ភីលេម៉ូន - Catholic Faith Cambodia

សម្ពន្ធមេត្រីចាស់ | Old Testament 46

១. គម្ពីរធម្មវិន័យ | Pentateuch 5

២. គម្ពីរប្រវត្តិសាស្រ្ត | History 16

៣. គម្ពីរប្រាជ្ញាញាណ | Wisdom 7

៤. គម្ពីរព្យាការី | Prophet 18

សម្ពន្ធមេត្រីថ្មី | New Testament 27

១. គម្ពីរដំណឹងល្អ | Gospels 4

២. គម្ពីរប្រវត្តិសាស្រ្ត | History 1

កិច្ចការគ្រីស្តទូត (កក)
Acts of the Apostles (Ac)

៣. លិខិតសន្តប៉ូល | Paul Letter 13

៤. សំណេរសកល | Catholic Letter 5

៥. សំណេរសន្តយ៉ូហាន | John Writing 4

^{លិខិតរបស់គ្រីស្តទូតប៉ូលផ្ញើជូន}
លោកភីលេម៉ូន

ពាក្យលំនាំ

លិខិតរបស់លោកប៉ូលផ្ញើជូន

លោកភីលេ‌ម៉ូន

ពាក្យលំនាំ

លោកភីលេ‌ម៉ូនៈ ជាអ្នកធំមួយរូបដែលជឿព្រះ‌គ្រីស្ត ហើយលោកប្រហែលជាត្រូវជាសមាជិកមួយរូបក្នុងព្រះ‌សហគមន៍នៅក្រុងកូឡូស។ គាត់ត្រូវជាមិត្ត‌ភក្ដិរបស់លោកប៉ូល(ខ១)។ គាត់មានខ្ញុំបម្រើម្នាក់ឈ្មោះ អូនេ‌ស៊ីម ដែលបានរត់ចេញពីផ្ទះ។ អូនេ‌ស៊ីមបានទៅជួបលោកប៉ូល ហើយក៏ប្រែចិត្តជឿព្រះ‌យេស៊ូដែរ។ លោកប៉ូលបានសម្រេចចិត្តចាត់គាត់ឲ្យវិលត្រឡប់ទៅរកម្ចាស់របស់ខ្លួនវិញ ហើយលោកបាន សរសេរលិខិតឲ្យគាត់កាន់ទៅជាមួយផង។ ក្នុងលិខិតនេះ លោកប៉ូលបានសុំឲ្យលោកភីលេ‌ម៉ូនទទួលអូនេ‌ស៊ីម ក្នុងឋានៈជាបង‌ប្អូនរួមជំនឿ គឺមិនមែនជាខ្ញុំបម្រើទៀតទេ(ធម្មតា ទាសករដែលរត់ដូច្នេះ តែង‌តែទទួលទោសជាទម្ងន់)។

គោលសំខាន់:

យើងសង្កេតឃើញថាលោកប៉ូលពុំបានបង្គាប់បញ្ជាលោកភីលេ‌ម៉ូនទេ ហើយលោកក៏ពុំបានជំទាស់នឹងសិទ្ធិរបស់លោកភីលេ‌ម៉ូនដែលជាម្ចាស់លើអូនេ‌ស៊ីមដែរ។ លោកគ្រាន់តែរំឭកលោកភីលេ‌ម៉ូន និងអស់អ្នកដែលអានលិខិតនេះ អំពីព្រះ‌ហឫទ័យស្រឡាញ់របស់ព្រះ‌គ្រីស្ត ដែលនាំមនុស្សឲ្យមានទំនាក់‌ទំនងរវាងគ្នានឹងគ្នា តាមបែបមួយថ្មី សមជាអ្នកដែលបានទទួលជីវិតថ្មី។

