រដូវរង់ចាំ

ឬ សន្តហ្រ្វង់ស្វ័រ សាវីយេ ជាបូជាចារ្យ

ថ្ងៃអង្គារ សប្ដាហ៍ទី១
_{(ពេលព្រឹក)}

ការអញ្ជើញមុនអធិដ្ឋាននៅពេលព្រឹក

ថ្ងៃអង្គារ នៃរដូវរង់ចាំ រហូតដល់ថ្ងៃទី១៦ ខែធ្នូ៖

• ឱព្រះអម្ចាស់អើយ! សូមបើកបបូរមាត់របស់ទូលបង្គំ
  សូមឱ្យមាត់របស់ទូលបង្គំថ្លែងពាក្យសរសើរតម្កើងព្រះអង្គ។

បន្ទរ៖ សូមអញ្ជើញមក យើងនាំគ្នាលើកតម្កើងព្រះ‌អម្ចាស់ ជាព្រះមហាក្សត្រ! ដ្បិតព្រះអង្គនឹងយាងមកសង្គ្រោះយើង។

ទំនុកតម្កើងតាមការជ្រើសរើស

***

ឱព្រះអម្ចាស់អើយ! សូមយាងមកជួយទូលបង្គំ
សូមព្រះអម្ចាស់យាងមកជួយសង្គ្រោះយើងខ្ញុំផង!
សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក
ហើយជាដរាបតរៀងទៅ។ អាម៉ែន! (អាលេលូយ៉ា!)

ចម្រៀងចូល (សូមជ្រើសរើសបទចម្រៀងមួយ)

ទំនុកតម្កើងលេខ ២៤

ព្រះអម្ចាស់យាងចូលក្នុងព្រះវិហាររបស់ព្រះអង្គ

ទ្វារនៃផ្ទៃមេឃបើកចំហរ នៅចំពោះព្រះភក្ត្រព្រះគ្រីស្ត​ ដែលយាងឡើង​ស្ថាន​បរមសុខ (សន្តអ៊ីរេណេ)។

បន្ទរទី១ ៖ អ្នកប្រព្រឹត្តអំពើត្រឹមត្រូវ និងមានចិត្តបរិសុទ្ធ នឹងឡើងទៅលើភ្នំរបស់ព្រះអម្ចាស់។

១	ផែនដី និងអ្វីៗសព្វសារពើ សុទ្ធតែជាកម្មសិទ្ធិរបស់ព្រះជាម្ចាស់ ពិភពលោក និងអ្វីៗទាំងអស់ដែលរស់នៅក្នុងពិភពលោក ក៏ជាកម្មសិទ្ធិរបស់ព្រះអង្គដែរ!
២	គឺព្រះអង្គហើយដែលបានចាក់គ្រឹះផែនដីពីសមុទ្រ ហើយធ្វើឱ្យផែនដីស្ថិតនៅយ៉ាងរឹងប៉ឹងពីលើជម្រៅទឹក។
៣	តើនរណាអាចឡើងទៅលើភ្នំរបស់ព្រះអម្ចាស់បាន? តើនរណាអាចឈរនៅក្នុងព្រះវិហារដ៏វិសុទ្ធរបស់ព្រះអង្គបាន?
៤	គឺអ្នកប្រព្រឹត្តអំពើត្រឹមត្រូវ និងមានចិត្តបរិសុទ្ធ ទើបឡើងទៅបាន ជាអ្នកដែលមិនបណ្តោយខ្លួនទៅថ្វាយបង្គំព្រះក្លែងក្លាយ និងមិននិយាយស្បថបំពាន។
៥	ព្រះអម្ចាស់នឹងប្រទានពរដល់គេ ហើយព្រះជាម្ចាស់ជាព្រះសង្គ្រោះនឹងប្រោសគេឱ្យបានសុចរិតដែរ។
៦	គឺអ្នកទាំងនេះហើយ ជាប្រជារាស្ត្រដែលស្វែងរកព្រះអង្គ ជាអ្នកស្វែងរកព្រះភក្ត្រព្រះរបស់លោកយ៉ាកុប។
៧	ឱទ្វារទាំងឡាយអើយ! ចូរបើកចំហរ! ក្លោងទ្វារដែលនៅស្ថិតស្ថេរអស់កល្បជានិច្ចអើយ! ចូរចំហរឱ្យធំ ដើម្បីឱ្យព្រះមហាក្សត្រប្រកបដោយសិរីរុងរឿងយាងចូលមក!
៨	តើព្រះមហាក្សត្រប្រកបដោយសិរីរុងរឿងនេះជានរណា? គឺព្រះអម្ចាស់ប្រកបដោយព្រះចេស្តាដ៏ខ្លាំងពូកែ ព្រះអម្ចាស់ជាអ្នកចំបាំងដ៏អង់អាច។ គឺព្រះអង្គហើយដែលជាព្រះមហាក្សត្រប្រកបដោយសិរីរុងរឿង!។
៩	ទ្វារទាំងឡាយអើយ! ចូរបើកចំហ! ក្លោងទ្វារដែលនៅស្ថិតស្ថេរអស់កល្បជានិច្ចអើយ! ចូរចំហឱ្យធំ ដើម្បីឱ្យព្រះមហាក្សត្រប្រកបដោយសិរីរុងរឿងយាងចូលមក!
១០	តើព្រះមហាក្សត្រប្រកបដោយសិរីរុងរឿងនេះជានរណា? ព្រះអម្ចាស់នៃពិភពទាំងមូល គឺព្រះអង្គហើយដែលជាព្រះមហាក្សត្រប្រកបដោយសិរីរុងរឿង!។

សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!

បន្ទរ ៖ អ្នកប្រព្រឹត្តអំពើត្រឹមត្រូវ និងមានចិត្តបរិសុទ្ធ នឹងឡើងទៅលើភ្នំរបស់ព្រះអម្ចាស់។

បទលើកតម្កើងតាមលោកតូប៊ីត (តប ១៣,១-៥ខ.៧-៨)

ព្រះជាម្ចាស់ដាក់ទោស ហើយក៏សង្រ្គោះផងដែរ

សូមសរសើរតម្កើងព្រះជាម្ចាស់ ជាព្រះបិតារបស់ព្រះយេស៊ូគ្រីស្ដ ជាព្រះអម្ចាស់នៃ​យើង!​
ព្រះជាម្ចាស់បានប្រោសយើងឱ្យកើតជាថ្មី​ ស្របតាមព្រះហឫទ័យ​មេត្តា​ករុណា​ដ៏លើសលប់របស់ព្រះអង្គ (១សល ១,៣)។

បន្ទរទី២ ៖ ការអ្វីក៏ដោយដែលបង‌ប្អូនធ្វើ ចូរកោតសរសើរព្រះ‌មហាក្សត្រ អស់កល្បជាអង្វែងតរៀងទៅ។

(បទកាកគតិ)

បន្ទរ ៖ ការអ្វីក៏ដោយដែលបង‌ប្អូនធ្វើ ចូរកោតសរសើរព្រះ‌មហាក្សត្រ អស់កល្បជាអង្វែងតរៀងទៅ។

