ថ្ងៃទី២៨ ក្មេងដ៏ស្លូតត្រង់

ម៉ោង៩ ព្រឹក

ព្រះបន្ទូលរបស់ព្រះជាម្ចាស់ (៩ ព្រឹក) សណ ១,១៦

ទឹកភ្នែកខ្ញុំហូរឥតស្រាកស្រាន្ត ខ្ញុំយំសោកស្រណោះអ្នកទាំងនោះគ្មាននរណាម្នាក់សម្រាលទុក្ខខ្ញុំ គ្មាននរណាម្នាក់ធ្វើឲ្យខ្ញុំរស់រានឡើងវិញឡើយ។ កូនចៅរបស់ខ្ញុំត្រូវវិនាស ព្រោះខ្មាំងសត្រូវមានកម្លាំងជាង។

បន្ទរ៖ ព្រះជាម្ចាស់បានបំពាក់សេចក្តីរីករាយឱ្យពួកគេ។
—ព្រមទាំងបំពាក់សិរីរុងរឿងឱ្យពួកគេទៀតផង។

ពាក្យអធិដ្ឋាន

ម៉ោង១២ ថ្ងៃត្រង់

ព្រះបន្ទូលរបស់ព្រះជាម្ចាស់ (១២ ថ្ងៃត្រង់) សណ ២,១១

ខ្ញុំយំទាល់តែហើមភ្នែក ចិត្តខ្ញុំខ្លោចផ្សា ថ្លើមប្រមាត់ខ្ញុំក៏ខ្ទេចខ្ទាំព្រោះតែមហន្ត‌រាយនៃប្រជាជនរបស់ខ្ញុំ។ កូនក្មេង និងទារកដេកដួលនៅតាមផ្លូវក្នុងបុរីនេះ។

បន្ទរ៖ មនុស្សសុចរិតនឹងរស់នៅជារៀងរហូត។
—ការរស់នៅជាមួយព្រះជាម្ចាស់ គឺជារង្វាន់របស់ពួកគេ។

ពាក្យអធិដ្ឋាន

ម៉ោង៣ រសៀល

ព្រះបន្ទូលរបស់ព្រះជាម្ចាស់ (៣ រសៀល) យរ ៣១,១៦.១៧ក

ព្រះអម្ចាស់មានព្រះ‌បន្ទូលថា៖ «ឈប់យំសោក និងឈប់បង្ហូរទឹកភ្នែកទៅ! ដ្បិតនាងទទួលផលពីអំពើដែលខ្លួនប្រព្រឹត្ត កូនចៅរបស់នាងនឹងវិលត្រឡប់ពីស្រុករបស់ខ្មាំងសត្រូវមកវិញ អនាគតនាងពោរ‌ពេញដោយសេចក្ដីសង្ឃឹម -នេះជាព្រះ‌បន្ទូលរបស់ព្រះ‌អម្ចាស់-។

បន្ទរ៖ សន្តបុគ្គលទាំងឡាយនឹងរីករាយក្នុងសិរីរុងរឿង។
—ពួកគេនឹងច្រៀងយ៉ាងសប្បាយ ពេលគេក្រាបនៅចំពោះព្រះភក្រ្តព្រះជាម្ចាស់។