តើខ្ញុំអាចធ្វើអ្វីបានចំពោះការបំពានលើបណ្តាញសង្គម? | What can I do about online abuse?

មាតិកា | Contents

តើខ្ញុំអាចធ្វើអ្វីបានចំពោះការបំពានលើបណ្តាញសង្គម?
What can I do about online abuse?

ការបំពានលើអ៊ីនធឺណែត គឺជាការបំពានដោយប្រើប្រាស់បច្ចេកវិទ្យាឌីជីថល ដែលអាចកើតមាននៅលើបណ្ដាញទំនាក់ទំនងសង្គម តាមរយៈកម្មវិធីផ្ញើសារ កម្មវិធីល្បែង និងកម្មវិធីទូរស័ព្ទដៃជាដើម។

ការបំពានកើតឡើងម្តងហើយម្ដងទៀតក្នុងគោលបំណងបំភ័យ បង្កកំហឹង ឬបង្កភាពអាម៉ាស់ចំពោះបុគ្គលណាម្នាក់។ ទម្រង់នៃការបំពានមានច្រើនសណ្ឋានដូចជា៖ ការផ្សព្វផ្សាយបោកប្រាស់ ការបង្ហោះរូបភាពអាម៉ាស់ ការផ្ញើសារបញ្ឈឺចិត្ត ឬគម្រាម ឬការក្លែងបន្លំខ្លួនជាជនរងគ្រោះ ហើយផ្ញើសារអាក្រក់ជាច្រើនទៅអ្នកដទៃជាដើម។ ដើម្បីបញ្ឈប់រាល់ការបំពានលើអ៊ីនធឺណែតមិនត្រូវកោះហៅជនល្មើសតែប៉ុណ្ណោះទេ គឺត្រូវប្រដៅឱ្យចេះគោរពចំពោះមនុស្សគ្រប់គ្នា ទាំងនៅលើបណ្ដាញអ៊ីនធឺណែត និងនៅក្នុងជីវិតជាក់ស្តែងផងដែរ។

លទ្ធិព្រះសហគមន៍ចែងអ្វីខ្លះ?

ការបំពានលើអ៊ីនធឺណែតបង្កើតឱ្យមានកំហឹង ការថប់បារម្ភ និងទ្រុស្ដមិត្ត។ សម្តេចប៉ាប ហ្រ្វង់ស៊ីស្កូ រម្លឹកយើងឱ្យចេះប្រើប្រាស់អ៊ីនធឺណែត និងបណ្ដាញសង្គមដើម្បីបង្កើតមិត្តភាព។ សម្តេចប៉ាបថ្លែងថា៖

«មិត្តភាពមិនមែនមានទំនាក់ទំនងតែមួយគ្រា ឬបណ្ដោះអាសន្ននោះទេ
តែជាការកសាងទំនាក់ទំនងដែលឋិតថេរ មាំទាំ និងទុកចិត្តគ្នា
ហើយចម្រើនឡើងតាមពេលវេលា។
ទំនាក់ទំនងប្រកបដោយមនោសញ្ចេតនាដែលបង្រួបបង្រួមយើង
និងមានចិត្តស្រឡាញ់ដ៏សប្បុរសញ៉ាំងឱ្យយើងចេះស្វែងរកគុណសម្បត្តិពីមិត្តសម្លាញ់របស់ខ្លួន។
មិត្តសម្លាញ់អាចមានភាពស្ងៀមស្ងាត់ខុសប្លែកពីគ្នាទៅវិញទៅមក
ប៉ុន្តែមានចំនុចរួមដូចគ្នាដែលទាក់ទាញពួកគេឱ្យជិតស្និទ្ធគ្នាដោយបើកចំហរ
និងទុកចិត្តគ្នាទៅវិញទៅមក។»
(Christus Vivit ១៥២)

តើព្រះគម្ពីរចែងអ្វីខ្លះ?

«ព្រះ‌ជាម្ចាស់ពុំបានប្រទានឱ្យយើងមានវិញ្ញាណដែលនាំឱ្យខ្លាចទេ
គឺព្រះ‌អង្គប្រទានឱ្យយើងទទួលវិញ្ញាណដែលផ្ដល់កម្លាំង
សេចក្ដីស្រឡាញ់ និងចិត្តធ្ងន់។»
(២ធម ១,៧)

ថ្ងៃខ្លះយើងអាចមានអារម្មណ៍ថា អ្នកបំពានលើអ៊ីនធឺណែតមានឥទ្ធិពលបង្កមកលើយើង ប៉ុន្តែឥទ្ធិពលទាំងនោះមាននៅក្នុងពួកគេ ដោយសារយើងជាអ្នកផ្តល់ឱ្យតែប៉ុណ្ណោះ។ អ្នកដែលបំពានមកលើយើងគ្មានឥទ្ធិពលអ្វីនោះទេ ឥទ្ធិពលមានតែនៅក្នុងអ្នកដែលត្រូវទទួលតែប៉ុណ្ណោះ។ ព្រះជាម្ចាស់បានប្រទានវិញ្ញាណឱ្យយើងចេះប្រយុទ្ធប្រឆាំងនឹងឥទ្ធិពលអាក្រក់ជូចត់ និងការស្អប់ខ្ពើម ហើយវិញ្ញ្ាណនោះនាំឱ្យយើងចេះពឹងផ្អែកលើព្រះជាម្ចាស់ដែលស្រឡាញ់ និងការគាំទ្រយើង។