ទំនុកតម្កើងលេខ ៣៣

ចម្រៀងកោតសរសើរព្រះជាម្ចាស់ ដែលបានការពារថែរក្សា

អ្វីៗសព្វសារពើសុទ្ធតែកើតឡើងដោយសារព្រះបន្ទូល (យហ ១,៣)។

បន្ទរទី៣ ៖ មានតែមនុស្សទៀងត្រង់ប៉ុណ្ណោះ ដែលគួរនឹងកោតសរសើរព្រះអង្គ។

១	មនុស្សសុចរិតអើយ! ចូរនាំគ្នាអបអរសាទរលើកតម្កើងព្រះអម្ចាស់! មានតែមនុស្សទៀងត្រង់ប៉ុណ្ណោះ ដែលគួរនឹងកោតសរសើរព្រះអង្គ។
២	ចូរដេញពិណលើកតម្កើងព្រះអម្ចាស់ ចូរលេងចាប៉ីខ្សែដប់ថ្វាយព្រះអង្គផង។
៣	ចូរច្រៀងបទថ្មីថ្វាយព្រះអង្គ! ចូរប្រគុំតន្ត្រីយ៉ាងពីរោះក្នុងពេលអបអរសាទរព្រះអង្គ
៤	ដ្បិតព្រះអម្ចាស់មានព្រះបន្ទូលយ៉ាងទៀងត្រង់ ព្រះអង្គតែងតែប្រព្រឹត្តតាមព្រះបន្ទូលសន្យាជានិច្ច។
៥	ព្រះអង្គសព្វព្រះហឫទ័យនឹងសេចក្តីសុចរិត ព្រមទាំងសេចក្តីយុត្តិធម៌ ផែនដីទាំងមូលសម្តែងអំពីព្រះហឫទ័យមេត្តាករុណារបស់ព្រះអម្ចាស់។
៦	ផ្ទៃមេឃកើតឡើងដោយសារព្រះបន្ទូលរបស់ព្រះអម្ចាស់ ហើយហ្វូងផ្កាយទាំងអស់នៅលើមេឃ ក៏កើតឡើងដោយសារព្រះបញ្ជារបស់ព្រះអង្គដែរ
៧	ព្រះអង្គបានធ្វើឱ្យទឹកសមុទ្រមកផ្តុំគ្នា ព្រះអង្គបង្ឃាំងមហាសមុទ្រឱ្យនៅមួយកន្លែង
៨	ចូរឱ្យផែនដីទាំងមូលគោរពកោតខ្លាចព្រះអម្ចាស់ ចូរឱ្យមនុស្សទាំងអស់លើផែនដីស្ញែងខ្លាចព្រះអង្គ!
៩	ដ្បិតពេលព្រះអង្គមានព្រះបន្ទូល អ្វីៗក៏កើតមានឡើងភ្លាម ព្រះអង្គបង្គាប់យ៉ាងណាក៏កើតមានយ៉ាងនោះ។
១០	ព្រះអម្ចាស់បំបែកផែនការរបស់ប្រជាជាតិនានា! ព្រះអង្គរំលាយគម្រោងការរបស់ប្រជាជនទាំងឡាយ។
១១	រីឯផែនការរបស់ព្រះអង្គវិញ នៅស្ថិតស្ថេររហូតតរៀងទៅ គម្រោងការរបស់ព្រះអង្គក៏នៅស្ថិតស្ថេរអស់កល្បជានិច្ចដែរ។
១២	ប្រជាជាតិដែលគោរពបម្រើព្រះអម្ចាស់ ទុកជាព្រះរបស់ខ្លួនមានសុភមង្គលហើយ! ប្រជាជនដែលព្រះអង្គបានជ្រើសរើស ទុកជាប្រជារាស្ត្ររបស់ព្រះអង្គផ្ទាល់ មានសុភមង្គលហើយ!។
១៣	ព្រះអម្ចាស់ទតពីស្ថានបរមសុខមក ព្រះអង្គទតឃើញមនុស្សលោកទាំងអស់
១៤	ពីព្រះដំណាក់របស់ព្រះអង្គ ព្រះអង្គរំពៃមើលមនុស្សទាំងអស់ ដែលរស់នៅលើផែនដី
១៥	គឺព្រះអង្គហើយដែលបានបង្កើតចិត្តគំនិតគេម្នាក់ៗដូចគ្នា ព្រះអង្គពិនិត្យមើលអំពើទាំងអស់ដែលគេប្រព្រឹត្ត។
១៦	ពុំដែលមានស្តេចណាយកជ័យជម្នះបាន ដោយសារកងទ័ពដ៏ខ្លាំងពូកែនោះឡើយ ក៏ពុំដែលមានវីរបុរសណាវាយឈ្នះ ដោយសារកម្លាំងខ្លាំងក្លារបស់ខ្លួននោះដែរ។
១៧	សេះចម្បាំងពុំអាចធ្វើឱ្យមានជ័យជម្នះបានឡើយ ទោះបីវាខ្លាំងយ៉ាងណាក៏ដោយ ក៏ពុំអាចសង្គ្រោះគេបានដែរ។
១៨	ព្រះអម្ចាស់តាមថែរក្សាអស់អ្នកដែលគោរពកោតខ្លាចព្រះអង្គ គឺអស់អ្នកដែលពឹងផ្អែកលើព្រះហឫទ័យមេត្តាករុណារបស់ព្រះអង្គ។
១៩	ព្រះអង្គសង្គ្រោះគេឱ្យរួចពីសេចក្តីស្លាប់ ហើយគេបានរួចជីវិតនៅគ្រាមានទុរ្ភិក្ស។
២០	យើងផ្ញើជីវិតលើព្រះអម្ចាស់ ព្រះអង្គជាខែលដែលសង្គ្រោះ និងការពារយើង
២១	យើងមានអំណរព្រោះតែព្រះអង្គ យើងទុកចិត្តលើព្រះនាមដ៏វិសុទ្ធបំផុតរបស់ព្រះអង្គ។
២២	ឱព្រះអម្ចាស់អើយ! សូមសម្តែងព្រះហឫទ័យមេត្តាករុណាមកលើយើងខ្ញុំផង ព្រោះយើងខ្ញុំផ្ញើជីវិតលើព្រះអង្គហើយ។

សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!

