អាសនៈសន្តសិលា ជាគ្រីស្តទូត

ព្រះបន្ទូលរបស់ព្រះជាម្ចាស់ (៩ ព្រឹក) អស ២២,២២

យើងនឹងប្រគល់កូនសោវាំងរបស់ស្តេចដាវីឌឱ្យគាត់ បើគាត់បើក គ្មាននរណាបិទបានទេ ហើយបើគាត់បិទ ក៏គ្មាននរណាបើកបានដែរ។

បន្ទរ៖ «សំឡេងរបស់គេបានឮខ្ចរ‌ខ្ចាយពាស‌ពេញលើផែន‌ដីទាំងមូល
—ហើយពាក្យសម្ដីរបស់គេបានឮខ្ចរខ្ចាយ រហូតដល់ស្រុកដាច់ស្រយាលនៃពិភព‌លោក»។

ពាក្យអធិដ្ឋាន

ព្រះបន្ទូលរបស់ព្រះជាម្ចាស់ (១២ ថ្ងៃត្រង់) ១សល ៥,១-២ក

ចំពោះព្រឹទ្ធាចារ្យដែលនៅក្នុងចំណោមបង‌ប្អូន ក្នុងនាមខ្ញុំជាព្រឹទ្ធាចារ្យដូចគ្នា ហើយជាបន្ទាល់អំពីទុក្ខលំបាករបស់ព្រះ‌គ្រីស្ត និងជាអ្នករួមទទួលសិរី‌រុងរឿង ដែលនឹងត្រូវលេចមក ខ្ញុំសូមដាស់‌តឿនថាៈ សូមមើលថែ‌រក្សាហ្វូងចៀមដែលព្រះ‌ជាម្ចាស់ផ្ញើទុកនឹងបង‌ប្អូន ដោយចិត្តស្មោះ‌ស្ម័គ្រ ស្របតាមព្រះ‌ហឫទ័យព្រះ‌ជាម្ចាស់។

បន្ទរ៖ ក្រុមគ្រីស្តទូតបានប្រកាន់ខ្ជាប់នូវសាររបស់ព្រះគ្រីស្ត
—ពួកគេថែរក្សាសិក្ខាបទដែលព្រះអង្គបានប្រគល់ឱ្យពួកគេ។

ពាក្យអធិដ្ឋាន

ព្រះបន្ទូលរបស់ព្រះជាម្ចាស់ (៣ រសៀល) ២សល ១,១៦

យើងពុំបានយករឿងប្រឌិតផ្សេងៗមកណែ‌នាំបង‌ប្អូន ឱ្យស្គាល់ឫទ្ធា‌នុភាពរបស់ព្រះ‌យេស៊ូ‌គ្រីស្តជាព្រះ‌អម្ចាស់នៃយើង និងឱ្យដឹងថា ព្រះ‌អង្គត្រូវយាងមកនោះឡើយ គឺយើងបានឃើញភាពថ្កុំ‌ថ្កើងរុង‌រឿងរបស់ព្រះ‌អង្គ ផ្ទាល់នឹងភ្នែកតែម្ដង។

បន្ទរ៖ ចូរអរសប្បាយរីករាយឡើង -នេះជាព្រះបន្ទូលរបស់ព្រះអម្ចាស់។
—ដោយអ្នករាល់គ្នាមានឈ្មោះកត់ទុកនៅស្ថានបរម‌សុខវិញ។