គម្រោងគម្ពីរភីលេ‌ម៉ូនៈ

• សេចក្ដីផ្ដើម ១-៣

• លោកប៉ូលសរសើរលោកភីលេ‌ម៉ូន ៤-៧

• លោកប៉ូលសុំអនុ‌គ្រោះអូនេ‌ស៊ីម ៨-២២

• អវសាន‌កថា ២៣-២៥

១

សេចក្ដីផ្ដើម

១ ខ្ញុំ ប៉ូល នៅជាប់ឃុំ‌ឃាំង ព្រោះតែព្រះ‌គ្រីស្ត‌យេស៊ូ ព្រមទាំងធីម៉ូថេជាបង‌ប្អូន សូមជម្រាបមកលោកភីលេ‌ម៉ូនជាទីស្រឡាញ់ ដែលរួមការ‌ងារជាមួយយើង ២ សូមជម្រាបមកប្អូនស្រីអ័ព្យ៉ា ជម្រាបមកលោកអឃីពូសដែលតយុទ្ធរួមជាមួយយើង និងសូមជម្រាបមកព្រះ‌សហគមន៍*ដែលប្រជុំគ្នាក្នុងផ្ទះរបស់លោកប្អូន សូមជ្រាប។

៣ សូមព្រះ‌ជាម្ចាស់ជាព្រះ‌បិតារបស់យើង និងព្រះ‌យេស៊ូ‌គ្រីស្តជាអម្ចាស់ ប្រណី‌សន្ដោស ប្រទានសេចក្ដីសុខ‌សាន្តដល់បង‌ប្អូន។

សេចក្ដីស្រឡាញ់ និងជំនឿរបស់លោកភីលេ‌ម៉ូន

៤ រាល់ពេលអធិស្ឋាន* ខ្ញុំតែង‌តែនឹកដល់លោកប្អូន ហើយអរព្រះ‌គុណព្រះ‌ជាម្ចាស់របស់ខ្ញុំជា‌និច្ច ៥ ដ្បិតខ្ញុំបានឮគេនិយាយអំពីសេចក្ដីស្រឡាញ់ និងជំនឿរបស់លោកប្អូនចំពោះព្រះ‌អម្ចាស់យេស៊ូ និងចំពោះប្រជាជនដ៏‌វិសុទ្ធទាំងអស់។ ៦ សូមព្រះ‌អង្គប្រទានឲ្យការរួមរស់ក្នុងជំនឿ ជំរុញចិត្តលោកប្អូនឲ្យស្គាល់ច្បាស់ នូវការល្អគ្រប់យ៉ាង ដែលយើងត្រូវធ្វើថ្វាយព្រះ‌គ្រីស្ត*។ ៧ ខ្ញុំមានអំណរ និងមានកម្លាំងចិត្តយ៉ាងខ្លាំង ដោយឃើញថាលោកប្អូនមានចិត្តស្រឡាញ់ ដ្បិតលោកប្អូនបានធ្វើឲ្យប្រជាជនដ៏‌វិសុទ្ធ*មានចិត្តស្ងប់។

លោកប៉ូលអង្វរលោកភីលេ‌ម៉ូន

៨ ទោះបីខ្ញុំមានសិទ្ធិពេញទីនឹងបង្គាប់លោកប្អូន ក្នុងនាមព្រះ‌គ្រីស្ត ឲ្យធ្វើអ្វីដែលលោកប្អូនត្រូវធ្វើក្តី ៩ ក៏ខ្ញុំចូលចិត្តយកសេចក្ដីស្រឡាញ់មកអង្វរលោកប្អូនវិញដែរ។ ខ្ញុំ ប៉ូល ដែលកាន់តែចាស់ហើយ ឥឡូវនេះ ក៏ជាប់ឃុំ‌ឃាំង ព្រោះតែព្រះ‌គ្រីស្ត‌យេស៊ូថែមទៀត ១០ ខ្ញុំសូមអង្វរលោកប្អូនឲ្យកូនរបស់ខ្ញុំ គឺអូនេ‌ស៊ីម ដែលខ្ញុំបានបង្កើត នៅពេលជាប់ឃុំ‌ឃាំង។ ១១ ពីដើម គាត់គ្មានប្រយោជន៍អ្វីសម្រាប់លោកប្អូនមែន ប៉ុន្តែ ឥឡូវនេះ គាត់ប្រាកដជាមានប្រយោជន៍សម្រាប់លោកប្អូន ក៏ដូចជាមានប្រយោជន៍សម្រាប់ខ្ញុំដែរ។