បន្ទរ ៖ មានតែមនុស្សទៀងត្រង់ប៉ុណ្ណោះ ដែលគួរនឹងកោតសរសើរព្រះអង្គ។

ព្រះបន្ទូលរបស់ព្រះជាម្ចាស់ (កណ ៤៩,១០)

ព្រះ‌ខ័ន‌រាជ្យ​នឹង​មិន​ចាក​ចេញ​ពី​យូដា​ឡើយ ពូជ‌ពង្ស​យូដា​នឹង​គ្រង​រាជ្យ​ជា‌និច្ច
រហូត​ទាល់​តែ​ព្រះ​មហា‌ក្សត្រដែល​ជា​ម្ចាស់​នៃ​ព្រះ‌ខ័ន​រាជ្យ​នេះ​យាង​មក​ដល់
ហើយ​ប្រជា‌រាស្ត្រ​នានា​ត្រូវ​តែ​ចុះ​ចូលនឹង​ព្រះ‌អង្គ។

បន្ទរ៖ យេរូ‌សាឡឹមអើយ! ចូរក្រោកឡើង បញ្ចាំងពន្លឺ ដ្បិតពន្លឺរបស់អ្នកមកដល់ហើយ!
*សិរី‌រុងរឿងរបស់ព្រះ‌អម្ចាស់ភ្លឺមកលើអ្នកដូចថ្ងៃរះ។ បន្ទរឡើងវិញ៖…
—អ្នកនឹងឃើញសិរីរុងរឿងរបស់ព្រះអង្គនៅក្នុងអ្នក។ បន្ទរ៖ *…
សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ។ បន្ទរ៖…

ទំនុកតម្កើងរបស់លោកសាការី

អាទិត្យទី១៖ មាន​ខ្នែង​មួយ​ដុះ​ចេញ​ពី​គល់របស់​លោក​យេសាយ។
សិរីរុងរឿងរបស់ព្រះអម្ចាស់មានពាស‌ពេញ​លើ​ផែន‌ដី​ទាំង​មូល
ហើយស្នាព្រះហស្តទាំងប៉ុន្មាននឹងឃើញពីឫទ្ធានុភាពរបស់ព្រះអង្គ។

៦៨	”សូមលើកតម្កើងព្រះអម្ចាស់ ជាព្រះរបស់ជនជាតិអ៊ីស្រាអែល ដ្បិតទ្រង់សព្វព្រះហឫទ័យយាងមករំដោះប្រជារាស្ត្ររបស់ព្រះអង្គ។
៦៩	ទ្រង់បានប្រទានព្រះសង្គ្រោះដ៏មានឫទ្ធិមួយព្រះអង្គ ពីក្នុងចំណោមព្រះញាតិវង្សរបស់ព្រះបាទដាវីឌ ជាអ្នកបម្រើព្រះអង្គឱ្យមកយើង។
៧០	ព្រះជាម្ចាស់ប្រទានព្រះសង្គ្រោះនេះមកយើង ស្របនឹងព្រះបន្ទូលសន្យា ថ្លែងតាមរយៈព្យាការីរបស់ព្រះអង្គនៅជំនាន់ដើម
៧១	គឺព្រះអង្គសង្គ្រោះយើងឱ្យរួចពីកណ្តាប់ដៃរបស់ខ្មាំងសត្រូវ និងរួចពីអំណាចរបស់អ្នកដែលស្អប់យើង
៧២	ព្រះអង្គសម្ដែងព្រះហឫទ័យមេត្តាករុណាដល់បុព្វបុរសយើង ហើយគោរពតាមសម្ពន្ធមេត្រីរបស់ព្រះអង្គយ៉ាងស្មោះស្ម័គ្រ
៧៣	គឺព្រះអង្គបានសន្យាយ៉ាងម៉ឺងម៉ាត់ដល់លោកអប្រាហាំ ជាបុព្វបុរសរបស់យើងថា
៧៤	ទ្រង់នឹងរំដោះយើងឱ្យរួចពីកណ្តាប់ដៃរបស់ខ្មាំងសត្រូវ ដើម្បីយើងអាចគោរពបម្រើព្រះអង្គបានដោយឥតភ័យខ្លាច
៧៥	ព្រមទាំងឱ្យយើងរស់នៅបានបរិសុទ្ធ និងសុចរិតជាទីគាប់ព្រះហឫទ័យព្រះជាម្ចាស់ ជារៀងរាល់ថ្ងៃ រហូតអស់មួយជីវិត។
៧៦	ចំណែកឯកូនវិញ កូននឹងទៅជាព្យាការីរបស់ព្រះដ៏ខ្ពង់ខ្ពស់បំផុត ព្រោះកូននឹងដើរមុខព្រះអម្ចាស់ ដើម្បីរៀបចំផ្លូវថ្វាយព្រះអង្គ។
៧៧	កូននឹងឱ្យប្រជារាស្ត្ររបស់ព្រះអង្គដឹងថា ព្រះអង្គសង្គ្រោះគេ ដោយលើកលែងគេឱ្យរួចពីបាប។
៧៨	ព្រះរបស់យើងមានព្រះទ័យមេត្តាករុណាដ៏លើសលប់ ព្រះអង្គប្រទានថ្ងៃរះពីស្ថានលើមក ដើម្បីរំដោះយើង
៧៩	និងដើម្បីបំភ្លឺអស់អ្នកដែលស្ថិតនៅក្នុងទីងងឹត ក្រោមអំណាចនៃសេចក្តីស្លាប់ ព្រមទាំងតម្រង់ផ្លូវយើងឆ្ពោះទៅរកសេចក្តីសុខសាន្ត។

