀតហើយ ព្រោះតាំងពីអ្នកតូចរហូតដល់អ្នកធំ​​គេនឹងស្គាល់យើងគ្រប់ៗគ្នា ដ្បិតយើងនឹងអត់ឱនឱ្យគេចំពោះអំពើទុច្ចរិតដែលគេបានប្រព្រឹត្ត ហើយយើងក៏មិននឹកនាពីអំពើបាបរបស់គេទៀតដែរ»។ ដោយព្រះអង្គ​ហៅសម្ពន្ធមេត្រីនេះថាជា “សម្ព័ន្ធមេត្រីថ្មី” ដូច្នេះ ព្រះអង្គចាត់ទុកសម្ព័ន្ធមេត្រីមុនថាជា​សម្ពន្ធមេត្រីចាស់។ ធម្មតា អ្វីៗដែលចាស់ហើយ កាន់តែចាស់ទៅៗនោះមុខជានឹងត្រូវ​សាបសូន្យបាត់ទៅជាមិនខាន។

ទំនុកតម្កើងលេខ ៨៥ (៨៤).១០-១៤ បទកាកគតិ

ពិធីអបអរសាទរព្រះគម្ពីរដំណឹងល្អតាម ២ ធម ១,១០

អាលេលូយ៉ា! អាលេលូយ៉ា!
មើលហ្ន! ព្រះដំណាក់របស់ព្រះជាម្ចាស់​ស្ថិតនៅជាមួយមនុស្សលោក។ មានគ្រឹះដប់ពីរដែលមានចារឹកឈ្មោះ​គ្រីស្គទូតទាំងដប់ពីររបស់កូនចៀម។ អាលេលូយ៉ា!

សូមថ្លែងព្រះគម្ពីរដំណឹងល្អតាមសន្តម៉ាកុស មក ៣,១៣-១៩

​ព្រះយេស៊ូយាងឡើងទៅលើភ្នំ ព្រះអង្គត្រាស់ហៅអស់អ្នកដែលទ្រង់សព្វព្រះហប្ញទ័យជ្រើសរើសអ្នកទាំងនោះក៏ចូលមកគាល់ព្រះអង្គ។ ព្រះអង្គតែងតាំងដប់ពីរនាក់ឱ្យនៅជាមួយព្រះអង្គ និងដើម្បីចាត់គេឱ្យទៅប្រកាសដំណឹងល្អ ទាំងមានអំណាចដេញ​អារក្ស​ថែមទៀត​ផង។ ព្រះអង្គតែងតាំងអ្នកដប់ពីរអ្នកនេះ គឺស៊ីម៉ូនដែលទ្រង់ដាក់​ឈ្មោះថា “សិលា” យ៉ាកុបជាកូនរបស់លោកសេបេដេ និងយ៉ូហានជាប្អូនរបស់គាត់​ដែល​​ព្រះយេស៊ូដាក់ឈ្មោះថា “បោណើកែស” (ឈ្មោះនេះមានន័យថា” អ្នកដែល​មានចិត្ត​ខ្លាំង​ដូចផ្គរលាន់”) អន់ដ្រេ ភីលីព បាតូឡូមេ ម៉ាថាយ ថូម៉ាស យ៉ាកុប ជាកូនអាល់ផាយ ថាដេ ស៊ីម៉ូន ជាអ្នកជាតិនយម និងយូដាសអ៊ីស្ការីយ៉ុត ជាអ្នកក្បត់ព្រះអង្គ។