ពាក្យអធិដ្ឋានពេលចូល

បពិត្រព្រះជាម្ចាស់ ប្រកបដោយតេជានុភាពសព្វប្រការ ហើយដែលមានព្រះជន្មគង់នៅអស់កល្បជានិច្ច! ព្រះអង្គបានជ្រើសរើសសន្ត អថាណាស្ស ដើម្បីថែរក្សា និងការងារជំនឿរបស់ព្រហគមន៍ ចំពោះព្រះយេស៊ូដែលពិតជាព្រះបុត្រារបស់ព្រះអង្គ។ សូមទ្រង់ព្រះមេត្តាប្រោសយើងខ្ញុំឱ្យស្គាល់ព្រះអង្គកាន់តែច្បាស់ និងស្រឡាញ់ព្រះអង្គកាន់តែខ្លាំងឡើងៗផង។

អត្ថបទទី១៖ សូមថ្លែងសិខិតទី១ របស់សន្ដយ៉ូហាន ១យហ ៥,១-៥

អ្នក​ណា​ជឿ​ថា​ព្រះ‌យេស៊ូ​ពិត​ជា​ព្រះ‌គ្រីស្ត អ្នក​នោះ​កើត​មក​ពី​ព្រះ‌ជាម្ចាស់ ហើយ​អ្នក​ណា​ស្រឡាញ់​ព្រះ‌បិតា អ្នក​នោះ​ក៏​ស្រឡាញ់​អ្នក​ដែល​កើត​មក​ពី​ព្រះ‌អង្គ​ដែរ។ ដោយ​យើង​ស្រឡាញ់​ព្រះ‌ជាម្ចាស់ និង​ប្រតិបត្តិ​តាម​វិន័យ​របស់​ព្រះ‌អង្គ យើង​នឹង​ដឹង​ថា យើង​ពិត​ជា​ស្រឡាញ់​បុត្រ​ធីតា​របស់​ព្រះ‌ជាម្ចាស់។ យើង​មាន​សេចក្ដី​ស្រឡាញ់​របស់​ព្រះ‌ជាម្ចាស់​ក្នុង​ខ្លួន​មែន លុះ​ត្រា​តែ​យើង​កាន់​តាម​វិន័យ​របស់​ព្រះ‌អង្គ។ វិន័យ​របស់​ព្រះ‌អង្គ​មិន​តឹង‌តែង​ទេ ព្រោះ​អស់​អ្នក​ដែល​កើត​មក​ពី​ព្រះ‌ជាម្ចាស់សុទ្ធ​តែ​ឈ្នះ​លោកីយ៍​នេះ គឺ​ជំនឿ​របស់​យើង​ហ្នឹង​ហើយដែល​បាន​ឈ្នះ​លោកីយ៍។ តើ​អ្នក​ណា​អាច​ឈ្នះ​លោកីយ៍​បាន? គឺ​អ្នក​ដែល​ជឿ​ថា ព្រះ‌យេស៊ូ​ពិត​ជា​ព្រះ‌បុត្រា​របស់​ព្រះ‌ជាម្ចាស់។

ទំនុកតម្កើងលេខ ៣៧( ៣៦) ,៣-៦.៣០ បទព្រហ្មគីតិ

ពិធីអបអរសាទរព្រះគម្ពីរដំណឹងល្អតាម រម ១៤,១៧

សូមថ្លែងព្រះគម្ពីរដំណឹងល្អតាមសន្តម៉ាថាយ  មថ ១០,២២–២៥

មនុស្ស​គ្រប់ៗ​រូប​នឹង​ស្អប់​អ្នក​រាល់​គ្នា ព្រោះ​តែ​នាម​ខ្ញុំ។ ប៉ុន្តែអ្នក​ណា​ស៊ូ‌ទ្រាំ​រហូត​ដល់​ចុង​បញ្ចប់ ព្រះ‌ជាម្ចាស់​នឹង​សង្គ្រោះ​អ្នក​នោះ។ ប្រសិន​បើ​គេ​បៀត‌បៀន​អ្នក​រាល់​គ្នា​នៅ​ក្រុង​ណា​មួយ ចូរ​រត់​ទៅ​ក្រុង​មួយ​ទៀត​ទៅ។ ខ្ញុំ​សុំ​ប្រាប់​ឱ្យ​អ្នក​រាល់​គ្នា​ដឹង​ច្បាស់​ថា បុត្រ​មនុស្ស​នឹង​មក​ដល់ មុន​អ្នក​រាល់​គ្នា​ទៅ​ដល់​ក្រុង​ទាំង​ប៉ុន្មានក្នុង​ស្រុក​អ៊ីស្រា‌អែល​ទៅ​ទៀត។ ពុំ​ដែល​មាន​សិស្ស​ណា​ចេះ​ជាង​គ្រូ​ឡើយ ហើយ​ក៏​ពុំ​ដែល​មាន​អ្នក​បម្រើ​ណា​ធំ​ជាង​ម្ចាស់​ដែរ បើ​សិស្ស​ចេះ​បាន​ដូច​គ្រូ ហើយ​អ្នក​បម្រើ​បាន​ដូច​ម្ចាស់ នោះ​ល្មម​គ្រប់‌គ្រាន់​ហើយ។ ប្រសិន​បើ​គេ​ឱ្យ​ឈ្មោះ​ម្ចាស់​ផ្ទះ​ថា បេល‌សេ‌ប៊ូល​​ទៅ​ហើយ គេ​មុខ​ជា​ឱ្យ​​ឈ្មោះ​អ្នក​នៅ​ក្នុង​ផ្ទះ​នោះរឹត​តែ​អាក្រក់​ជាង​នេះ​ទៅ​ទៀត​មិន​ខាន»។

ពាក្យថ្វាយតង្វាយ

បពិត្រព្រះជាម្ចាស់! យើងខ្ញុំសូមថ្វាយ កាយ វាចា ចិត្ត និងជំនឿរបស់ខ្លួនទុកជាសក្ការបូជាដែលមានជីវិត។ សូមព្រះអង្គទ្រង់ព្រះមេត្តាទទួលតង្វាយរបស់យើងខ្ញុំដោយអនុគ្រោះ សូមពង្រឹងជំនឿយើងខ្ញុំផង។

ពាក្យអរព្រះគុណ

បពិត្រព្រះអម្ចាស់ ប្រកបដោយតេជានុភាពសព្វប្រការ! ព្រះអង្គបានប្រទានព្រះកាយព្រះបុត្រាឱ្យយើងខ្ញុំទុកជាអាហារ។ ដោយយើងខ្ញុំប្រកាសជំនឿដូចសន្តអថាណាស្សថា ព្រះយេស៊ូពិតជាព្រះបុត្រារបស់ព្រះអង្គមែននោះ សូមទ្រង់ព្រះមេត្តាជួយយើងខ្ញុំឱ្យរស់នៅ តាមរបៀបរស់នៅសមនឹងឋានៈរបស់ខ្លួនជាបុត្រធីតាព្រះអង្គផង។