គង្វាលដ៏ល្អ

លោកឪពុក សិលា គឺជាគង្វាលដ៏ល្អម្នាក់ ដ្បិតលោកបានចំណាយពេលវេលាអស់មួយជីវិតក្នុងការបំពេញតួនាទីជាបូជាចារ្យដើម្បីបម្រើព្រះជាម្ចាស់ បម្រើព្រះសហគមន៍ និងបម្រើសង្គម។ លោកពិតជាមានអំណរសប្បាយដោយបានជ្រើសរើសការត្រាស់ហៅឱ្យទទួលអគ្គសញ្ញាតែងតាំងជាបូជាចារ្យ។ ឈានចូលដល់វ័យ៨០ឆ្នាំ លោកចែករំលែកបទពិសោធន៍ និងផ្តល់សក្ខីភាពអំពីព្រះយេស៊ូ ដែលបានណែនាំលោកអស់មួយជីវិតឱ្យក្លាយទៅជាគង្វាលដ៏ល្អ។ លោកមិនខក ចិត្តឡើយ ហើយក៏មិនសោកស្តាយចំពោះការថ្វាយខ្លួនទាំងស្រុង និងការយកព្រះយេស៊ូគ្រីស្តធ្វើជាម្ចាស់ចិត្តដែរ។ សៀវភៅ «គង្វាលដ៏ល្អ» នេះ គឺជាសក្ខីភាពដ៏អស្ចារ្យជួយបំភ្លឺយើងឱ្យស្គាល់អំពីបទពិសោធន៍នៃជីវិតរបស់លោក។