ត្រីវិស័យនៃបញ្ហាជីវិត

មាតិកា | Contents

ស្គាល់អត្តសញ្ញាណខ្លួនឯងក្នុងព្រះគ្រីស្ត
Identify: Identified

Identity: Identified (ស្គាល់អត្តសញ្ញាណខ្លួនឯងក្នុងព្រះគ្រីស្ត) គឺជាសៀវភៅមួយដែលរៀបរៀងប្រធានបទចំនួន២៤ ផ្ដោតលើឧបសគ្គប្រឈមធំចម្បងដែលកំពុងកើតមាននៅក្នុងជីវិតរបស់យុវជន ដោយអប់រំពួកគេឱ្យមានគំនិតចេះដោះស្រាយបញ្ហាប្រឈមទាំងនោះ និងស្វែងយល់អត្តសញ្ញាណរបស់ខ្លួនទាក់ទងនឹងមូលហេតុ ដែលព្រះជាម្ចាស់បានបង្កើតយើងម្នាក់ៗតាមរបៀបដោយឡែកៗពីគ្នា។

សំពាធលើយុវវ័យនាពេលបច្ចុប្បន្ននេះកើតឡើងជាប្រចាំ គួរឱ្យព្រួយបារម្ភ និងបង្ករគ្រោះថ្នាក់ដល់យុវជនជាច្រើននាក់ឱ្យបាត់បង់ឆន្ទៈរស់នៅ នៅពេលពួកគេយល់ឃើញថា គ្មានមធ្យោបាយដើម្បីដោះស្រាយបញ្ហា។ ជានិច្ចជាកាល យុវជនជួបឧបសគ្គស្វែងរកមិនឃើញអំពីអត្តសញ្ញាណនៃការត្រាស់ហៅនៅក្នុងជីវិតរបស់ពួកគេ និងអំពីមូលហេតុដែលព្រះជាម្ចាស់បង្កើតពួកគេ។

ឆ្នាំ២០១៨ សម្តេចប៉ាប ហ្រ្វង់ស៊ីស្កូ បានយកចិត្តទុកដាក់គិតគូចំពោះឧបសគ្គដែលយុវជនកំពុងតែប្រឈមនេះ។ សម្តេចប៉ាបបានកោះប្រជុំសន្និបាតវិសមញ្ញក្រុមលោកអភិបាលកាតូលិកទូទាំងសកលលោក រិះគិតផ្ដោតលើឧបសគ្គធំចម្បងដែលកត់សម្គាល់ឃើញថា ជាបញ្ហាដ៏ចាំបាច់នាពេលបច្ចុប្បន្ន។ គោលបំណងនៃសន្និបាតនេះ ដើម្បីផ្ដល់នូវគំនិតអនុវត្ដ និងសេចក្តីសង្ឃឹម។ សម្តេចប៉ាប ហ្រ្វង់ស៊ីស្កូ មានបន្ទូលថា៖ «ព្រះគ្រីស្តមានព្រះជន្មគង់នៅក្នុងយុវជនគ្រប់គ្នា ហើយព្រះអង្គមិនបោះបង់យុវជនទេ»។ សៀវភៅ Identity: Identified នេះ សមាគមព្រះគម្ពីរបានរៀបចំឡើងដើម្បីឆ្លើយតបទៅនឹងកម្មវិធីអប់រំយុវជនរបស់សម្ដេចប៉ាប ហ្រ្វង់ស៊ីស្កូ។

ព្រះយេស៊ូមានព្រះបន្ទូលទៅក្រុមសាវ័កថា៖ «សូមអញ្ជើញមក ហើយតាមខ្ញុំ»។ សៀវភៅនេះមានប្រធានចំនួន២៤ ដាក់បញ្ចូលទៅក្នុងគម្ពីរសម្ពន្ធមេត្រីថ្មីទាំងអស់ សម្រាប់ជាឧបករណ៍អនុវត្ដន៍ជួយមនុស្សគ្រប់គ្នា ជាពិសេសយុវជនឱ្យរួមដំណើរជាមួយព្រះយេស៊ូ ដើម្បីមានត្រីវិស័យនៃបញ្ហាជីវិត និងចេះទុកចិត្តលើព្រះអង្គជាមិត្ដសម្លាញ់ និងជាអ្នករួមដំណើរជាមួយគ្នាពិតប្រាកដ។ សៀវភៅនេះមានលក្ខណៈពិសេសដោយសារ៣ចំនុច៖

ឃ្លាព្រះបន្ទូលគន្លឹះជាច្រើនមានរំលេចពណ៌ ដើម្បីជួយលើកទឹកចិត្ត និងផ្តល់ទំនុកចិត្ត ដូចជាត្រីវិស័យនៃបញ្ហាជីវិត។
អាចមើលជាវីដេអូមួយចំនួនលើទូរស័ព្ទដៃតាមរយៈ QR codes មាន២៤ប្រធានបទ។
ដំឡើង App ដែលមានផ្ទុកឯកសារទាំងអស់នៅលើទូរស័ព្ទដៃ។

ពិភាក្សា និងស្វែងរកចម្លើយក្នុងព្រះគម្ពីរអំពី

សំណួរទាក់ទងជីវិតជាក់ស្ដែង

—————

សៀវភៅ Identity: Identified នេះមានអត្ថបទព្រះគម្ពីរសម្ពន្ធមេត្រីថ្មីទាំងអស់ ដោយមានរំលេចពណ៌នូវឃ្លាព្រះបន្ទូលជាច្រើន ដើម្បីជួយបំភ្លឺឱ្យអ្នកអានចេះជំនះរាល់ឧបសគ្គនានា ដែលកើតឡើងនៅក្នុងជីវិតដូចមាននៅក្នុងប្រធានបទទាំង២៤ដូចខាងក្រោម៖

179 Views

Post Views: 141