សូមកោតសរសើរព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
ដែលព្រះអង្គគង់នៅតាំងពីដើមរៀងមក ហើយជាដរាបតរៀងទៅ អាម៉ែន!

ឬ ទំនុកតម្កើងរបស់លោកសាការី (តាមបែបស្មូត) បទពាក្យ ៧

អាទិត្យទី១៖ មាន​ខ្នែង​មួយ​ដុះ​ចេញ​ពី​គល់របស់​លោក​យេសាយ។
សិរីរុងរឿងរបស់ព្រះអម្ចាស់មានពាស‌ពេញ​លើ​ផែន‌ដី​ទាំង​មូល
ហើយស្នាព្រះហស្តទាំងប៉ុន្មាននឹងឃើញពីឫទ្ធានុភាពរបស់ព្រះអង្គ។

ពាក្យអង្វរសកល ៖ អាទិត្យទី១&៣

បពិត្រព្រះជាម្ចាស់ជាព្រះបិតា ដ៏មានឫទ្ធានុភាពសព្វប្រការ ! ព្រះអង្គបានលាតសន្ធឹងព្រះហស្តម្តងទៀត
ដើម្បីកាន់កាប់ប្រជាជនដែលនៅសេសសល់ ធ្វើជាកម្មសិទ្ធរបស់ព្រះអង្គ។ យើងខ្ញុំសូមទូលអង្វរទៅព្រះអង្គថា ៖

បន្ទរ៖ ឱព្រះអម្ចាស់អើយ! សូមឱ្យព្រះរាជ្យរបស់ព្រះអង្គបានមកដល់!

បពិត្រព្រះអម្ចាស់ ! សូមប្រោសឱ្យកិច្ចការដែលយើងខ្ញុំធ្វើទុក្ករកិរិយាបានគាប់ព្រះហឫទ័យព្រះអង្គ
—ហើយសូមឱ្យយើងខ្ញុំត្រៀមខ្លួនរួចជាស្រេចសម្រាប់ព្រះរាជ្យព្រះអង្គដែលនៅជិតបង្កើយផង។ (បន្ទរ)

សូមព្រះអង្គរៀបចំផ្លូវក្នុងដួងចិត្តយើងខ្ញុំ ដើម្បីទទួលព្រះបន្ទូលព្រះអង្គយ៉ាងសមរម្យ
—ហើយសូមព្រះអង្គសម្តែងសិរីរុងរឿងក្នុងចំណោមយើងខ្ញុំផង។ (បន្ទរ)

សូមព្រះអង្គយកភ្នំនៃភាពអំនួតរបស់យើងខ្ញុំមកដាក់នៅទីទាប
—ហើយសូមព្រះអង្គបំពេញជ្រលងភ្នំនៃភាពទន់ខ្សោយរបស់យើងខ្ញុំផង។ (បន្ទរ)