១២ ខ្ញុំសូមចាត់គាត់ ដែលប្រៀបបីដូចជាថ្លើមប្រមាត់របស់ខ្ញុំ ឲ្យវិលមករកលោកប្អូនវិញ។ ១៣ ខ្ញុំមានបំណងចង់ទុកគាត់ឲ្យនៅជាមួយខ្ញុំដែរ ដើម្បីឲ្យនៅបម្រើខ្ញុំជំនួសលោកប្អូន ក្នុងពេលខ្ញុំជាប់ឃុំ‌ឃាំង ព្រោះតែដំណឹង‌ល្អ*នេះ ១៤ ក៏ប៉ុន្តែ ខ្ញុំមិនចង់ធ្វើអ្វីដោយគ្មានការយល់ព្រមពីលោកប្អូនឡើយ ដើម្បីកុំឲ្យលោកប្អូនធ្វើអំពើល្អ ទាំងទើសទាំងទ័ល គឺធ្វើដោយស្ម័គ្រចិត្តវិញ។ ១៥ អូនេ‌ស៊ីមត្រូវតែឃ្លាតឆ្ងាយពីលោកប្អូនមួយ‌រយៈមែន ដើម្បីឲ្យលោកប្អូនបានទទួលគាត់វិញអស់កល្ប‌ជានិច្ច ១៦ មិនមែនក្នុងឋានៈជាខ្ញុំបម្រើទៀតទេ គឺក្នុងឋានៈជាបង‌ប្អូនដ៏ជាទីស្រឡាញ់ ដូច្នេះ ប្រសើរជាងខ្ញុំបម្រើទៅទៀត។ គាត់ជាបង‌ប្អូនដ៏ជាទីស្រឡាញ់យ៉ាងខ្លាំងរបស់ខ្ញុំ ហើយចំពោះលោកប្អូន គាត់ក៏រឹតតែជាទីស្រឡាញ់ថែមទៀត ទាំងខាងលោកីយ៍ ទាំងខាងព្រះ‌អម្ចាស់។

១៧ ដូច្នេះ ប្រសិនបើលោកប្អូនរាប់ខ្ញុំទុកជាបង‌ប្អូនរួមជំនឿមែន សូមទទួលគាត់ឲ្យបានដូចទទួលខ្ញុំផ្ទាល់ដែរ។ ១៨ ប្រសិនបើគាត់ធ្វើអ្វីខុសចំពោះលោកប្អូន ឬប្រសិនបើគាត់ជំពាក់អ្វីលោកប្អូន សូមគិតទៅលើខ្ញុំចុះ។ ១៩ ខ្ញុំ ប៉ូល ខ្ញុំសរសេរពាក្យនេះដោយដៃខ្ញុំផ្ទាល់ថា ខ្ញុំនឹងសងលោកប្អូនវិញ (ខ្ញុំមិនបាច់រំឭកថា លោកប្អូនក៏នៅជំពាក់ខ្ញុំផងដែរនោះទេ គឺនៅជំពាក់រូបលោកប្អូនផ្ទាល់តែម្ដង)។ ២០ លោកប្អូនអើយ សូមលោកប្អូនមេត្តាជួយខ្ញុំ ដោយយល់ដល់ព្រះ‌អម្ចាស់ ហើយសូមធ្វើឲ្យចិត្តខ្ញុំបានស្ងប់ក្នុងអង្គព្រះ‌គ្រីស្តផង។

