ថ្ងៃសុក្រ ទី០១ ខែកញ្ញា ឆ្នាំ២០២៣

អត្ថបទទី១៖ សូមថ្លែងលិខិតទី១របស់គ្រីស្ដទូតប៉ូលផ្ញើជូនគ្រីស្ដបរិស័ទក្រុងថេស្សាឡូនិក ១ ថស ៤,១-៨

បងប្អូនជាទីស្រឡាញ់!
បងប្អូនបានរៀនពីយើងអំពីរបៀបរស់នៅដែលគាប់ព្រះហប្ញទ័យព្រះជាម្ចាស់ ហើយបានប្រព្រឹត្តតាមទៀតផង។ ដូច្នេះ យើងសូមអង្វរ និងសូមដាស់តឿនបងប្អូនក្នុងព្រះនាមព្រះអម្ចាស់យេស៊ូថា សូមបងប្អូនបានប្រសើរលើសពីនេះទៅទៀត!។ បងប្អូនជ្រាបស្រាប់ហើយ​ថា យើងបានទូន្មានបងប្អូនអ្វីខ្លះក្នុងព្រះនាមព្រះអម្ចាស់យេស៊ូ។ ព្រះហប្ញទ័យរបស់ព្រះជាម្ចាស់ គឺបងប្អូនបានវិសុទ្ធ ឱ្យបងប្អូនចៀស​វាងអំពីអំពើប្រាសចាកសីលធម៌។ ម្នាក់ៗត្រូវចេះរួមរស់ជាមួយភរិយារបស់ខ្លួនតាមរបៀបដ៏វិសុទ្ធ និងថ្លៃថ្នូរ មិនបណ្ដោយខ្លួនទៅតាមចំណង់តណ្ហាដូចសាសន៍ដ៏ទៃដែលមិនស្គាល់ព្រះជាម្ចាស់នោះឡើយ។ មិនត្រូវឱ្យបងប្អូនណាម្នាក់ប្រព្រឹត្តអ្វីខុសចំពោះបងប្អូនឯទៀតៗ ឬរំលោភលើសិទិ្ធគេ ក្នុងរឿងសីលធម៌នេះឡើយ ដ្បិតព្រះអង្គម្ចាស់នឹងដាក់ទោសលើអ្នកប្រព្រឹត្តអំពើទំាងនេះ ដូចយើងបាននិយាយ និងបានបញ្ជាក់រួចជាស្រេចមកហើយ។ ព្រះជាម្ចាស់ត្រាស់ហៅយើង មិនមែនឱ្យរស់នៅក្នុងអំពើថោកទាបតទៅទៀតឡើយ គឺឱ្យយើងបានវិសុទ្ធវិញ ដូច្នេះ អ្នកណាបដិសេធមិនព្រមទទួលដំបូន្មាននេះ មិនត្រឹមតែបដិសេធមិនព្រមទទួលមនុស្សប៉ុណ្ណោះទេ គឺ​បដិសេធមិនព្រមទទួលព្រះជាម្ចាស់ដែលបានប្រទានព្រះវិញ្ញាណដ៏វិសុទ្ធរបស់ព្រះអង្គមកនៅក្នុងបងប្អូននោះតែម្ដង ។

ទំនុកតម្កើងលេខ ៩៧ (៩៦),១-២.៥-៦.១០.១២ បទពាក្យ ៧

ពិធីអបអរសាទរព្រះគម្ពីរដំណឹងល្អតាម លក២១,៣៦

អាលេលូយ៉ា! អាលេលូយ៉ា!
អ្នកដែលប្រុងស្មារតីអធិដ្ឋានគ្រប់ពេលវេលាពិតជាមានសុភមង្គល! ដ្បិតគេអាចឈរនៅមុខបុត្រមនុស្ស ។ អាលេលូយ៉ា!

សូមថ្លែងព្រះគម្ពីរដំណឹងល្អតាមសន្តម៉ាថាយ មថ ២៥,១-១៣

នៅគ្រានោះ ព្រះយេស៊ូមានព្រះបន្ទូលទៅកាន់ក្រុមសាវ័កអំពីពេលព្រះអង្គយាងមកវិញ។ ព្រះអង្គមានព្រះបន្ទូលជាប្រស្នាថា៖ «ព្រះរាជ្យនៃស្ថានបរមសុខបៀបបានទៅនឹងស្រ្ដីក្រមុំដប់នាក់ដែលយកចង្កៀងចេញទៅទទួលស្វាមី។ ក្នុងចំណោមពួកនាង
មានប្រាំនាក់ជាស្រ្ដីឥតគំនិត ប្រាំនាក់ទៀតជាស្រី្ដឈ្លាសវៃ។ ស្រី្ដឥតគំនិតយកចង្កៀងទៅ តែមិនយកប្រេងទៅបង្ការជាមួយទេ ។ រីឯស្រ្ដីឈ្លាសវៃវិញ នាងបានយកចង្កៀងទៅ មានទំាងប្រេងបង្ការផង។ ដោយស្វាមីក្រមកដល់ នាងទំាងដប់នាក់ងោកងុយ
ពេក ក៏ដេកលក់ទំាងអស់គ្នា។ លុះដល់ពាក់កណ្ដាលអាធ្រាត្រ មានគេស្រែឡើងថា ស្វាមីមកដល់ហើយ! ចូរនំាគ្នារត់ទៅទទួលលោក!» ស្រ្ដីក្រមុំទំាងនោះក៏ក្រោបឡើងរៀបចំអុចចង្កៀង ស្រ្ដីឥតគំនិតនិយាយទៅកាន់ស្រ្ដីឈ្លាសវៃថា “សុំចែកប្រេងឱ្យយើង
ខ្លះផង ព្រោះចង្កៀងយើងចង់រលត់ហើយ»។ ស្រ្ដីឈ្លាសវៃឆ្លើយទៅវិញថា៖ «ទេ! មិនបានទេ! បើយើងចែកឱ្យពួកនាង ក្រែងមិនគ្រប់សម្រាប់យើងផង សម្រាប់ពួកនាងផង។ ចូរនំាគ្នាទៅទិញនៅផ្ទះលក់ប្រេងទៅ! » ។ នៅពេលស្រ្ដីឥតគំនិតទំាងប្រាំចេញទៅរកទិញប្រេងផុតទៅ ស្រាប់តែស្វាមីមកដល់ ឯស្រី្ដប្រាំនាក់ដែលត្រៀមខ្លួនជាស្រេចនំាគ្នាចូលទៅក្នុងរោងការជាមួយលោក ហើយគេបិទទ្វាជិត។ ក្រោយមក ស្រ្ដីប្រាំនាក់ទៀតមកដល់ ហើយស្រែហៅថា៖ «លោកម្ចាស់! លោកម្ចាស់! សូមបើទ្វាឱ្យយើងខ្ញុំចូលផង!» ។ ស្វាមីឆ្លើយទៅវិញថា៖ «ខ្ញុំសុំប្រាប់ឱ្យនាងទំាងអស់គ្នាដឹងច្បាស់ថា ខ្ញុំមិនស្គាល់ពួកនាងទេ! ”ដូច្នេះ ចូរអ្នករាល់គ្នាប្រុងស្មារតី ដ្បិតអ្នករាល់គ្នាពុំដឹងថា បុត្រមនុស្សនឹងមកដល់ថ្ងៃណា ពេលណាឡើយ» ។