សូមព្រះអង្គរំលំជញ្ជាំងនៃការស្អប់ខ្ពើម ដែលនាំឱ្យប្រជាជាតិបែង ចែកជាតិសាសន៍គ្នា
—សូមឱ្យពួកគេធ្វើផ្លូវដែលនាំទៅរកសន្តិភាព ដើម្បីមនុស្សធម៌ផង។ (បន្ទរ)

ធម៌ “ឱព្រះបិតា”

ឱព្រះបិតាយើងខ្ញុំ ដែលគង់នៅស្ថានបរមសុខអើយ!
សូមសម្តែងព្រះបារមី ឱ្យមនុស្សលោកស្គាល់ព្រះនាមព្រះអង្គ
សូមឱ្យព្រះរាជ្យព្រះអង្គបានមកដល់
សូមឱ្យព្រះហឫទ័យរបស់ព្រះអង្គបានសម្រេចនៅលើផែនដី
ដូចនៅស្ថានបរមសុខដែរ។
សូមប្រទានអាហារ ដែលយើងខ្ញុំត្រូវការនៅថ្ងៃនេះ។
សូមអត់ទោសឱ្យយើងខ្ញុំ ដូចយើងខ្ញុំអត់ទោសឱ្យ
អស់អ្នកដែលបានប្រព្រឹត្តខុសនឹងយើងខ្ញុំ។
សូមកុំបណ្តោយឱ្យយើងខ្ញុំ ចាញ់ការល្បួងឡើយ
តែសូមរំដោះយើងខ្ញុំ ឱ្យរួចពីមារកំណាច។

ពាក្យអធិដ្ឋាន

បពិត្រព្រះអម្ចាស់ជាព្រះបិតា !
ព្រះអង្គជាទីពឹង និងជាខែលការពារយើងខ្ញុំជានិច្ច។
សូមព្រះអង្គសណ្តាប់ពាក្យអង្វររបស់យើងខ្ញុំ
ដែលកំពុងជួបប្រទះទុក្ខលំបាកគ្រប់យ៉ាងក្នុងលោកនេះ។
សូមព្រះបុត្រាដ៏ជាទីស្រឡាញ់របស់ព្រះអង្គគង់នៅជាមួយយើងខ្ញុំ
ហើយប្រទានពរឲ្យយើងខ្ញុំមានចិត្តក្លាហាន និងជៀសផុតពីអំពើបាបនានា។

យើងខ្ញុំសូមអង្វរព្រះអង្គដោយរួមជាមួយព្រះយេស៊ូគ្រីស្ត ជាព្រះបុត្រាព្រះអង្គ ដែលមានព្រះជន្មគង់នៅ
និងសោយរាជ្យរួមជាមួយព្រះបិតា និងព្រះវិញ្ញាណដ៏វិសុទ្ធអស់កល្បជាអង្វែងតរៀងទៅ។ អាម៉ែន!

ពិធីបញ្ចប់៖ ប្រសិនបើលោកបូជាចារ្យ ឬលោកឧបដ្ឋាកធ្វើជាអធិបតី លោកចាត់បងប្អូនឱ្យទៅដោយពោលថា៖
សូមព្រះអម្ចាស់គង់ជាមួយបងប្អូន
ហើយគង់នៅជាមួយវិញ្ញាណរបស់លោកផង
សូមព្រះជាម្ចាស់ដ៏មានឫទ្ធានុភាពសព្វប្រការ ប្រទានព្រះពរដល់អស់បងប្អូន
គឺព្រះបិតា និងព្រះបុត្រា និងព្រះវិញ្ញាណដ៏វិសុទ្ធ
អាម៉ែន។
សូមអញ្ជើញឱ្យបានសុខសាន្ត
សូមអរព្រះគុណព្រះជាម្ចាស់។
ពេលមានវត្តមានលោកបូជាចារ្យ ឬលោកឧបដ្ឋាក និងបុគ្គលម្នាក់សូត្រ ពាក្យអធិដ្ឋានពេលព្រឹក៖
សូមព្រះអម្ចាស់ប្រទានព្រះពរ និងការពារយើងខ្ញុំឱ្យរួចផុតពីមារកំណាច ព្រមទាំងប្រទានជីវិតអស់កល្បជានិច្ចឱ្យយើងខ្ញុំ។
អាម៉ែន។