យើងអាចស្គាល់ក្រុមជនបំពានបានច្បាស់តាមរយៈទង្វើរបស់ពួកគេ ដែលបណ្តាលមកពីកង្វះខាតការយកចិត្តទុកដាក់ និងសេចក្តីស្រឡាញ់ដែលពួកគេត្រូវការពីយើង។ កុំយកសេចក្តីស្អប់ខ្ពើមឆ្លើយតបចំពោះការចង់បានរបស់ពួកគេឡើយ។ ចូរឆ្លើយតបដោយសេចក្តីស្រឡាញ់ ឬជួនកាលមិនចាំបាច់រវីរវល់ក៏បានដែរ។ សម្អាងលើកម្លាំង និងសមត្ថភាពរបស់ខ្លួនឯង យើងពិបាកនឹងទប់ទល់ចំពោះបញ្ហាទាំងអស់នេះណាស់ ចូរទុកឱ្យព្រះវិញ្ញាណសម្តែងសកម្មភាពក្នុងយើង។ កាលណាព្រះយេស៊ូជាម្ចាស់លើចិត្តរបស់យើង ចូរយើងត្រៀមទទួលអំណរតាមទំហំនៃសេចក្តីស្រឡាញ់ដែលយើងបានប្រព្រឹត្តចំពោះក្រុមជនបំពានតាមអ៊ីនធឺណែត។

ការរិះគិត

អ្នកដែលត្រូវប្រឈមមុខចំពោះជនបំពានលើអ៊ីនធឺណែតមុនគេបង្អស់គឺជាអ្នករាល់គ្នា។ អ្នករាល់គ្នាមានមធ្យោបាយជាច្រើនដើម្បីជួយដូចជាៈ បន្លឺសម្លេងរកអ្នកជួយ កោះហៅជនបំពាន ពឹងពាក់លើមនុស្សពេញវ័យដែលអាចទុកចិត្តបាន ឬយល់ដឹងអំពីបញ្ហា។ បើអ្នករាល់គ្នាបារម្ភអំពីសុវត្ថិភាពផ្តាល់ខ្លួន ឬអាចមានវិបត្តិកើតឡើងចំពោះអ្នករាល់គ្នានៅលើបណ្តាញអ៊ីនធឺណែត ចូរនិយាយទៅកាន់មនុស្សពេញវ័យណាម្នាក់ដែលខ្លួនអាចទុកចិត្តបាន។ ចូរកុំខ្វល់អំពីសារទាំងឡាយដែលមកពីជនបំពាន ផ្តល់មតិយោបល់របស់ខ្លួននៅលើបណ្តាញទំនាក់ទំនងសង្គម និងកែប្រែប្រព័ន្ធសុវត្តិភាពលើកម្មវិធីប្រើប្រាស់។ ចូរចងចាំដំណោះស្រាយបីដំណាក់កាលគឺ បិទ ដាក់ស្ងៀមស្ងាត់ និងរៀបរាប់អំពីការបំពានលើអ៊ឺនធឺណែត។

អធិដ្ឋានសម្រាប់ជនបំពាន

បពិត្រព្រះជាម្ចាស់ពោរពេញដោយសេចក្តីស្រឡាញ់!
ព្រះអង្គមានព្រះបន្ទូលថា បើនរណាម្នាក់អះអាងថាខ្លួននៅក្នុងពន្លឺ តែបែរជាស្អប់បងប្អូនរបស់ខ្លួន អ្នកនោះកំពុងតែឋិតនៅក្នុងទីងងឹត។
កូនសូមទូលអង្វរសម្រាប់អស់អ្នកដែលនៅក្នុងទីងងឹតក្នុងពេលឥឡូវនេះ សម្រាប់អស់អ្នកដែលមានចិត្តស្អប់លើសេចក្តីស្រឡាញ់ ហើយជ្រើសរើសយកការគំរាមកំហែងលើការគោរព។
កូនសូមទូលអង្វរសម្រាប់ក្រុមជនបំពាននៅពេលឥឡូវនេះ សូមព្រះអង្គកែប្រែដួងចិត្តរបស់ពួកគេ។
ឱព្រះអម្ចាស់អើយ! សូមឱ្យពន្លឺរបស់ព្រះអង្គចែងចាំងលើពួកគេ និងបញ្ចេញរស្មីក្នុងទីងងឹតដែលគ្របដណ្ដប់លើពួកគេផង។
អាមែន។

វិដេអូសក្ខីភាព

68 Views

Post Views: 54