តើខ្ញុំត្រូវរស់នៅជាមួយនឹងអ្វីដែលខ្លួនមានយ៉ាងដូចម្តេច? | How do I live with what I have?

មាតិកា | Contents

តើខ្ញុំត្រូវរស់នៅជាមួយនឹងអ្វីដែលខ្លួនមានយ៉ាងដូចម្តេច?
How do I live with what I have?

ចំណេះដឹងផ្នែកហិរញ្ញវត្ថុគឺជាសមត្ថភាពចេះប្រើប្រាស់សម្ភារដូចជា ថវិកា ការសន្សំ និងការវិនិយោគ ដើម្បីមានសេរីភាពពីសម្ពាធផ្លូវចិត្តផ្នែកហិរញ្ញវត្ថុនៅក្នុងជីវិតរបស់អ្នករាល់គ្នា។

យើងកំពុងរស់នៅក្នុងសម័យកាលមួយដែលជួបប្រទះនឹងការលំបាកផ្នែកហិរញ្ញវត្ថុ ជាពិសេសការលំបាកសម្រាប់យុវជន។ រាល់ថ្ងៃ មានសារចំនួនរាប់ពាន់ផ្ញើមកពង្វក់យើងអំពីផលចំនេញលើការទិញទំនិញ បង្រៀនយើងឱ្យចង់បានអ្វីៗគ្រប់យ៉ាងថែមទៀត។ លើសពីនេះ គឺយើងងាយស្រួលទទួលបានឥណទាន ប៉ុន្តែឥណទានអាចក្លាយទៅជាអន្ទាក់ផ្នែកហិរញ្ញវត្ថុដែលត្រូវបង់ថ្លៃយ៉ាងច្រើន ប្រសិនបើយើងមិនដឹងថា វាដំណើរការយ៉ាងដូចម្តេច។

ចំណេះដឹងផ្នែកហិរញ្ញវត្ថុជួយការពារយើងកុំឱ្យក្លាយទៅជាជនរងគ្រោះលើការបោកប្រាស់ផ្នែកហិរញ្ញវត្ថុ។ យើងត្រូវមានសមត្ថភាពចេះបែងចែកឱ្យច្បាស់អំពីភាពខុសគ្នារវាងអ្វីយើងចង់បាន និងអ្វីយើងត្រូវការ ហើយចេះប្រើប្រាស់ហិរញ្ញវត្ថុរបស់យើងឱ្យបានត្រឹមត្រូវច្បាស់លាស់។ ចេះរៀនរង់ចាំជាជាងដោះស្រាយភ្លាមៗទៅតាមសង្គមដែលផ្តល់ឱ្យយើង។

លទ្ធិព្រះសហគមន៍ចែងអ្វីខ្លះ?

សម្តេចប៉ាប ហ្រ្វង់ស៊ីស្កូ ទូន្មានយើងកុំបណ្តោយខ្លួនឱ្យចាញ់បោកការកេងចំណេញតាម”មេចាត់ចែង”នៃពិភពលោកទំនើបនេះថា៖

«យុវជនជាទីស្រឡាញ់!
កុំបណ្តោយខ្លួនឱ្យគេកេងចំណេញលើយុវភាពរបស់កូនៗដោយផ្តល់តម្លៃជីវិតសើរៗនៅលើសំបកក្រៅ ដែលមិនមែនជាសោភ័ណភាពពិតប្រាកដនោះឡើយ។
ចូរដឹងថា សោភ័ណភាពមាននៅក្នុងអ្នកធ្វើការ ដែលត្រឡប់មកផ្ទះវិញខ្លួនប្រាណប្រឡាក់ និងសក់កន្ទ្រើង តែមានអំណរសប្បាយដោយបានរកម្ហូបអាហារចិញ្ចឹមគ្រួសាររបស់ខ្លួន។
ក្រុមគ្រួសារដែលចេះចែក និងទទួលទានម្ហូបអាហារដែលខ្លួនមានរួមជាមួយគ្នាពិតជាមានសោភ័ណភាពដ៏អស្ចារ្យ។»
(Christus vivit ១៨៣)

«ព្រះយេស៊ូស្គាល់អំពីអារម្មណ៍ដែលមនុស្សលោកមិនយល់ និងបដិសេធព្រះអង្គ។ ព្រះអង្គមានបទពិសោធន៍អំពីភាពភ័យខ្លាចនៃការរងទុក្ខ និងព្រះអង្គដឹងអំពីភាពទន់ខ្សោយនៃទុក្ខលំបាក។ ព្រះអង្គបែរព្រះភក្រ្ដទតមើលទៅអនាគត ដោយថ្វាយព្រះជន្មទៅក្នុងព្រះហស្ដព្រះបិតា និងទុកចិត្តលើកម្លាំងដែលមកពីព្រះវិញ្ញាណ។ យុវជនទាំងអស់អាចស្គាល់ខ្លួនឯងក្នុងអង្គព្រះយេស៊ូនេះហើយ។»
(Christus vivit ៣១)

តើព្រះគម្ពីរចែងអ្វីខ្លះ?

