ថ្ងៃទី២ កុម្ភៈ បុណ្យថ្វាយព្រះឱរស

ម៉ោង៩ ព្រឹក

ព្រះបន្ទូលរបស់ព្រះជាម្ចាស់ (៩ ព្រឹក) អស ៨,១៤

ពេលនោះ ព្រះអង្គផ្ទាល់នឹងធ្វើជាទីសក្ការៈ តែព្រះ‌អង្គជាថ្មដែលនាំឱ្យប្រជាជាតិអ៊ីស្រាអែលទាំងពីរនគរប៉ះទង្គិច ជាសិលាដែលនាំឱ្យគេជំពប់ដួល ហើយក៏ជាជង់ និងជាអន្ទាក់ដល់ក្រុងយេរូ‌សាឡឹមដែរ។

បន្ទរ៖ ព្រះ‌អម្ចាស់បានសម្រេចតាមព្រះ‌បន្ទូលសន្យាហើយ
—ព្រះ‌អង្គតែង‌តែសម្ដែងព្រះ‌ហឫទ័យមេត្តា‌ករុណា និងព្រះ‌ហឫទ័យស្មោះ‌ស្ម័គ្រ ចំពោះកូនចៅអ៊ីស្រា‌អែលជា‌និច្ច។

ពាក្យអធិដ្ឋាន

ម៉ោង១២ ថ្ងៃត្រង់

ព្រះបន្ទូលរបស់ព្រះជាម្ចាស់ (១២ ថ្ងៃត្រង់) អស ៤២,១៣

ព្រះ‌អម្ចាស់ស្រឡាញ់ប្រជាជនរបស់ព្រះ‌អង្គយ៉ាងខ្លាំង ព្រះ‌អង្គយាងចេញទៅដូចវីរជន ដូចអ្នកចម្បាំងដ៏ចំណាន ព្រះ‌អង្គបន្លឺព្រះសូរសៀង ស្រែកកម្លា ហើយយកជ័យ‌ជម្នះលើខ្មាំងសត្រូវ។

បន្ទរ៖ មនុស្ស‌ម្នាដែលរស់នៅគ្រប់ទីដាច់ស្រយាលនៃផែន‌ដី បានឃើញការសង្គ្រោះនៃព្រះរបស់យើង
—មនុស្សនៅលើផែនដីទាំងមូលអើយ ចូរបន្លឺសំឡេងតម្កើងព្រះអម្ចាស់ដោយអំណរ !

ពាក្យអធិដ្ឋាន

ម៉ោង៣ រសៀល

ព្រះបន្ទូលរបស់ព្រះជាម្ចាស់ (៣ រសៀល) អស ១២,៥-៦

ចូរស្មូតទំនុកតម្កើងថ្វាយព្រះ‌អម្ចាស់ ដ្បិតព្រះអង្គបានធ្វើការផ្សេងៗដ៏អស្ចារ្យបំផុត ចូរប្រកាសពីការអស្ចារ្យទាំងនេះឱ្យមនុស្សនៅលើផែន‌ដីទាំងមូលដឹងផង! អ្នកក្រុងស៊ីយ៉ូនអើយ ចូរនាំគ្នាបន្លឺសំឡេងជយឃោសដោយអំណរ! ដ្បិតព្រះដ៏‌វិសុទ្ធរបស់ជនជាតិអ៊ីស្រាអែល ដែលគង់នៅកណ្ដាលចំណោមអ្នករាល់គ្នា ព្រះ‌អង្គឧត្តុង្គ‌ឧត្ដម!។

បន្ទរ៖ ព្រះ‌អម្ចាស់នឹងសម្ដែងព្រះ‌ហឫទ័យមេត្តាករុណា និងព្រះ‌ហឫទ័យស្មោះ‌ស្ម័គ្រចំពោះយើង
—ធ្វើឱ្យយើងស្គាល់យុត្តិធម៌ និងសេចក្ដីសុខ‌សាន្ត។