២១ ខ្ញុំសរសេរមកលោកប្អូន ដោយជឿជាក់ថា លោកប្អូនមុខជាស្ដាប់តាមសំណូមពររបស់ខ្ញុំ។ ខ្ញុំក៏ដឹងថា លោកប្អូននឹងធ្វើលើសពីពាក្យដែលខ្ញុំសុំទៅទៀត។ ២២ ព្រមជាមួយគ្នានេះ សូមលោកប្អូនរៀបចំកន្លែងមួយសម្រាប់ឲ្យខ្ញុំស្នាក់ផង ដ្បិតខ្ញុំសង្ឃឹមថានឹងបានមកជួបបង‌ប្អូនមិនខាន ព្រោះបង‌ប្អូនបានទូល‌អង្វរព្រះ‌ជាម្ចាស់ឲ្យខ្ញុំ។

ពាក្យសួរសុខទុក្ខ

២៣ លោកអេប៉ា‌ប្រាស ដែលជាប់ឃុំ‌ឃាំងជាមួយខ្ញុំ ព្រោះតែព្រះ‌គ្រីស្ត‌យេស៊ូ សូមជម្រាបសួរមកលោកប្អូន ២៤ ហើយលោកម៉ាកុស លោកអរី‌ស្ដាក លោកដេម៉ាស និងលោកលូកា ដែលរួមការ‌ងាររបស់ខ្ញុំ ក៏សូមជម្រាបសួរមកលោកប្អូនដែរ។

២៥ សូមព្រះ‌យេស៊ូ‌គ្រីស្ត ជាព្រះ‌ជាម្ចាស់នៃយើងប្រណី‌សន្ដោសដល់វិញ្ញាណបង‌ប្អូន។

840 Views

Post Views: 703

១. គម្ពីរធម្មវិន័យ | Pentateuch 5

២. គម្ពីរប្រវត្តិសាស្រ្ត | History 16

៣. គម្ពីរប្រាជ្ញាញាណ | Wisdom 7

៤. គម្ពីរព្យាការី | Prophet 18

១. គម្ពីរដំណឹងល្អ | Gospels 4

២. គម្ពីរប្រវត្តិសាស្រ្ត | History 1

៣. លិខិតសន្តប៉ូល | Paul Letter 13

៤. សំណេរសកល | Catholic Letter 5

៥. សំណេរសន្តយ៉ូហាន | John Writing 4

លិខិតរបស់គ្រីស្តទូតប៉ូលផ្ញើជូនលោកភីលេម៉ូន

លិខិត​របស់​លោក​ប៉ូល​ផ្ញើ​ជូន

លោក​ភីលេ‌ម៉ូន

ពាក្យ​លំនាំ

គោល​សំខាន់:

គម្រោង​គម្ពីរ​ភីលេ‌ម៉ូនៈ

សេចក្ដី​ផ្ដើម

សេចក្ដី​ស្រឡាញ់ និង​ជំនឿ​របស់​លោក​ភីលេ‌ម៉ូន

លោក​ប៉ូល​អង្វរ​លោក​ភីលេ‌ម៉ូន

ពាក្យ​សួរ​សុខ​ទុក្ខ

^{លិខិតរបស់គ្រីស្តទូតប៉ូលផ្ញើជូន}
លោកភីលេម៉ូន

លិខិតរបស់លោកប៉ូលផ្ញើជូន

លោកភីលេ‌ម៉ូន

ពាក្យលំនាំ

គោលសំខាន់:

គម្រោងគម្ពីរភីលេ‌ម៉ូនៈ

សេចក្ដីផ្ដើម

សេចក្ដីស្រឡាញ់ និងជំនឿរបស់លោកភីលេ‌ម៉ូន

លោកប៉ូលអង្វរលោកភីលេ‌ម៉ូន

ពាក្យសួរសុខទុក្ខ