នៅក្នុងព្រះគម្ពីរមានឃ្លាព្រះបន្ទូលច្រើនជាង២០០០ខ ដែលថ្លែងអំពីថវិកា។ ព្រះជាម្ចាស់ទូន្មានអំពីរបៀបសំខាន់ៗជាច្រើនដែលយើងត្រូវរស់នៅជាមួយនឹងថវិកា។ ឃ្លាព្រះបន្ទូលមួយដែលសំខាន់ជាងគេ គឺនៅក្នុងកណ្ឌគម្ពីរសុភាសិតផ្តល់ដំបូន្មានឱ្យយើងចេះបង្កើនទ្រព្យតាមរបៀបដ៏ត្រឹមត្រូវ៖

«ទ្រព្យរកបានរហ័ស បាត់‌បង់ក៏រហ័សដែរ
រីឯទ្រព្យរកបានដោយសន្សំ
រមែងកើនឡើងជាដរាប។»
(សភ ១៣,១១)

មនុស្សជាច្រើនកំពុងតែរកមើលក្បួនក្លាយទៅជាអ្នកមានយ៉ាងឆាប់រហ័ស។ ពួកគេចង់បានទ្រព្យតាមគ្រប់មធ្យោបាយដែលខ្លួនអាចធ្វើទៅបាន ហើយមិនគិតអំពីការលក់ព្រលឹង ឬសេចក្ដីសុច្ចរិតរបស់ខ្លួន សម្រាប់ទ្រព្យសម្បត្តិដ៏ស្តុកស្តម្ភដែលត្រូវបង់ថ្លៃយ៉ាងច្រើន ដើម្បីក្លាយទៅជាអ្នកមាននោះទេ។ ឃ្លាគម្ពីរសុភាសិតនេះដាស់តឿនថា បើយើងរកបានប្រាក់ពីការងារស្មោះត្រង់ នោះយើងមានទ្រព្យសម្បត្តិត្រឹមត្រូវកើនចំនួនច្រើនឡើងដោយឋិតថេរ ហើយកេរ្ដិ៍ឈ្មោះ និងសេចក្តីថ្លៃថ្នូរក៏ចម្រើនឡើងផងដែរ។

ការរិះគិត

កាលណាយើងរៀនអំពីអត្ថប្រយោជន៍នៃចំណេះដឹងផ្នែកហិរញ្ញវត្ថុកាន់តែច្រើននាពេលឥឡូវនេះ នោះយើងនឹងពឹងផ្អែកលើថវិកាកាន់តែតិចនៅពេលក្រោយ។ គោលការណ៍មួយចំនួននៅខាងក្រោមនេះនឹងជួយអ្នករាល់គ្នាកសាងទម្លាប់ចាត់ចែងថវិការឱ្យត្រឹមត្រូវ៖

ត្រូវចំណាយតិចជាងចំណូលជាប្រចាំ ទោះបីអ្នករកបានប៉ុណ្ណាក៏ដោយ។
តាមដានការចំណាយ ហើយចាយតាមការចំបាច់។
កំណត់គោលដៅថវិការយៈពេលខ្លី និងរយៈពេលវែង។
ជៀសវាងជាប់បំណុល គ្រាន់តែខ្លីបំណុលដើម្បីទិញ ឬវិនិយោគទៅលើទ្រព្យដែលកើនតម្លៃប៉ុណ្ណោះ។
ចាប់ផ្ដើមវិនិយោគលើគោលដៅក្នុងរយៈពេលវែងឆ្ងាយ ប៉ុន្តែត្រូវប្រាកដថា អ្វីដែលអ្នករាល់គ្នាធ្វើវិនិយោគគឺត្រឹមត្រូវ និងសុខសប្បាយ។
ចាប់ផ្តើមសន្សំតាមសមត្ថភាពអាចធ្វើទៅបាន ទោះបីតិចតួចប៉ុណ្ណាក៏ដោយ។ ទាំងដើមទាំងចុងនឹងធ្វើឱ្យចំនួនសន្សំតិចតួចកើនឡើងឆាប់រហ័សជាងការនឹកស្មាន។
ប្រើប្រាស់ធានារ៉ាប់រងត្រឹមត្រូវបង្ការហានិភ័យធ្ងន់ធ្ងរ ចេះស្តាប់ដំបូន្មានល្អក្នុងពេលធ្វើដំណើរ។
កុំភ្លេចធ្វើទាន និងធ្វើដោយទៀងទាត់។ ចែកទានមួយចំណែកពីថវិកាប្រចាំខែរបស់អ្នករាល់គ្នា។

វីដេអូសក្ខីភាព

61 Views

Post Views: 58