ថ្ងៃពុធ ក្រោយបុណ្យព្រះយេស៊ូសម្តែងព្រះអង្គ

ម៉ោង៩ ព្រឹក

ព្រះបន្ទូលរបស់ព្រះជាម្ចាស់ (៩ ព្រឹក) ១ធម ១,១៥

ពាក្យនេះគួរឲ្យជឿ ហើយសមនឹងទទួលយកទាំងស្រុង គឺថាព្រះ‌គ្រីស្ត យេស៊ូបានយាងមកក្នុងពិភព‌លោក ដើម្បីសង្គ្រោះមនុស្សបាប ដូចរូបខ្ញុំនេះជាអាទិ៍។

បន្ទរ៖ ព្រះអង្គបានទតមកផែនដី។
—ព្រះអង្គជាបុរសម្នាក់ក្នុងចំណោមបុរសទាំងឡាយ។

ពាក្យអធិដ្ឋាន

ម៉ោង១២ ថ្ងៃត្រង់

ព្រះបន្ទូលរបស់ព្រះជាម្ចាស់ (១២ ថ្ងៃត្រង់) វវ ២១,២៣-២៤

ក្រុងនោះមិនត្រូវការពន្លឺព្រះ‌អាទិត្យ ឬព្រះ‌ច័ន្ទឡើយ ដ្បិតសិរី‌រុងរឿងរបស់ព្រះ‌ជាម្ចាស់បំភ្លឺក្រុង ហើយកូនចៀមក៏ជាចង្កៀងរបស់ក្រុងដែរ។ ជាតិសាសន៍នានានឹងដើរក្នុងពន្លឺរបស់ក្រុងនោះ ហើយស្ដេចនានានឹងនាំរាជ្យទ្រព្យចូលមកក្នុងក្រុងនោះដែរ។

បន្ទរ៖ ប្រជាជាតិទាំងអស់នឹងឃើញសិរីរុងរឿងនៃព្រះដ៏វិសុទ្ធរបស់អ្នករាល់គ្នា។
—ហើយស្តេចទាំងឡាយនៅលើផែនដី នឹងទទួលស្គាល់ព្រះចេស្តារបស់ព្រះអង្គ។

ពាក្យអធិដ្ឋាន

ម៉ោង៣ រសៀល

ព្រះបន្ទូលរបស់ព្រះជាម្ចាស់ (៣ រសៀល) ១យហ ១,៥

ដំណឹងដែលយើងបានឮពីព្រះ‌យេស៊ូ‌គ្រីស្ត ហើយយកមកជម្រាបជូនបង‌ប្អូននេះ មានសេចក្ដីដូចតទៅ: ព្រះ‌ជាម្ចាស់ជាពន្លឺ គ្មានសេចក្ដីងងឹតនៅក្នុងព្រះ‌អង្គទាល់តែសោះ។

បន្ទរ៖ ប្រជាជនទាំងឡាយអើយ! ចូរសរសើរតម្កើងព្រះជាម្ចាស់នៃយើង។
—ចូរច្រៀងសរសើរតម្កើងសិរីរុងរឿងនៃព្រះនាមព្រះអង្គ។